God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">1:1-18 God da Gaga Tumanadu Vitiria-mi, Vorea Enembo Nindia Endava Siroruturie.</div><div class="p"> 1Uutude endade jo sirorambi tutunova, God da Gagami vitirie. God da Gaga, um&#243; God gha danode vitirie. Kot&#250; um&#243; beago God re. 2Tutunova, um&#243; God gha danode vitirie.</div><div class="p"> 3Eini-eini vitia, jo einimi undufa unda anova sirorambi re, eini-eini dano God da Gagami urieta siroruturie. 4An&#225; Gaga rera, um&#243; jebugada ruru re. Um&#243; jebuga bua furia mo, enemboda unana aghago janimbeta urie. 5Unda unanami bingoi rova janimbeta rouvie. Tago bingoimi jo afuregari inono irambi re.</div><div class="p"> 6 # 
 Mat 3:1; Mak 1:4; Luk 3:1-2 Avore, God unda aghi emb&#243;, ragaro Jon, ninenguturieta furie. 7God um&#243; ninenguturieta furia-da bee mo, unanada minono rata, enembo niningigea gaabee egegari-du rea, umonu ninenguturieta furie. 8Jon jo an&#225; unana irambi re. Tago, unona unanada gaganu enembodu rata niningigari-du rea, furie. 9An&#225; unana mo, unana bee re. Unona furia, endava enembo nanjogodava janimbeta rouvie.</div><div class="p"> 10En&#225; Gaga seibe furia, endava enembode, eini-einide dano urieta siroruturie. Tago, um&#243; avouvi, enembomi jo gia tanana egegambi re. 11Unda natofo Jiusi enembodava furie-tago, n&#250;mane um&#243; jo bubugambi egeguturie. 12Agh&#225; egeguturie-tago, avona um&#243; jamono gatiturota gaabee egeguturadua mo, unona n&#250;mandava an&#225; God da sasingu ari-du ano ututa rouvie. 13God da sasingu rera, jo n&#250;manda anomi o aya afada anomi, kot&#250; enembo dumenida anomi rata sirorambi re. N&#250;mane God da anomi unda sasingu ea vitie.</div><div class="p"> 14En&#225; Gaga emb&#243; bee nindia sirorea, namonde anda gorotova vitirie. Um&#243; namonde anda rorova irirota, gaa bee nuenembo rirota, namonde am&#243; sonembeta urie. Unda duroghagha namonde gigiguturere. Afa uutuva vitia-da Mendi dabako duroghagha furia irieta, undava gigiguturere. 15Jon um&#243; Iesu nu nundubuturota, egh&#225; ririe, &#8220;&#8216;Emb&#243; eini anda ambova reifia,&#8217; ritara, um&#243; an&#225; jojabe re. Am&#243; ijoko re.</div><div class="q1">Anada bee mo, am&#243; jo sirorambi iria-da dibeva, um&#243; an&#225; vitirie.&#8221;</div><div class="m">Jon um&#243; Iesu du agh&#225; ririe.</div><div class="p"> 16Unda sonembaride, taubanade ea simbugeaveta, namonde am&#243; bubugeta rosore. Kot&#250; etova-etova namonde am&#243; ea simbugeta rouvie. 17Moses dava God Afa na unda Agho Dari ututurieta bua, enembodu ututurie. Kot&#250; Iesu Keriso na, enembodu neno mema ea sonembarida aitode kot&#250; gaa beede bua furie. 18Enembo eini dibemi God jo gambi re. Tago, God da Mendi dabako, Numamogha danode irita uria-mi furia, God da irari daiyaghago an&#225; ririeta, enembo niningiguturie.</div><div class="s1">1:19-28 Jon Bafutaito Ari Katoda Minono Reta Uria Re.</div><div class="r">(Matyu 3:1-12; Mak 1:1-8; Luk 3:1-18)</div><div class="p"> 19Jiusi enemboda babarigarimi Jon uriga ari-du rea, fristi* mane kot&#250; Levi undi Jerusalem reta ninenguturieta, um&#243; avouvi ananu uriga aita igiguturie. 20Aria bubua, uriga egeguturieta, um&#243; jo kivu ambi, isaghava egh&#225; ririe, &#8220;Enemboda Sonemba kato God da utaita riria, an&#225; jo am&#243; irambi re.&#8221; 21#Mal 4:5; Deut 18:15, 18Agh&#225; riria-du, n&#250;mane uriga egeguturie, &#8220;At&#225; rege niningigore! Feroveta Elaija rekago kaverea furasua, gefiria mo, ind&#250; gefiria, a&#297;?