N'KANGULU WUMOONË

<div class="version vid2987 iso6393vif" data-vid="2987" data-iso6393="vif">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s1">Yeesu wasukul&#235; maalu m&#235; bilaanzi byaandi</div><div class="p"> 1Ntet&#235; n'saangu Paak&#235;, Yeesu wuzaab&#235; ti zool&#235; yafwaan&#235; mu naandi mu kubiik&#235; buloongo be buubu mu kweend&#235; ke Taat&#235;. Naandi wul&#235;zolaang&#235; ntaangu syooso baandi bo bab&#235; mu buloongo i naandi wube zol&#235; tee f&#235; siitu. 2Yeesu i bilaanzi byaandi b&#235;l&#235;lyaangaang&#235; ndiiwu m&#235;sik&#235;. Dyaabu wuseeng&#235; n'tim&#235; Zuda, mwaan&#235; Simu li Iskalyoot&#235;, mu kusumbisi Yeesu. 3Yeesu wul&#235;zaabaang&#235; naveek&#235; ti wufumin&#235; ke Nzaambi, i wuvutuk&#235;n&#235; ke Nzaambi i Taat&#235; wutuul&#235; byak&#235; byooso mu lutumu lwaandi. 4Naandi wus&#235; maan&#235; n'tel&#235; f&#235; mees&#235;, wuvuul&#235; cinkutu cyaandi i wuboong&#235; n'lel&#235; wuziing&#235; mu lucyeto. 5F&#235; mbus&#235;, naandi wusekul&#235; masi mu libool&#235; i wus&#235; sukul&#235; maalu m&#235; bilaanzi byaandi i wum&#235;fyoon&#235; mu n'lel&#235; wab&#235; kuziing&#235; mu lucyeto. 6Naandi wus&#235; bel&#235;m&#235; yi Simu li Pyeel&#235; wun&#235; wun'kaamb&#235; : &#171; A Fumu, njeeyi wakun'sukul&#235; maalwe? &#187; 7Yeesu wun'vutulil&#235; : &#171; Njeeyi wus&#235; mun&#235; kubakul&#235; kuve buyifanwabu abu man&#235; yil&#235; mu kuvaang&#235;, kasi wum'bakul&#235; mu ntaangu yin'kwis&#235;. &#187; 8Pyeel&#235; wus&#235; n'kaamb&#235; : &#171; Moniko, njeeyi kupodi ve kun'sukul&#235; maalu! &#187; Yeesu wun'vutulil&#235; : &#171; Ning&#235; miinu yisye kusukul&#235; maalu kuve, njeeyi wus&#235; m'bak&#235; cikuuku ko yimun&#235; miinu. &#187; 9Simu li Pyeel&#235; wus&#235; n'kaamb&#235;: &#171; A Fumu, ning&#235; boobo, keel&#235; kun'sukul&#235; tok&#235; maalu, kasi n'sukuli yivaandi myooko i n'tu! &#187; 10Yeesu wun'kaamb&#235; : &#171; Wun&#235; wakobil&#235;, naandi n'ciinz&#235; mu kusukul&#235; tok&#235; maalu, cibil&#235; nawooso wucya. Beeno lucya, yaaku beeno booso kuve. &#187; 11Yeesu wuzaab&#235; buboti nani wufit&#235; kun'sumbisi. Bwaawu kutubil&#235; : &#171; Been&#235; booso lukeeli lucya ko. &#187;</div><div class="p"> 12Yeesu abu kwe mani kub&#235;sukul&#235; maalu, naandi wuboong&#235; cinkutu cyaandi, wuvutuk&#235; f&#235; mees&#235; i kub&#235;kaamb&#235; : &#171; Beeno lwabakul&#235; man&#235; yaluvaang&#235;? 13Beeno lul&#235; mu kun'teel&#235; &#8220;Fumu&#8221; i &#8220;N'loonji&#8221;, lu n'luung&#235; cibil&#235; miinu bwaawu yikeeli. 14Ning&#235; miinu, Fumu i N'loonji yalusukul&#235; maalu, beeno yivaandi, lufwenikini kuyisukul&#235; maalu benuveek&#235; yi benuveek&#235;. 15Miinu yaluleesi buni lufwenikini kusiil&#235; bwiinji luvangil&#235; bo bumweek&#235; miinu yasil&#235; mu beeno. 16Licyelik&#235;, licyelik&#235; yilukaamb&#235;, ciseelu sye vyokil&#235; bunaang&#235; yi Fumu kuve, kaambofo wun&#235; b&#235;fil&#235; kuvyokil&#235; bunaang&#235; yi wun&#235; wun'fil&#235;#13.16 v. 12-16 i Lik 22.24-27.. 17Buyifanwabu beeno lwazaab&#235; mamoomo, beeno lum'ba mu liyaanji ning&#235; lube m&#235;salil&#235;. 