Sharanahua - 2016 Edition (NT) Non Drama

Sharanahua - 2016 Edition (NT) Drama

<div class="version vid522 iso6393mcd" data-vid="522" data-iso6393="mcd">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Jes&#250;s nocofunu funitiroma caya huani</div><div class="r"> Mr 2.1-12; Lc 5.17-26</div><div class="p"> 1Ascatan Jes&#250;s shasho naqui nanucaini ian mahuan pocufaini ahuun pushurasi ano noconi. 2Asca caini pushu muran iquicun rafu non rafuri nocofunufoan aton caifo isinincai afi raqui caiyamacai afiri ahua huatiroma Jes&#250;s shinanmaqui shuhua naratashon ihuunifo a cayahuamanon. Ascaiton Jes&#250;s oian nan nocofunu isinincaiton ahuun yorafoan fasi icoinra huaifoan oinquin isinincai yoiqui isca huani, &#8212;Uhuun yorashta, ratuyamahuu. Natian mun mia chaca soashona, &#8212;huaiton.</div><div class="p"> 3Nicacani Mois&#233;s cununi cuscan tapimamisifoan aton nomuranshon shinanquin isca huanifo, &#8212;Ajaa. Natocai chaca soatiroma. Fasi Dios chaca huai. Diosin fustitofin chaca soatiroquin. Asca noco paraquin. &#8220;Un Diosiran,&#8221; noco huamapai, &#8212;ishon aton nomuranshon shinanchacanifo.</div><div class="p"> 4Ascaifoan onanshon Jes&#250;s ato yoiquin isca huani, &#8212;&#191;Ahuuscai maton nomuranshon man amaquiri shinanchacaimun? 5-6Unfi Cristoquin yorafoan aton chaca un soashotiro. &#191;Ascan ahuuscacaimun un huaicai? Un chaca soashoyamaraquin un cayahuai. Ascacun un mato ismai Upa Diosin ua catoan. Ahuunshofin un chaca soafain un yorafo caya huacointiroquin, &#8212;ishon ato yoini. Ascatan Jes&#250;s nan nocofunu afi raqui cayamacai afiri ahua huatiroma yoini, &#8212;Min pushu ano min shuhua ya funicaitahuun, &#8212;ishon Jes&#250;s yoiaino. 7Funinaca huatan ahuun pushu ano cani. 8Ascaiton oincani nantifi mustaiaricatan yoinifo, &#8212;Ahuuscashomun Diosin isca huaiquin. Diosin fasi sharacoin tsoa cuscarama. Ahuun yonohuunshon na nocofunu isinincai Jes&#250;s ahuun tsainmansi caya huafain ahuun chacari soashonaran, &#8212;ishon yoinifo.</div><div class="s">Jes&#250;s Mateo cunani</div><div class="r"> Mr 2.13-17; Lc 5.27-32</div><div class="p"> 9Nanscacaini caaquin Jes&#250;s ua oinni. Unfin noco niaifo pui fishofafainmisi iniquin. Ascan uhuun anufin Mateoquin. A muranshon aton pui fianti pushun facu muran un tsaoa ini. Ascaiton Jes&#250;s ua yoini, &#8212;Un fu cahuun ua tanamisi iishquin, &#8212;Jes&#250;s ua catonquin huani. Ua asca huaino un afu cani.</div><div class="p"> 10Ascashon Jes&#250;s uhuun pushu muranshon un pimani. Yorafori no fu cani. Niaifo pui fishomisi futsafo non icoinra huamafo futsafoan atohuunoa shinanchacamisifo yafi non afu rafuafori cani. Ascashon nanfoan no futan piinifo. 11Ascaiton oincaquin Fariseofoan Jes&#250;s fu rafumisifo yoini, &#8212;&#191;Ahuuscai maton tapimamisi Jes&#250;s nan niaifo pui fishomisifo non chaca futsafo futan piimun? &#8212;huanifo.</div><div class="p"> 12-13Ascaifoan nicaquin Jes&#250;s ato cumani, &#8212;A isinincaifoma cayahuamamitsamisi yopacanima. Ascan nan isinincaifoti fasi cayahuamamitsamisi yopacani. Ascarifi aquin, &#8220;Uncai ahua chaca huamisima. Un Numamisi yopaimaran,&#8221; icaifocai un aton chaca soashotiroma. Ascan tsoan yoiqui isca huai, &#8220;Un fasi chaca huamisi. Un numamisi yopacoinran,&#8221; icaifoan un ato chaca soashotiro. Ascacun Diosin tsain cununi cuscan tapitacahuun. Cunuqui isca huani, &#8220;Ua man ina fushomisi un mato chaca soashonon. Nan fusticai un fuchipaima. Ascatamarocon man futsafohuun ramapaiyai nancaifin un fasi fuchipaiquin,&#8221; ishon Diospan tsain cununi. &#8212;Jes&#250;s ato huani.</div><div class="s">Piqui tunuaihuunoa</div><div class="r"> Mr 2.18-22; Lc 5.33-39</div><div class="p"> 14Ascashon ato yoiaino Juan fu rafumisifo aqui fucashon yocanifo. &#8212;&#191;Ahuuscai Fariseofo futan non piqui tunumisifiano mifu rafuafoan piqui tunumisimamun? &#8212;ishon Jes&#250;s yocaifoan. 15Ato cumani, &#8212;Nocofunu fu ainfo fianainnoricai unimai fusicaquin tsoan piqui tunutiroma. Nanno funu anocai ahuun yorafoan piqui tunutirofoma. Ascafia funu amaqui rutuafono shinancaquin piqui tunutirofo.</div><div class="p"> 16Sahuuti shunicoin fashnucun poto funapan icushumufia ustuashu fasi chacanai finatiro. Tsoancai afanan ascara icushpaitiroma. Nanscarifiai un mato tsain funa shara yosia cuscan nicacoinshocai man apaoni cuscan afanan man huatiroma. Tsoan ua tanacoianshu ipaoni cuscan cachiquiri huacointiro. Ascashu funa cuscara shara iishquin.