&#8221; regeguturieta, Jon ririe, &#8220;Tefo, am&#243; jo um&#243; irambi re,&#8221; Agh&#225; ririeta, n&#250;mane rekago uriga egeguturie, &#8220;Im&#243; an&#225; Feroveta ra?&#8221; regeguturieta, Jon ririe, &#8220;Tefo, am&#243; jo um&#243; irambi re,&#8221; ririe. 22Um&#243; agh&#225; ririeta, n&#250;manena ririe, &#8220;At&#225; im&#243; avouvi, rege niningigore! N&#225;mane gaga mino bua kaverea ya enembo avona ninengetueta etera-du regegaita rosore. Im&#243; indufako daiyagha reta ro?&#8221; 23#Is 40:3Regeguturieta, Jon undufa iruguturota, egh&#225; ririe, &#8220;Aisaia da gefiria aghago rere,</div><div class="q1">&#8216;Uvu tefo kot&#250; enembo irambi kambesiva avo irirota,</div><div class="q2">am&#243; ghogho rere,</div><div class="q1">&#8220;Jojabeeda emboro ea simbuge, dambu ae!&#8221; &#8217;&#8221;.</div><div class="p"> 24-25Moses da Gaga Kaifa kakato* dumeni ninenguturieta fufuguturia-mi, n&#250;manena Jon dava uriga egh&#225; egeguturie, &#8220;God na enembo eini ninengota furari gaa reta rousua, jo im&#243; irambi, kot&#250; im&#243; jo Elaija o an&#225; Feroveta irambi rera mo, im&#243; dodu enembo bafutaito eta ro?&#8221;</div><div class="p"> 26-27Agh&#225; regeguturieta, Jon na mino n&#250;mandu egh&#225; ririe, &#8220;Am&#243; tefo uvumi bafutaito eta rore. Tago, emb&#243; eini reifia, enada ambova isagha aita rouvie-tago, um&#243; seibe n&#237;manda rorova vitie. Tago, n&#237;mane jo gigigambi viteravore. Anode duroghade anda jo undago irambi re.&#8221;</div><div class="p"> 28An&#225; eini-eini dano Betani, Jordan Uvu beina fefera vitari kenava, Jon da bafutaito eta uria kambesiva siroruturie.</div><div class="s1">1:29-34 Sifi Da Mendi God Na Utaita Riria, An&#225; Iesu Um&#243; Re.</div><div class="p"> 29Rifo atiturieta, Iesu Jon dava furueta gerurie-gea, natofodu egh&#225; ririe, &#8220;Gigige! God Sifi da Mendi enemboda ari-bari akokogo bua fugiturota amburari-du riria, onanu reifie. 30Am&#243; en&#225; emb&#243;nu nundubuturota egh&#225; ritare, &#8216;Emb&#243; eini anda ambova reifia, an&#225; jojabe re. Am&#243; ijoko re.&#8217; Anada bee mo, am&#243; jo sirorambi iria-da dibeva, um&#243; vitirie. 31Um&#243; avouvi, am&#243; andufako jo tanana ambi re. Tago am&#243; uvumi bafutaito urota, um&#243; karigota, Israel enembo isaghava gigigea, tanana egegari-du rea futare,&#8221; Jon agh&#225; ririe.</div><div class="p"> 32Anada ambova Jon na gaga eini egh&#225; ririe, &#8220;God da Asisi Kakarami uutuvareta dii uku nindia, isaghava voretia undava asumbetueta, am&#243; gere. 33Am&#243; jo um&#243; tanana ea gogh&#243; ambi re. Tago, God am&#243; uvumi bafutaito ari-du ninenguturieta furera, unona and&#250; egh&#225; ririe, &#8216;Asisi Kakara vorea, emb&#243; avodava asumbota gadora, an&#225; um&#243; re. Unona Asisi Kakarami enembo bafutaito aita rouvie,&#8217; 34En&#225; and&#250; riria, kot&#250; isagha urieta gerurera-nu n&#237;mandu rere, &#8216;En&#225; um&#243; God da Mendi re.&#8217;&#8221;</div><div class="s1">1:35-42 Iesu Da Ambo Nimbi Tutunova Rururia Re.</div><div class="p"> 35Rifo atiturieta, Jon unda ambo nimbi ungaghade rekago kambesi dabako avo vitirie. 36Aghade Iesu furia serigutueta, Jon na gia, egh&#225; ririe, &#8220;Gigige! God Sifi da Mendi ninenguturieta furia, an&#225; overe!&#8221;</div><div class="p"> 37Jon na agh&#225; ririeta, unda ambo nimbi ungagha niningiguturie-gea, ung&#225; Iesu da ambova igiguturie. 