18Miinu yis&#235; n'tubil&#235; kuve mu beeno booso, yizabisi ban&#235; yisool&#235;. Kasi bube fwan&#235;k&#235;n&#235; mo m&#235;son&#235;m&#235; m&#235;vang&#235;n&#235; : &#8220;Wo wul&#235;kabenaang&#235; yaami limpa wakum'balukul&#235;.#13.18 Twi 41.10.&#8221; 19Buyifanwabu yakulukaamb&#235;, ntet&#235; lyaambu kuvang&#235;n&#235;, bwiinji ti faan&#235; lyaawu lin'kwisil&#235; beeno luta maan&#235; ti &#8220;miinu yikeeli&#8221;. 20Licyelik&#235;, licyelik&#235; yilukaamb&#235; : wosuku wun'tambul&#235; wun&#235; miinu yin'fil&#235;, wukun'tambul&#235; yivaandi. Wosuku wukun'tambul&#235;, wutambul&#235; wun&#235; wukun'fil&#235;. &#187;</div><div class="s1">Yeesu wazabikini ti Zuda wukun'sumbisi</div><div class="r">(Mat 26.20-25; Mak 14.17-21; Lik 22.21-23)</div><div class="p"> 21F&#235; mbus&#235; mamoomo, Yeesu wucyenz&#235;k&#235;n&#235; been&#235;, naandi wus&#235; tub&#235; yi nkasu : &#171; Licyelik&#235;, licyelik&#235; yilukaamb&#235; : wumweek&#235; mu beeno wukun'sumbisi. &#187; 22Bilaanzi byaandi b&#235;l&#235;tal&#235;s&#235;naang&#235; baveek&#235; yi baveek&#235; i bis&#235; kufus&#235;n&#235; : &#171; Mu nani kul&#235; mu kutubil&#235;? &#187; 23Wumweek&#235; mu bilaanzi wun&#235; Yeesu kul&#235;zolaang&#235;, wab&#235; wukal&#235; f&#235; nkoonzu Yeesu. 24Simu li Pyeel&#235; wus&#235; n'cyebul&#235;, bwiinji kuyuful&#235; Yeesu mu nani naandi wul&#235; mu kutubil&#235;. 25Cilaanzi wus&#235; betik&#235; n'tu f&#235;ke Yeesu i wun'yuful&#235; : &#171; A Fumu, nani owe? &#187; 26Yeesu wus&#235; vutul&#235; : &#171; Miinu yake m'bwiik&#235; citini cimpa mu lubuci, wun&#235; yin'tambik&#235; cyaawu, na woowo. &#187; Yeesu wus&#235; boongooso citini cimpa, wubwiik&#235; i wus&#235; tambik&#235; Zuda, li mwaan&#235; Simu li Iskalyoot&#235;. 27Fo Zuda kwe boonji citini cimpa, Sat&#235;n&#235; wus&#235; kot&#235; mu naandi. Yeesu wun'kaamb&#235; : &#171; Lin&#235; njeeyi wuvwiili n'ciinz&#235; kuvaang&#235;, leng&#235; vaang&#235; lyaawu. &#187; 28Wun'viip&#235; ve mu bak&#235; booso bab&#235; f&#235; mees&#235; wuzaab&#235; cibil&#235;-mbici naandi kul&#235;tubilaang&#235; boobo. 29Abu Zuda kul&#235;sweekaang&#235; n'kut&#235; mboongo, mpaap&#235; mu baawu b&#235;l&#235;balaang&#235; ti Yeesu wun'kaamb&#235; mu kweend&#235; mu kusuumb&#235; bini bifwenikini mu n'saangu, kaambofo mu ke vaan&#235; likabu ke biyeembi. 30Zuda, wus&#235; boong&#235; citini cimpa i wus&#235; leng&#235; basik&#235;. Bwiisi bwab&#235; bwa kwiil&#235;.</div><div class="s1">N'kaak&#235; wumoon&#235;</div><div class="p"> 31Zuda abu kwe basik&#235;, Yeesu wus&#235; tub&#235; : &#171; Buyifanwabu bumpumu bu Mwaan&#235; Muutu bwamonik&#235; i bumpumu bu Nzaambi bwamonik&#235; mu naandi. 32Vandi, ning&#235; bumpumu bu Nzaambi bum'monik&#235; mu naandi, Nzaambi yivaandi wun'leesi mu naveek&#235; bumpumu bu Mwaan&#235; i naandi wabel&#235;m&#235; mu kulivaang&#235;. 33A baan&#235; baami, miinu yicili yiinu mu mwa ntaangu too. Beeno lukun'toomb&#235; kasi yakulukaamb&#235; buyifanwabu man&#235; miinu yikaamb&#235; Sizwiif&#235; simes&#235;, beeno kupodi ve kweend&#235; ko miinu yil&#235; mu kweend&#235;#13.33 7.34.. 