</div><div class="p"> 17Nanscarifiai tsoancai fichi tutso shuni muran vino funa nanutiroma. Fichi tutso toshacainaino vino funa chacanai cuyofotiro. Nanscarifiai maton shunicaifoan mato yosimisi cuscan yafi un mato yosiai cuscacai nan rafu ositirofoma. Un mato yosiain cuscacoin nannori Diosin tsain shara. Ascafia mato shunifoan mato yosimisifo cuscacai anorima. Nan tanashocai Diosin mato amapaiyai cuscan man huatiroma. Nan rafu osishon nicapaiquicai man shinansharatiroma. Fichi tutso funa muran vino funa nanua sharacoin itiro. Nanscarifiai ratoranfoan apaoni cuscan unucatan un ato tsain funa shara yosiain nan fusti tanasharacun Diosin ato funa shara imai, &#8212;ishon Jes&#250;s yoini.</div><div class="s">Jairo shotocofacu caya huafain ainfoan Jes&#250;s sahuuti muunni cayashquin</div><div class="r"> Mr 5.21-43; Lc 8.40-56</div><div class="p"> 18Ascashu Jes&#250;s tsaincai muran Israelifoan ichananti pushu anoa aton niaifo Jesusqui noconi. Nocoshon ratoconun mai chachishon yoiqui isca huani, &#8212;Uhuun shotocofacushta man naaquin. Un fu capun. Min mucupan uhuun facu mui caashquin cayatan ninon, &#8212;ishon niaifoan Jes&#250;s yoini. 19Asca huaino Jes&#250;s niaifo fu caino non acho non afu cani.</div><div class="p"> 20Nannori ainfon imi imitiani doce fari man aqui cafiano nusu yamacai. Jes&#250;s caiton nan ainfoan acachorishori ahuun sahuuti muunni. 21Mun ataima ahuun nomuran shinanqui isca huani, &#8212;Un ahuun sahuuti muuanshu un cayatiroati, &#8212;ishon shinanni. 22Ascashon muuaiton Jes&#250;s ifiacucahuatan ainfo fuchishon yoini &#8212;Achishtan, ratuyamahuu. Min ua icoinra huashufin min caya sharaquin, &#8212;ishon yoiaino ahuun imi nusuriscatani. Ascaiton mua man caya sharacoian ini.</div><div class="p"> 23Asca huatan Jes&#250;s niaifoan pushu muran iquicaiquin nica yorafoan aton shainti manuaifoanno futsafo shorarascacani. Fasi achacoin uaicani. 24Ascaifoan Jes&#250;s ato yoini, &#8212;Chifi caintacahuun. Na facucai naama. Oshafinquin, &#8212;ato huaiton osanifo. 25Ato caimatan shotocofacu mutsoinifoannaino samamashta funinaca huani. 26Ascano Jes&#250;s shotocofacu man naafiacun funia nicacani pushufoti chanifoanfafainifo.</div><div class="s">Jes&#250;s fusho rafu cayahuani</div><div class="p"> 27Ascano Jes&#250;s niaifo pushu anoashu caiton fusho rafutan mufainifo. &#8212;Min nocon niaifo ipaoni nan David ahuun funa. Nocohuun ramapaihuu, &#8212;oi ashcafinin cunarianifo. 28Asca huaifono Jes&#250;s pushu futsan muran iquicun fusho rafuri afu iquinifo. Iquiafoan Jes&#250;s ato yocani, &#8212;&#191;Un mato caya huanon man icoinra huaimun? &#8212;huaiton. &#8212;Ai, Ifon, non mia icoinra huai, &#8212;huaifoan. 29Aton furo munquin yoini, &#8212;Ua icoinra huashufin man cayaquin, &#8212;ato huani. 30Asca huaino oinsharariscatani. Oinsharaifoan Jes&#250;s ato yoisharaquin &#8212;Ua nicacaquin. Un mato cayahua tsoa yoiyamacahuun, &#8212;ishon yoini. 31Anori yoifiacun nan rafutan nantifi nanno icafo atoqui chaninifo.</div><div class="s">Jes&#250;s nocofunun tsaintiroma caya huani</div><div class="p"> 32Nan rafu pushu murannoashu foaifono futsafoan nocofunu yoshin chaca ahuun nua ascacai tsaintiroma Jesusqui ihuunifo cayahuamanon. 33Jes&#250;s yoshin chaca amaquinoa potano nocofunu tsainon. Nanno icafo mustairitan yoinannifo, &#8212;&#161;Aira! &#161;Oincapon! Nocon mai nan Israeli anoshon Jes&#250;s rama aca cuscan tsoa oinmisimaran, &#8212;icanashu yoinannifo. 34Asca huafiainfoan Fariseofoan yoinifo, &#8212;Nanton yoshin chacafo aton niaifohuunshon yoshin chacafo potatiroran, &#8212;ishon yoinifo.</div><div class="s">Jes&#250;s yorafohuun ramapai</div><div class="p"> 35Ascaiton Jes&#250;s pushurasifoti nanno Judiofo icano cahuacacaini. Judiofoan ichananti pushu muranshonfin Jes&#250;s ato Diosin tsain shara yoiquin isca huani, &#8212;Itisharacahuun. Diosin nuno maton niaifo ipairan, &#8212;ishon ato yoifoanfafaini. Pau futsa futsatapafo caya huani. 36Yorahuanrasi aqui fuainfoan oin atohuun ramapaini. Aton nomuran omitsiscaifoan. Ascan Jes&#250;s shinanquin isca huani, &#8212;Chashohuan cushumisioma nanscarifiai na yorafo cushumisiomaforan, &#8212;ishon shinanniquin. 37-38Ascashon non afu rafuafo noco yoini, &#8212;Yora ichapafoan uhuunoa nicayamafiano ichapamaton ua yonoshocani uhuunoa ato yoishcaquin nanfu nipashquin. Ascashon fasi Upa Dios cuficahuun ahuun yonoshomisifo catonquin uhuunoa ato yoinonforan, &#8212;ishon Jes&#250;s ato yoini.</div>
 </div>
 </div>
</div>