38Igigutueta, Iesu kaverea gerurie-gea, n&#250;mandu uriga urie, &#8220;N&#237;mane dodu uno roso?&#8221; ririeta, n&#250;mane regegeturie, &#8220;Rabbi (anada bee mo, an&#225; Irugari Kato re.), im&#243; niavo vite?&#8221;</div><div class="p"> 39Regeguturieta, Iesu na mino ririe, &#8220;Fufuge, gigigadi!&#8221;</div><div class="p">Agh&#225; ririeta, n&#250;mane nemonde aria, unda irari kambesiva nemonde dano iririgutueta, fefera aria, jama ea, 4 koroki urie.</div><div class="p"> 40Jon da gaga niningigea, Iesu da ambova igiguturia embobo ungagha eini, Andru re. En&#225; Andru rera an&#225;, Saimon (o Pita reta rousua) unda ikoko re. 41Andru tatavami aria, unda kaka Saimon tambua egh&#225; ririe, &#8220;God emb&#243; eini utaita riria, an&#225; tatambugetore.&#8221; (God da utaita riria Emb&#243;du Grik gaami Keriso regegeta rosore.)</div><div class="p"> 42Agh&#225; rea, Andru na unda kaka unumbea bua aria, Iesu dava bububuguturieta, Iesu na Saimon tatasegea gerurota egh&#225; ririe, &#8220;Im&#243; Jon da mendi Saimon re-tago, inda ragaro reka, Sifas o Pita rei-ririkore!&#8221; (Gaa Sifas kot&#250; Pita rera-da bee mo, an&#225; &#8220;singoi&#8221; re.)</div><div class="s1">1:43-51 Iesu Na Filip Ung&#225; Nataniel Gha Unda Ambo Nimbi Ari-du Gateguturia Re.</div><div class="p"> 43Rifo atiturieta, Iesu Galili Frovensiva yaita nundubuturie-gea, irurota, Filip tambua ririe, &#8220;Fu ang&#225; yare!&#8221;</div><div class="p"> 44Filip de Andru de Saimon Pita de dano Betsaida naava embobo re. 45Filip aria, Nataniel tambua ririe, &#8220;God da Agho Dari buka, Moses da gefiria-va, emb&#243; eini riria, kot&#250; dabako und&#250; feroveta maneda gegembuguturia emb&#243;, um&#243; reta tatambugetore. Nasaret emb&#243;, Josep da mendi Iesu du rere.&#8221;</div><div class="p"> 46Agh&#225; ririeta, Nataniel na besiga urota, Filip du uriga urie, &#8220;Taubana eini donu Nasaret reta furadu?&#8221; ririeta, Filip na mino ririe, &#8220;Avoreta, fu gadi!&#8221;</div><div class="p"> 47Agh&#225; riria-du, Nataniel erea aria, Iesu dava buburitueta, um&#243; dibe fugia gerurota ririe, &#8220;Israel emb&#243; bee evere, undava gavera eini tefo re.&#8221;</div><div class="p"> 48Agh&#225; ririeta, Nataniel na uriga urie, &#8220;Im&#243; daiyagha am&#243; ge?&#8221; ririeta, Iesu na mino und&#250; egh&#225; ririe, &#8220;Filip jo ya, indava bubambi da dibeva, im&#243; ika baga ruruva asumbea irieta am&#243; gere.&#8221;</div><div class="p"> 49Agh&#225; ririeta, Nataniel mino egh&#225; ririe, &#8220;Irugari Kato, im&#243; God da Mendi, Israel enemboda kini re!&#8221;</div><div class="p"> 50Ririeta, Iesu na mino ririe, &#8220;Im&#243; ika baga ruruva asumbea irota gari gaa retora-du, gaabee rora? An&#225; avore-tago, enada ambova eini-eini dumeni jojabebei gaita roravore.&#8221; 51#Gen 28:12Agh&#225; rea, rekago n&#250;mandu ririe, &#8220;Am&#243; n&#237;mandu gaabee rere. Ambova uutu ifegota, God da anera mane enemboda Jojabee davareta, vorea vitia egeguturota gigigaita rosoravore.&#8221;</div>
 </div>
 </div>
</div>

Uutude endade jo sirorambi tutunova, God da Gagami vitirie. God da Gaga, umó God gha danode vitirie. Kotú umó beago God re. Tutunova, umó God gha danode vitirie.
Eini-eini vitia, jo einimi undufa unda anova sirorambi re, eini-eini dano God da Gagami urieta siroruturie. Aná Gaga rera, umó jebugada ruru re. Umó jebuga bua furia mo, enemboda unana aghago janimbeta urie. Unda unanami bingoi rova janimbeta rouvie. Tago bingoimi jo afuregari inono irambi re.