34Miinu yakuluvaan&#235; n'kaak&#235; wumoon&#235; : zol&#235;s&#235;naanu benuveek&#235; yi benuveek&#235;. Lufwenikini kuzol&#235;s&#235;n&#235; benuveek&#235; yi benuveek&#235; bo yiluzolil&#235;. 35Ning&#235; beeno lube zol&#235;s&#235;n&#235; benuveek&#235; i benuveek&#235; faawu ofo, bak&#235; booso b&#235;n'zabil&#235; ti beeno bilaanzi byaami lukeeli. &#187;</div><div class="s1">Yeesu wake n'zabikini ti Pyeel&#235; wukun'tun&#235;</div><div class="r">(Mat 26.31-35; Mak 14.27-31; Lik 22.31-34)</div><div class="p"> 36Simu li Pyeel&#235; wus&#235; n'yuful&#235; : &#171; A Fumu, njeeyi kuni wak&#235; kun'kweende? &#187; Yeesu wun'vutulil&#235; : &#171; Njeeyi kupodi ve kun'daand&#235; buyifanwabu ko yakun'kwend&#235;, kasi njeeyi wukun'daand&#235; bilumbu bin'kwiis&#235; kun'twaal&#235;. &#187; 37Pyeel&#235; wus&#235; n'kaamb&#235; : &#171; A Fumu, cibil&#235;-mbici yin'kaambu kukulaand&#235; buyifanwabu? Miinu yabel&#235;m&#235; mu kuvaan&#235; luziingu lwaami mu njeeyi! &#187; 38Yeesu wus&#235; n'vutulil&#235; : &#171; Njeeyi wun'vaan&#235; luziingu lwaaku mu cibil&#235; cyaami? Licyelik&#235;, licyelik&#235; yikukaamb&#235;: ntet&#235; susu kukokil&#235; f&#235; vyaasi tatu, njeeyi wukun'tun&#235;. &#187;</div>
 </div>
 </div>
</div>

Ntetë n'saangu Paakë, Yeesu wuzaabë ti zoolë yafwaanë mu naandi mu kubiikë buloongo be buubu mu kweendë ke Taatë. Naandi wulëzolaangë ntaangu syooso baandi bo babë mu buloongo i naandi wube zolë tee fë siitu. Yeesu i bilaanzi byaandi bëlëlyaangaangë ndiiwu mësikë. Dyaabu wuseengë n'timë Zuda, mwaanë Simu li Iskalyootë, mu kusumbisi Yeesu. Yeesu wulëzaabaangë naveekë ti wufuminë ke Nzaambi, i wuvutukënë ke Nzaambi i Taatë wutuulë byakë byooso mu lutumu lwaandi. Naandi wusë maanë n'telë fë meesë, wuvuulë cinkutu cyaandi i wuboongë n'lelë wuziingë mu lucyeto. Fë mbusë, naandi wusekulë masi mu liboolë i wusë sukulë maalu më bilaanzi byaandi i wumëfyoonë mu n'lelë wabë kuziingë mu lucyeto. Naandi wusë belëmë yi Simu li Pyeelë wunë wun'kaambë : « A Fumu, njeeyi wakun'sukulë maalwe? » Yeesu wun'vutulilë : « Njeeyi wusë munë kubakulë kuve buyifanwabu abu manë yilë mu kuvaangë, kasi wum'bakulë mu ntaangu yin'kwisë. » Pyeelë wusë n'kaambë : « Moniko, njeeyi kupodi ve kun'sukulë maalu! » Yeesu wun'vutulilë : « Ningë miinu yisye kusukulë maalu kuve, njeeyi wusë m'bakë cikuuku ko yimunë miinu. » Simu li Pyeelë wusë n'kaambë: « A Fumu, ningë boobo, keelë kun'sukulë tokë maalu, kasi n'sukuli yivaandi myooko i n'tu! » Yeesu wun'kaambë : « Wunë wakobilë, naandi n'ciinzë mu kusukulë tokë maalu, cibilë nawooso wucya. Beeno lucya, yaaku beeno booso kuve. » Yeesu wuzaabë buboti nani wufitë kun'sumbisi. Bwaawu kutubilë : « Beenë booso lukeeli lucya ko. »