Ascatan Jesús shasho naqui nanucaini ian mahuan pocufaini ahuun pushurasi ano noconi. Asca caini pushu muran iquicun rafu non rafuri nocofunufoan aton caifo isinincai afi raqui caiyamacai afiri ahua huatiroma Jesús shinanmaqui shuhua naratashon ihuunifo a cayahuamanon. Ascaiton Jesús oian nan nocofunu isinincaiton ahuun yorafoan fasi icoinra huaifoan oinquin isinincai yoiqui isca huani, —Uhuun yorashta, ratuyamahuu. Natian mun mia chaca soashona, —huaiton.
Nicacani Moisés cununi cuscan tapimamisifoan aton nomuranshon shinanquin isca huanifo, —Ajaa. Natocai chaca soatiroma. Fasi Dios chaca huai. Diosin fustitofin chaca soatiroquin. Asca noco paraquin. “Un Diosiran,” noco huamapai, —ishon aton nomuranshon shinanchacanifo.
Ascaifoan onanshon Jesús ato yoiquin isca huani, —¿Ahuuscai maton nomuranshon man amaquiri shinanchacaimun? Unfi Cristoquin yorafoan aton chaca un soashotiro. ¿Ascan ahuuscacaimun un huaicai? Un chaca soashoyamaraquin un cayahuai. Ascacun un mato ismai Upa Diosin ua catoan. Ahuunshofin un chaca soafain un yorafo caya huacointiroquin, —ishon ato yoini. Ascatan Jesús nan nocofunu afi raqui cayamacai afiri ahua huatiroma yoini, —Min pushu ano min shuhua ya funicaitahuun, —ishon Jesús yoiaino. Funinaca huatan ahuun pushu ano cani. Ascaiton oincani nantifi mustaiaricatan yoinifo, —Ahuuscashomun Diosin isca huaiquin. Diosin fasi sharacoin tsoa cuscarama. Ahuun yonohuunshon na nocofunu isinincai Jesús ahuun tsainmansi caya huafain ahuun chacari soashonaran, —ishon yoinifo.


