OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
    <div class="book bkMRK">
        <div class="chapter ch11" data-usfm="MRK.11">
            <div class="label">11</div><div class="s"><span class="heading">Yesus go ini a foto Yerusalem</span></div><div class="r"><span class="heading">Mateus 21:1-11; Lukas 19:28-40; Yohanes 12:12-19</span></div><div class="p"><span class="content">  </span><span class="verse v1" data-usfm="MRK.11.1"><span class="label">1</span><span class="content">Yesus nanga den man fu En ben kon krosbei fu Yerusalem. Di den doro na den dorpu Betfaga nanga Betania ini a birti fu a Oleifbergi, A seni tu fu den man fu En go na fesi. </span></span><span class="verse v2" data-usfm="MRK.11.2"><span class="label">2</span><span class="content">A taigi den taki: &#8220;Un go na a dorpu san de na un fesi. Leki fa un e go ini a dorpu, un o si wan yongu buriki san den sma tai drape. Noiti ete wan sma ben sidon na en tapu. Un lusu en, dan un tyari en kon dya. </span></span><span class="verse v3" data-usfm="MRK.11.3"><span class="label">3</span><span class="content">Efu wan sma sa aksi unu fu sanede un e lusu en, un mus piki taki: &#8216;Masra abi en fanowdu. Te A kba, A sa seni en wantron kon dya baka.&#8217; &#8221;</span></span></div><div class="p"><span class="verse v3" data-usfm="MRK.11.3"><span class="content">  </span></span><span class="verse v4" data-usfm="MRK.11.4"><span class="label">4</span><span class="content">Na so den man gwe, den feni a yongu buriki tai na a doro fu wan oso na sei strati, dan den lusu a buriki. </span></span><span class="verse v5" data-usfm="MRK.11.5"><span class="label">5</span><span class="content">Wantu fu den sma di ben tnapu drape aksi den taki: &#8220;San un e du? Fu sanede un e lusu a buriki?&#8221;</span></span></div><div class="p"><span class="verse v5" data-usfm="MRK.11.5"><span class="content">  </span></span><span class="verse v6" data-usfm="MRK.11.6"><span class="label">6</span><span class="content">Den man piki den sma leki fa Yesus taigi den, dan den sma libi den meki den gwe nanga a buriki. </span></span><span class="verse v7" data-usfm="MRK.11.7"><span class="label">7</span><span class="content">Den tyari a buriki go gi Yesus, dan den bradi den krosi na en tapu. Dan Yesus go sidon na tapu. </span></span><span class="verse v8" data-usfm="MRK.11.8"><span class="label">8</span><span class="content">Furu sma bradi den krosi tapu a pasi gi En. Trawan koti taki puru ini den gron, dan den poti den tapu a pasi. </span></span><span class="verse v9" data-usfm="MRK.11.9"><span class="label">9</span><span class="content">Den sma di ben e waka na En fesi nanga na En baka, ben e bari taki:</span></span></div><div class="q1"><span class="verse v9" data-usfm="MRK.11.9"><span class="content">Hosana!</span></span></div><div class="q1"><span class="verse v9" data-usfm="MRK.11.9"><span class="content">Blesi de tapu a Wan</span></span></div><div class="q2"><span class="verse v9" data-usfm="MRK.11.9"><span class="content">di e kon ini a nen fu Masra! </span><span class="note x"><span class="label">#</span><span class=" body">Ps 118:26</span></span></span></div><div class="q1"><span class="verse v9" data-usfm="MRK.11.9"><span class="content">  </span></span><span class="verse v10" data-usfm="MRK.11.10"><span class="label">10</span><span class="content">Blesi fu a kownukondre</span></span></div><div class="q2"><span class="verse v10" data-usfm="MRK.11.10"><span class="content">fu un afo David,</span></span></div><div class="q2"><span class="verse v10" data-usfm="MRK.11.10"><span class="content">di de fu kon.</span></span></div><div class="q1"><span class="verse v10" data-usfm="MRK.11.10"><span class="content">Hosana!