OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">A agersitori fu den wrokoman ini a droifidyari</div><div class="p"> 1&#8220;Un kan si a fasi fa Gado e tiri libisma, leki wan man di abi wan gron. Fruku mamanten a go suku wrokoman fu kon wroko gi en ini en droifidyari. 2A meki mofo nanga den wrokoman fu pai den wan deimoni, dan a seni den go ini en droifidyari.</div><div class="p"> 3Neigi yuru mamanten a man go na strati, dan a si tra wrokoman e tnapu na wowoyo di no ben feni wroko ete. 4Ne a man taigi den taki: &#8216;Un go wroko na ini mi droifidyari tu. Mi sa pai un san fiti.&#8217; 5So den man go.</div><div class="p">Twarfu yuru nanga dri yuru bakadina a man go na strati baka, dan a du a srefi sani. 6Di a go feifi yuru bakadina na strati, a miti tra wrokoman di ben tnapu drape ete. Dan a aksi den taki: &#8216;Fu sanede un tnapu heri dei dya sondro fu wroko?&#8217;</div><div class="p"> 7Den man piki en taki: &#8216;Bika no wan sma kon aksi unu fu go wroko gi en.&#8217;</div><div class="p">Ne a man taigi den taki: &#8216;Un go wroko tu na ini mi droifidyari.&#8217;</div><div class="p"> 8Di neti tapu, a basi fu a droifidyari taigi en fesiman taki: &#8216;Kari den wrokoman, dan yu pai den. Bigin na den lastewan di kon wroko, go na den fosiwan.&#8217; #Lev 19:13; Deut 24:15 9Di den man kon di ben bigin wroko feifi yuru, den kisi a moni fu wan heri dei. 10So den man di ben bigin wroko fruku mamanten prakseri tak' den bo kisi moro furu. Ma ibriwan fu den kisi soso a moni fu wan dei. 11Di den kisi a moni, den bigin krut'krutu nanga a basi. 12Den taki: &#8216;Den man di kon leki laste, wroko wan yuru nomo. Ma unu ben wroko tranga heri dei ini a faya son. Dan fa yu kan gi den a srefi moni leki unu?&#8217;</div><div class="p"> 13Ma a man piki wan fu den taki: &#8216;Mi mati, mi no bedrigi yu. Un ben meki mofo tak' mi bo pai yu wan deimoni. 14So yu kan teki yu moni, dan yu gwe. Na mi wani gi den lastewan a srefi leki yu. 15Mi kan du nanga mi moni san mi wani. Na dyarusu yu e dyarusu fu di mi e du trawan bun?&#8217; &#8221; 16Dan Yesus taigi den sma taki: &#8220;Den lastewan sa tron den fosiwan, &#232;n den fosiwan sa tron den lastewan.&#8221; #Mat 19:30; Mrk 10:31; Luk 13:30</div><div class="s">Yesus e taki a di fu dri leisi fu a pina di o miti En</div><div class="r">Markus 10:32-34; Lukas 18:31-34</div><div class="p"> 17Di Yesus ben de na pasi fu go na Yerusalem, A kari den twarfu man fu En kon na wan sei, dan A taigi den taki: 18&#8220;Luku, un de na pasi fu go na Yerusalem. Drape den o gi a Manpikin fu Libisma abra na den prenspari domri nanga den sabiman fu Gado w&#232;t. Den man dati sa teki a besroiti tak' A mus dede. 19Dan den o gi En abra na den sma di no de Dyu fu den teki En leki spot'popki. Den o wipi En &#232;n den o spikri En na wan kroisi. Ma baka dri dei Gado o meki A kon na libi baka.&#8221;</div><div class="s">No suku fu sma dini yu, ma dini trawan</div><div class="r">Markus 10:35-45</div><div class="p"> 20Dan a frow fu Sebedeus nanga den tu boi fu en kon na Yesus. A kindi na En fesi fu aksi En wan sani. 21Dan Yesus aksi en taki: &#8220;San yu wani?&#8221;</div><div class="p">A frow piki En taki: &#8220;Pramisi Mi tak' den tu boi disi fu mi, sa sidon na Yu let'anu sei nanga Yu kruktu-anu sei te Yu o rigeri leki Kownu.&#8221;</div><div class="p"> 22Ma Yesus piki den taki: &#8220;Un no sabi san un e aksi. Un sa man nyan a pina di Mi o abi fu nyan?&#8221;</div><div class="p">Den piki En taki: &#8220;Wi o man.&#8221;</div><div class="p"> 23Dan Yesus taigi den taki: &#8220;Fu tru, un sa nyan a pina fu Mi, ma a no Mi e taki suma o sidon na Mi let'anu sei nanga Mi kruktu-anu sei. Mi P'pa libi den presi dati gi den sma di A wani fu sidon drape.&#8221;</div><div class="p"> 24Di den tra tin man yere a tori disi, den mandi nanga den tu brada. 25Dat' meki Yesus kari den alamala kon, dan A taigi den taki: &#8220;Un sabi tak' den tiriman fu den folku e rigeri abra den sma fu den, &#232;n den sma di abi makti e dwengi den fu du san den wani. #Luk 22:25-26 26Ma unu no mus du leki den. Efu wan fu unu wani de wan prenspari sma, dan a mus dini den trawan. #Mat 23:11; Mrk 9:35; Luk 22:26 27&#200;n a sma di wani de a fosiwan na un mindri, mus de leki wan srafu gi den trawan. 28Bika a Manpikin fu Libisma, no kon fu sma dini En. Ma A kon fu dini trawan &#232;n fu gi En libi fu meki furu sma kon fri.&#8221;</div><div class="s">Yesus dresi tu breniman</div><div class="r">Markus 10:46-52; Lukas 18:35-43</div><div class="p"> 29Di Yesus nanga den man fu En kmopo fu Yeriko, bun furu sma ben waka na En baka. 30Dan luku, tu breniman ben sidon na seipasi. Di den yere tak' Yesus e psa, den bigin bari taki: &#8220;Masra, Manpikin fu David, abi sari-ati nanga wi!&#8221; 31A heri grupu sma bari den fu den tapu den mofo, ma den man bigin bari moro tranga taki: &#8220;Masra, Manpikin fu David, abi sari-ati nanga wi!&#8221;</div><div class="p"> 32Ne Yesus tan tnapu. A kari den breniman kon na En, dan A aksi den taki: &#8220;San un wani tak' Mi mus du gi unu?&#8221;</div><div class="p"> 33Den piki En taki: &#8220;Masra, un wani si.&#8221; 34Dan Yesus firi sari gi den breniman. A fasi den na den ai &#232;n wantron den ben man si. Dan den bigin waka na Yesus baka.</div>
 </div>
 </div>
</div>