Nanscacaini caaquin Jesús ua oinni. Unfin noco niaifo pui fishofafainmisi iniquin. Ascan uhuun anufin Mateoquin. A muranshon aton pui fianti pushun facu muran un tsaoa ini. Ascaiton Jesús ua yoini, —Un fu cahuun ua tanamisi iishquin, —Jesús ua catonquin huani. Ua asca huaino un afu cani.
Ascashon Jesús uhuun pushu muranshon un pimani. Yorafori no fu cani. Niaifo pui fishomisi futsafo non icoinra huamafo futsafoan atohuunoa shinanchacamisifo yafi non afu rafuafori cani. Ascashon nanfoan no futan piinifo. Ascaiton oincaquin Fariseofoan Jesús fu rafumisifo yoini, —¿Ahuuscai maton tapimamisi Jesús nan niaifo pui fishomisifo non chaca futsafo futan piimun? —huanifo.
Ascaifoan nicaquin Jesús ato cumani, —A isinincaifoma cayahuamamitsamisi yopacanima. Ascan nan isinincaifoti fasi cayahuamamitsamisi yopacani. Ascarifi aquin, “Uncai ahua chaca huamisima. Un Numamisi yopaimaran,” icaifocai un aton chaca soashotiroma. Ascan tsoan yoiqui isca huai, “Un fasi chaca huamisi. Un numamisi yopacoinran,” icaifoan un ato chaca soashotiro. Ascacun Diosin tsain cununi cuscan tapitacahuun. Cunuqui isca huani, “Ua man ina fushomisi un mato chaca soashonon. Nan fusticai un fuchipaima. Ascatamarocon man futsafohuun ramapaiyai nancaifin un fasi fuchipaiquin,” ishon Diospan tsain cununi. —Jesús ato huani.


Ascashon ato yoiaino Juan fu rafumisifo aqui fucashon yocanifo. —¿Ahuuscai Fariseofo futan non piqui tunumisifiano mifu rafuafoan piqui tunumisimamun? —ishon Jesús yocaifoan. Ato cumani, —Nocofunu fu ainfo fianainnoricai unimai fusicaquin tsoan piqui tunutiroma. Nanno funu anocai ahuun yorafoan piqui tunutirofoma. Ascafia funu amaqui rutuafono shinancaquin piqui tunutirofo.
Sahuuti shunicoin fashnucun poto funapan icushumufia ustuashu fasi chacanai finatiro. Tsoancai afanan ascara icushpaitiroma. Nanscarifiai un mato tsain funa shara yosia cuscan nicacoinshocai man apaoni cuscan afanan man huatiroma. Tsoan ua tanacoianshu ipaoni cuscan cachiquiri huacointiro. Ascashu funa cuscara shara iishquin.
Nanscarifiai tsoancai fichi tutso shuni muran vino funa nanutiroma. Fichi tutso toshacainaino vino funa chacanai cuyofotiro. Nanscarifiai maton shunicaifoan mato yosimisi cuscan yafi un mato yosiai cuscacai nan rafu ositirofoma. Un mato yosiain cuscacoin nannori Diosin tsain shara. Ascafia mato shunifoan mato yosimisifo cuscacai anorima. Nan tanashocai Diosin mato amapaiyai cuscan man huatiroma. Nan rafu osishon nicapaiquicai man shinansharatiroma. Fichi tutso funa muran vino funa nanua sharacoin itiro. Nanscarifiai ratoranfoan apaoni cuscan unucatan un ato tsain funa shara yosiain nan fusti tanasharacun Diosin ato funa shara imai, —ishon Jesús yoini.