</span></span></div><div class="q1"><span class="verse v10" data-usfm="MRK.11.10"><span class="content">Prijse Gado di de na heimel!</span></span></div><div class="p"><span class="verse v10" data-usfm="MRK.11.10"><span class="content">  </span></span><span class="verse v11" data-usfm="MRK.11.11"><span class="label">11</span><span class="content">Di Yesus doro na Yerusalem, A go ini a mamakerki dan A waka lontu e luku ala sani. Baka dati En nanga den twarfu man fu En go na Betania, bika a ben kon lati kba.</span></span></div><div class="s"><span class="heading">Yesus fluku a figabon</span></div><div class="r"><span class="heading">Mateus 21:18-19</span></div><div class="p"><span class="verse v11" data-usfm="MRK.11.11"><span class="content">  </span></span><span class="verse v12" data-usfm="MRK.11.12"><span class="label">12</span><span class="content">A tamara fu en, di den e drai kmopo fu Betania, angri bigin kiri Yesus. </span></span><span class="verse v13" data-usfm="MRK.11.13"><span class="label">13</span><span class="content">Fu fara Yesus si wan figabon di ben lai nanga grun wiwiri. Dan A go na a bon fu luku efu A ben sa feni froktu na en fu nyan. Ma di A doro na a bon, A si den grun wiwiri nomo, bika a no ben de figaten. </span></span><span class="verse v14" data-usfm="MRK.11.14"><span class="label">14</span><span class="content">Dan Yesus taigi a bon taki: &#8220;Noiti moro wan sma sa man nyan wan froktu fu yu.&#8221; Den man fu En yere di A taki a sani dati.</span></span></div><div class="s"><span class="heading">Gado oso mus de wan presi fu begi</span></div><div class="r"><span class="heading">Mateus 21:12-17; Lukas 19:45-48; Yohanes 2:13-22</span></div><div class="p"><span class="verse v14" data-usfm="MRK.11.14"><span class="content">  </span></span><span class="verse v15" data-usfm="MRK.11.15"><span class="label">15</span><span class="content">Di Yesus doro baka ini Yerusalem, A go ini a mamakerki. Dan A bigin yagi ala den sma gwe di ben e bai sani noso seri sani drape. A drai den tafra tapu fu den man di ben e broko moni. A du a srefi sani nanga den sturu fu den man di ben e seri doifi. </span></span><span class="verse v16" data-usfm="MRK.11.16"><span class="label">16</span><span class="content">A tapu ala sma di ben e teki a dyari fu a mamakerki leki boropasi fu syow sani psa. </span></span><span class="verse v17" data-usfm="MRK.11.17"><span class="label">17</span><span class="content">Dan Yesus taigi den sma taki: &#8220;A skrifi taki: &#8216;Mi oso mus de wan presi pe ala folku kan kon fu begi.&#8217; Ma un meki a tron wan nesi fu fufuruman.&#8221; </span><span class="note x"><span class="label">#</span><span class=" body">Jes 56:7; Jer 7:11</span></span></span></div><div class="p"><span class="verse v17" data-usfm="MRK.11.17"><span class="content">  </span></span><span class="verse v18" data-usfm="MRK.11.18"><span class="label">18</span><span class="content">Den prenspari domri nanga den sabiman fu Gado w&#232;t yere san Yesus taki. So den bigin suku wan fasi fu kiri En. Den ben frede fu Yesus, bika ala den sma ben e arki a leri fu En nanga opo mofo.</span></span></div><div class="p"><span class="verse v18" data-usfm="MRK.11.18"><span class="content">  </span></span><span class="verse v19" data-usfm="MRK.11.19"><span class="label">19</span><span class="content">Di a son bigin saka, Yesus nanga den man fu En kmopo ini a foto.