“Un kan si a fasi fa Gado e tiri libisma, leki wan man di abi wan gron. Fruku mamanten a go suku wrokoman fu kon wroko gi en ini en droifidyari. A meki mofo nanga den wrokoman fu pai den wan deimoni, dan a seni den go ini en droifidyari.
Neigi yuru mamanten a man go na strati, dan a si tra wrokoman e tnapu na wowoyo di no ben feni wroko ete. Ne a man taigi den taki: ‘Un go wroko na ini mi droifidyari tu. Mi sa pai un san fiti.’ So den man go.
Twarfu yuru nanga dri yuru bakadina a man go na strati baka, dan a du a srefi sani. Di a go feifi yuru bakadina na strati, a miti tra wrokoman di ben tnapu drape ete. Dan a aksi den taki: ‘Fu sanede un tnapu heri dei dya sondro fu wroko?’
Den man piki en taki: ‘Bika no wan sma kon aksi unu fu go wroko gi en.’
Ne a man taigi den taki: ‘Un go wroko tu na ini mi droifidyari.’
Di neti tapu, a basi fu a droifidyari taigi en fesiman taki: ‘Kari den wrokoman, dan yu pai den. Bigin na den lastewan di kon wroko, go na den fosiwan.’ Di den man kon di ben bigin wroko feifi yuru, den kisi a moni fu wan heri dei. So den man di ben bigin wroko fruku mamanten prakseri tak' den bo kisi moro furu. Ma ibriwan fu den kisi soso a moni fu wan dei. Di den kisi a moni, den bigin krut'krutu nanga a basi. Den taki: ‘Den man di kon leki laste, wroko wan yuru nomo. Ma unu ben wroko tranga heri dei ini a faya son. Dan fa yu kan gi den a srefi moni leki unu?’
Ma a man piki wan fu den taki: ‘Mi mati, mi no bedrigi yu. Un ben meki mofo tak' mi bo pai yu wan deimoni. So yu kan teki yu moni, dan yu gwe. Na mi wani gi den lastewan a srefi leki yu. Mi kan du nanga mi moni san mi wani. Na dyarusu yu e dyarusu fu di mi e du trawan bun?’ ” Dan Yesus taigi den sma taki: “Den lastewan sa tron den fosiwan, èn den fosiwan sa tron den lastewan.”