Ascashu Jesús tsaincai muran Israelifoan ichananti pushu anoa aton niaifo Jesusqui noconi. Nocoshon ratoconun mai chachishon yoiqui isca huani, —Uhuun shotocofacushta man naaquin. Un fu capun. Min mucupan uhuun facu mui caashquin cayatan ninon, —ishon niaifoan Jesús yoini. Asca huaino Jesús niaifo fu caino non acho non afu cani.
Nannori ainfon imi imitiani doce fari man aqui cafiano nusu yamacai. Jesús caiton nan ainfoan acachorishori ahuun sahuuti muunni. Mun ataima ahuun nomuran shinanqui isca huani, —Un ahuun sahuuti muuanshu un cayatiroati, —ishon shinanni. Ascashon muuaiton Jesús ifiacucahuatan ainfo fuchishon yoini —Achishtan, ratuyamahuu. Min ua icoinra huashufin min caya sharaquin, —ishon yoiaino ahuun imi nusuriscatani. Ascaiton mua man caya sharacoian ini.
Asca huatan Jesús niaifoan pushu muran iquicaiquin nica yorafoan aton shainti manuaifoanno futsafo shorarascacani. Fasi achacoin uaicani. Ascaifoan Jesús ato yoini, —Chifi caintacahuun. Na facucai naama. Oshafinquin, —ato huaiton osanifo. Ato caimatan shotocofacu mutsoinifoannaino samamashta funinaca huani. Ascano Jesús shotocofacu man naafiacun funia nicacani pushufoti chanifoanfafainifo.

Ascano Jesús niaifo pushu anoashu caiton fusho rafutan mufainifo. —Min nocon niaifo ipaoni nan David ahuun funa. Nocohuun ramapaihuu, —oi ashcafinin cunarianifo. Asca huaifono Jesús pushu futsan muran iquicun fusho rafuri afu iquinifo. Iquiafoan Jesús ato yocani, —¿Un mato caya huanon man icoinra huaimun? —huaiton. —Ai, Ifon, non mia icoinra huai, —huaifoan. Aton furo munquin yoini, —Ua icoinra huashufin man cayaquin, —ato huani. Asca huaino oinsharariscatani. Oinsharaifoan Jesús ato yoisharaquin —Ua nicacaquin. Un mato cayahua tsoa yoiyamacahuun, —ishon yoini. Anori yoifiacun nan rafutan nantifi nanno icafo atoqui chaninifo.

Nan rafu pushu murannoashu foaifono futsafoan nocofunu yoshin chaca ahuun nua ascacai tsaintiroma Jesusqui ihuunifo cayahuamanon. Jesús yoshin chaca amaquinoa potano nocofunu tsainon. Nanno icafo mustairitan yoinannifo, —¡Aira! ¡Oincapon! Nocon mai nan Israeli anoshon Jesús rama aca cuscan tsoa oinmisimaran, —icanashu yoinannifo. Asca huafiainfoan Fariseofoan yoinifo, —Nanton yoshin chacafo aton niaifohuunshon yoshin chacafo potatiroran, —ishon yoinifo.

Ascaiton Jesús pushurasifoti nanno Judiofo icano cahuacacaini. Judiofoan ichananti pushu muranshonfin Jesús ato Diosin tsain shara yoiquin isca huani, —Itisharacahuun. Diosin nuno maton niaifo ipairan, —ishon ato yoifoanfafaini. Pau futsa futsatapafo caya huani. Yorahuanrasi aqui fuainfoan oin atohuun ramapaini. Aton nomuran omitsiscaifoan. Ascan Jesús shinanquin isca huani, —Chashohuan cushumisioma nanscarifiai na yorafo cushumisiomaforan, —ishon shinanniquin. Ascashon non afu rafuafo noco yoini, —Yora ichapafoan uhuunoa nicayamafiano ichapamaton ua yonoshocani uhuunoa ato yoishcaquin nanfu nipashquin. Ascashon fasi Upa Dios cuficahuun ahuun yonoshomisifo catonquin uhuunoa ato yoinonforan, —ishon Jesús ato yoini.

Լսել Mateo 9