Avore, God unda aghi embó, ragaro Jon, ninenguturieta furie. God umó ninenguturieta furia-da bee mo, unanada minono rata, enembo niningigea gaabee egegari-du rea, umonu ninenguturieta furie. Jon jo aná unana irambi re. Tago, unona unanada gaganu enembodu rata niningigari-du rea, furie. Aná unana mo, unana bee re. Unona furia, endava enembo nanjogodava janimbeta rouvie.
Ená Gaga seibe furia, endava enembode, eini-einide dano urieta siroruturie. Tago, umó avouvi, enembomi jo gia tanana egegambi re. Unda natofo Jiusi enembodava furie-tago, númane umó jo bubugambi egeguturie. Aghá egeguturie-tago, avona umó jamono gatiturota gaabee egeguturadua mo, unona númandava aná God da sasingu ari-du ano ututa rouvie. God da sasingu rera, jo númanda anomi o aya afada anomi, kotú enembo dumenida anomi rata sirorambi re. Númane God da anomi unda sasingu ea vitie.
Ená Gaga embó bee nindia sirorea, namonde anda gorotova vitirie. Umó namonde anda rorova irirota, gaa bee nuenembo rirota, namonde amó sonembeta urie. Unda duroghagha namonde gigiguturere. Afa uutuva vitia-da Mendi dabako duroghagha furia irieta, undava gigiguturere. Jon umó Iesu nu nundubuturota, eghá ririe, “‘Embó eini anda ambova reifia,’ ritara, umó aná jojabe re. Amó ijoko re.
Anada bee mo, amó jo sirorambi iria-da dibeva, umó aná vitirie.”
Jon umó Iesu du aghá ririe.
Unda sonembaride, taubanade ea simbugeaveta, namonde amó bubugeta rosore. Kotú etova-etova namonde amó ea simbugeta rouvie. Moses dava God Afa na unda Agho Dari ututurieta bua, enembodu ututurie. Kotú Iesu Keriso na, enembodu neno mema ea sonembarida aitode kotú gaa beede bua furie. Enembo eini dibemi God jo gambi re. Tago, God da Mendi dabako, Numamogha danode irita uria-mi furia, God da irari daiyaghago aná ririeta, enembo niningiguturie.


Jiusi enemboda babarigarimi Jon uriga ari-du rea, fristi* mane kotú Levi undi Jerusalem reta ninenguturieta, umó avouvi ananu uriga aita igiguturie. Aria bubua, uriga egeguturieta, umó jo kivu ambi, isaghava eghá ririe, “Enemboda Sonemba kato God da utaita riria, aná jo amó irambi re.” Aghá riria-du, númane uriga egeguturie, “Atá rege niningigore! Feroveta Elaija rekago kaverea furasua, gefiria mo, indú gefiria, aĩ?” regeguturieta, Jon ririe, “Tefo, amó jo umó irambi re,” Aghá ririeta, númane rekago uriga egeguturie, “Imó aná Feroveta ra?” regeguturieta, Jon ririe, “Tefo, amó jo umó irambi re,” ririe. Umó aghá ririeta, númanena ririe, “Atá imó avouvi, rege niningigore! Námane gaga mino bua kaverea ya enembo avona ninengetueta etera-du regegaita rosore. Imó indufako daiyagha reta ro?” Regeguturieta, Jon undufa iruguturota, eghá ririe, “Aisaia da gefiria aghago rere,
‘Uvu tefo kotú enembo irambi kambesiva avo irirota,
amó ghogho rere,
“Jojabeeda emboro ea simbuge, dambu ae!” ’”.
Moses da Gaga Kaifa kakato* dumeni ninenguturieta fufuguturia-mi, númanena Jon dava uriga eghá egeguturie, “God na enembo eini ninengota furari gaa reta rousua, jo imó irambi, kotú imó jo Elaija o aná Feroveta irambi rera mo, imó dodu enembo bafutaito eta ro?”
Aghá regeguturieta, Jon na mino númandu eghá ririe, “Amó tefo uvumi bafutaito eta rore. Tago, embó eini reifia, enada ambova isagha aita rouvie-tago, umó seibe nímanda rorova vitie. Tago, nímane jo gigigambi viteravore. Anode duroghade anda jo undago irambi re.”
Aná eini-eini dano Betani, Jordan Uvu beina fefera vitari kenava, Jon da bafutaito eta uria kambesiva siroruturie.