Di Yesus ben de na pasi fu go na Yerusalem, A kari den twarfu man fu En kon na wan sei, dan A taigi den taki: “Luku, un de na pasi fu go na Yerusalem. Drape den o gi a Manpikin fu Libisma abra na den prenspari domri nanga den sabiman fu Gado wèt. Den man dati sa teki a besroiti tak' A mus dede. Dan den o gi En abra na den sma di no de Dyu fu den teki En leki spot'popki. Den o wipi En èn den o spikri En na wan kroisi. Ma baka dri dei Gado o meki A kon na libi baka.”


Dan a frow fu Sebedeus nanga den tu boi fu en kon na Yesus. A kindi na En fesi fu aksi En wan sani. Dan Yesus aksi en taki: “San yu wani?”
A frow piki En taki: “Pramisi Mi tak' den tu boi disi fu mi, sa sidon na Yu let'anu sei nanga Yu kruktu-anu sei te Yu o rigeri leki Kownu.”
Ma Yesus piki den taki: “Un no sabi san un e aksi. Un sa man nyan a pina di Mi o abi fu nyan?”
Den piki En taki: “Wi o man.”
Dan Yesus taigi den taki: “Fu tru, un sa nyan a pina fu Mi, ma a no Mi e taki suma o sidon na Mi let'anu sei nanga Mi kruktu-anu sei. Mi P'pa libi den presi dati gi den sma di A wani fu sidon drape.”
Di den tra tin man yere a tori disi, den mandi nanga den tu brada. Dat' meki Yesus kari den alamala kon, dan A taigi den taki: “Un sabi tak' den tiriman fu den folku e rigeri abra den sma fu den, èn den sma di abi makti e dwengi den fu du san den wani. Ma unu no mus du leki den. Efu wan fu unu wani de wan prenspari sma, dan a mus dini den trawan. Èn a sma di wani de a fosiwan na un mindri, mus de leki wan srafu gi den trawan. Bika a Manpikin fu Libisma, no kon fu sma dini En. Ma A kon fu dini trawan èn fu gi En libi fu meki furu sma kon fri.”


Di Yesus nanga den man fu En kmopo fu Yeriko, bun furu sma ben waka na En baka. Dan luku, tu breniman ben sidon na seipasi. Di den yere tak' Yesus e psa, den bigin bari taki: “Masra, Manpikin fu David, abi sari-ati nanga wi!” A heri grupu sma bari den fu den tapu den mofo, ma den man bigin bari moro tranga taki: “Masra, Manpikin fu David, abi sari-ati nanga wi!”
Ne Yesus tan tnapu. A kari den breniman kon na En, dan A aksi den taki: “San un wani tak' Mi mus du gi unu?”
Den piki En taki: “Masra, un wani si.” Dan Yesus firi sari gi den breniman. A fasi den na den ai èn wantron den ben man si. Dan den bigin waka na Yesus baka.

Լսել Mateus 20