Yeesu abu kwe mani kubësukulë maalu, naandi wuboongë cinkutu cyaandi, wuvutukë fë meesë i kubëkaambë : « Beeno lwabakulë manë yaluvaangë? Beeno lulë mu kun'teelë “Fumu” i “N'loonji”, lu n'luungë cibilë miinu bwaawu yikeeli. Ningë miinu, Fumu i N'loonji yalusukulë maalu, beeno yivaandi, lufwenikini kuyisukulë maalu benuveekë yi benuveekë. Miinu yaluleesi buni lufwenikini kusiilë bwiinji luvangilë bo bumweekë miinu yasilë mu beeno. Licyelikë, licyelikë yilukaambë, ciseelu sye vyokilë bunaangë yi Fumu kuve, kaambofo wunë bëfilë kuvyokilë bunaangë yi wunë wun'filë. Buyifanwabu beeno lwazaabë mamoomo, beeno lum'ba mu liyaanji ningë lube mësalilë. Miinu yisë n'tubilë kuve mu beeno booso, yizabisi banë yisoolë. Kasi bube fwanëkënë mo mësonëmë mëvangënë : “Wo wulëkabenaangë yaami limpa wakum'balukulë.” Buyifanwabu yakulukaambë, ntetë lyaambu kuvangënë, bwiinji ti faanë lyaawu lin'kwisilë beeno luta maanë ti “miinu yikeeli”. Licyelikë, licyelikë yilukaambë : wosuku wun'tambulë wunë miinu yin'filë, wukun'tambulë yivaandi. Wosuku wukun'tambulë, wutambulë wunë wukun'filë. »


Fë mbusë mamoomo, Yeesu wucyenzëkënë beenë, naandi wusë tubë yi nkasu : « Licyelikë, licyelikë yilukaambë : wumweekë mu beeno wukun'sumbisi. » Bilaanzi byaandi bëlëtalësënaangë baveekë yi baveekë i bisë kufusënë : « Mu nani kulë mu kutubilë? » Wumweekë mu bilaanzi wunë Yeesu kulëzolaangë, wabë wukalë fë nkoonzu Yeesu. Simu li Pyeelë wusë n'cyebulë, bwiinji kuyufulë Yeesu mu nani naandi wulë mu kutubilë. Cilaanzi wusë betikë n'tu fëke Yeesu i wun'yufulë : « A Fumu, nani owe? » Yeesu wusë vutulë : « Miinu yake m'bwiikë citini cimpa mu lubuci, wunë yin'tambikë cyaawu, na woowo. » Yeesu wusë boongooso citini cimpa, wubwiikë i wusë tambikë Zuda, li mwaanë Simu li Iskalyootë. Fo Zuda kwe boonji citini cimpa, Satënë wusë kotë mu naandi. Yeesu wun'kaambë : « Linë njeeyi wuvwiili n'ciinzë kuvaangë, lengë vaangë lyaawu. » Wun'viipë ve mu bakë booso babë fë meesë wuzaabë cibilë-mbici naandi kulëtubilaangë boobo. Abu Zuda kulësweekaangë n'kutë mboongo, mpaapë mu baawu bëlëbalaangë ti Yeesu wun'kaambë mu kweendë mu kusuumbë bini bifwenikini mu n'saangu, kaambofo mu ke vaanë likabu ke biyeembi. Zuda, wusë boongë citini cimpa i wusë lengë basikë. Bwiisi bwabë bwa kwiilë.

Zuda abu kwe basikë, Yeesu wusë tubë : « Buyifanwabu bumpumu bu Mwaanë Muutu bwamonikë i bumpumu bu Nzaambi bwamonikë mu naandi. Vandi, ningë bumpumu bu Nzaambi bum'monikë mu naandi, Nzaambi yivaandi wun'leesi mu naveekë bumpumu bu Mwaanë i naandi wabelëmë mu kulivaangë. A baanë baami, miinu yicili yiinu mu mwa ntaangu too. Beeno lukun'toombë kasi yakulukaambë buyifanwabu manë miinu yikaambë Sizwiifë simesë, beeno kupodi ve kweendë ko miinu yilë mu kweendë. Miinu yakuluvaanë n'kaakë wumoonë : zolësënaanu benuveekë yi benuveekë. Lufwenikini kuzolësënë benuveekë yi benuveekë bo yiluzolilë. Ningë beeno lube zolësënë benuveekë i benuveekë faawu ofo, bakë booso bën'zabilë ti beeno bilaanzi byaami lukeeli. »


Simu li Pyeelë wusë n'yufulë : « A Fumu, njeeyi kuni wakë kun'kweende? » Yeesu wun'vutulilë : « Njeeyi kupodi ve kun'daandë buyifanwabu ko yakun'kwendë, kasi njeeyi wukun'daandë bilumbu bin'kwiisë kun'twaalë. » Pyeelë wusë n'kaambë : « A Fumu, cibilë-mbici yin'kaambu kukulaandë buyifanwabu? Miinu yabelëmë mu kuvaanë luziingu lwaami mu njeeyi! » Yeesu wusë n'vutulilë : « Njeeyi wun'vaanë luziingu lwaaku mu cibilë cyaami? Licyelikë, licyelikë yikukaambë: ntetë susu kukokilë fë vyaasi tatu, njeeyi wukun'tunë. »

Լսել Za 13