Rifo atiturieta, Iesu Jon dava furueta gerurie-gea, natofodu eghá ririe, “Gigige! God Sifi da Mendi enemboda ari-bari akokogo bua fugiturota amburari-du riria, onanu reifie. Amó ená embónu nundubuturota eghá ritare, ‘Embó eini anda ambova reifia, aná jojabe re. Amó ijoko re.’ Anada bee mo, amó jo sirorambi iria-da dibeva, umó vitirie. Umó avouvi, amó andufako jo tanana ambi re. Tago amó uvumi bafutaito urota, umó karigota, Israel enembo isaghava gigigea, tanana egegari-du rea futare,” Jon aghá ririe.
Anada ambova Jon na gaga eini eghá ririe, “God da Asisi Kakarami uutuvareta dii uku nindia, isaghava voretia undava asumbetueta, amó gere. Amó jo umó tanana ea goghó ambi re. Tago, God amó uvumi bafutaito ari-du ninenguturieta furera, unona andú eghá ririe, ‘Asisi Kakara vorea, embó avodava asumbota gadora, aná umó re. Unona Asisi Kakarami enembo bafutaito aita rouvie,’ Ená andú riria, kotú isagha urieta gerurera-nu nímandu rere, ‘Ená umó God da Mendi re.’”

Rifo atiturieta, Jon unda ambo nimbi ungaghade rekago kambesi dabako avo vitirie. Aghade Iesu furia serigutueta, Jon na gia, eghá ririe, “Gigige! God Sifi da Mendi ninenguturieta furia, aná overe!”
Jon na aghá ririeta, unda ambo nimbi ungagha niningiguturie-gea, ungá Iesu da ambova igiguturie. Igigutueta, Iesu kaverea gerurie-gea, númandu uriga urie, “Nímane dodu uno roso?” ririeta, númane regegeturie, “ Rabbi (anada bee mo, aná Irugari Kato re.), imó niavo vite?”
Regeguturieta, Iesu na mino ririe, “Fufuge, gigigadi!”
Aghá ririeta, númane nemonde aria, unda irari kambesiva nemonde dano iririgutueta, fefera aria, jama ea, 4 koroki urie.
Jon da gaga niningigea, Iesu da ambova igiguturia embobo ungagha eini, Andru re. Ená Andru rera aná, Saimon (o Pita reta rousua) unda ikoko re. Andru tatavami aria, unda kaka Saimon tambua eghá ririe, “God embó eini utaita riria, aná tatambugetore.” (God da utaita riria Embódu Grik gaami Keriso regegeta rosore.)
Aghá rea, Andru na unda kaka unumbea bua aria, Iesu dava bububuguturieta, Iesu na Saimon tatasegea gerurota eghá ririe, “Imó Jon da mendi Saimon re-tago, inda ragaro reka, Sifas o Pita rei-ririkore!” (Gaa Sifas kotú Pita rera-da bee mo, aná “singoi” re.)

Rifo atiturieta, Iesu Galili Frovensiva yaita nundubuturie-gea, irurota, Filip tambua ririe, “Fu angá yare!”
Filip de Andru de Saimon Pita de dano Betsaida naava embobo re. Filip aria, Nataniel tambua ririe, “God da Agho Dari buka, Moses da gefiria-va, embó eini riria, kotú dabako undú feroveta maneda gegembuguturia embó, umó reta tatambugetore. Nasaret embó, Josep da mendi Iesu du rere.”
Aghá ririeta, Nataniel na besiga urota, Filip du uriga urie, “Taubana eini donu Nasaret reta furadu?” ririeta, Filip na mino ririe, “Avoreta, fu gadi!”
Aghá riria-du, Nataniel erea aria, Iesu dava buburitueta, umó dibe fugia gerurota ririe, “Israel embó bee evere, undava gavera eini tefo re.”
Aghá ririeta, Nataniel na uriga urie, “Imó daiyagha amó ge?” ririeta, Iesu na mino undú eghá ririe, “Filip jo ya, indava bubambi da dibeva, imó ika baga ruruva asumbea irieta amó gere.”
Aghá ririeta, Nataniel mino eghá ririe, “Irugari Kato, imó God da Mendi, Israel enemboda kini re!”
Ririeta, Iesu na mino ririe, “Imó ika baga ruruva asumbea irota gari gaa retora-du, gaabee rora? Aná avore-tago, enada ambova eini-eini dumeni jojabebei gaita roravore.” Aghá rea, rekago númandu ririe, “Amó nímandu gaabee rere. Ambova uutu ifegota, God da anera mane enemboda Jojabee davareta, vorea vitia egeguturota gigigaita rosoravore.”

Լսել Jon 1