</span></span></div><div class="s"><span class="heading">San psa nanga a figabon</span></div><div class="r"><span class="heading">Mateus 21:20-22</span></div><div class="p"><span class="verse v19" data-usfm="MRK.11.19"><span class="content">  </span></span><span class="verse v20" data-usfm="MRK.11.20"><span class="label">20</span><span class="content">Fruku mamanten di den e waka psa a figabon, den si tak' a bon ben drei te na a rutu srefi. </span></span><span class="verse v21" data-usfm="MRK.11.21"><span class="label">21</span><span class="content">Petrus memre san Yesus ben taigi a figabon, dan a taigi Yesus taki: &#8220;Meister, luku. A figabon san Yu ben fluku, kon drei.&#8221;</span></span></div><div class="p"><span class="verse v21" data-usfm="MRK.11.21"><span class="content">  </span></span><span class="verse v22" data-usfm="MRK.11.22"><span class="label">22</span><span class="content">Dan Yesus taigi den taki: &#8220;Un mus abi bribi na ini Gado. </span></span><span class="verse v23" data-usfm="MRK.11.23"><span class="label">23</span><span class="content">Fu tru Mi e taigi un taki: Efu yu no frede tak' san yu taki no o psa, ma yu e bribi tak' a o psa soleki fa yu taki, dan yu kan taigi a bergi disi: &#8216;Opo, go trowe yusrefi ini a se!&#8217; &#232;n a o psa. </span><span class="note x"><span class="label">#</span><span class=" body">Mat 17:20; 1Kor 13:2</span></span><span class="content">  </span></span><span class="verse v24" data-usfm="MRK.11.24"><span class="label">24</span><span class="content">Dat'ede Mi e taigi un taki: Awinsi san un aksi na ini begi, bribi tak' yu kisi en, dan a sa de fu yu.&#8221;</span></span></div><div class="p"><span class="verse v24" data-usfm="MRK.11.24"><span class="content">  </span></span><span class="verse v25" data-usfm="MRK.11.25"><span class="label">25</span><span class="content">Dan Yesus taigi den moro fara taki: &#8220;Efu yu abi wan sani nanga wan tra sma, yu mus gi en pardon te yu e begi. Dan so yu P'pa di de na heimel kan gi yu pardon fu yu sondu tu. </span><span class="note x"><span class="label">#</span><span class=" body">Mat 6:14-15</span></span><span class="content">  </span></span><span class="verse v26" data-usfm="MRK.11.26"><span class="label">26</span><span class="content">Ma efu yu no e gi pardon, dan yu P'pa di de na heimel no sa gi yu pardon tu fu yu sondu.&#8221;</span><span class="note f"><span class="label">#</span><span class=" body"><span class="fr">11:26 </span><span class="ft">Wantu manuscript no abi vers 26.</span></span></span></span></div><div class="s"><span class="heading">Den aksi Yesus pe A feni a makti</span></div><div class="r"><span class="heading">Mateus 21:23-27; Lukas 20:1-8</span></div><div class="p"><span class="verse v26" data-usfm="MRK.11.26"><span class="content">  </span></span><span class="verse v27" data-usfm="MRK.11.27"><span class="label">27</span><span class="content">Na so den go baka na ini Yerusalem. Di Yesus e waka na ini a mamakerki, den prenspari domri, den sabiman fu Gado w&#232;t nanga den fesiman fu a folku, kon na En. </span></span><span class="verse v28" data-usfm="MRK.11.28"><span class="label">28</span><span class="content">Den aksi En taki: &#8220;Pe Yu feni a leti fu du den sani san Yu e du? Suma gi Yu a makti fu du den sani disi?&#8221;</span></span></div><div class="p"><span class="verse v28" data-usfm="MRK.11.28"><span class="content">  </span></span><span class="verse v29" data-usfm="MRK.11.29"><span class="label">29</span><span class="content">Yesus piki den taki: &#8220;Mi wani aksi unu wan sani fosi. Un mus piki Mi, dan Mi sa taigi unu suma gi Mi a makti fu du den sani san Mi e du.&#8221; </span></span><span class="verse v30" data-usfm="MRK.11.30"><span class="label">30</span><span class="content">Dan A aksi den taki: &#8220;Suma ben gi Yohanes a makti fu dopu sma? Gado noso libisma? Un piki Mi.&#8221;</span></span></div><div class="p"><span class="verse v30" data-usfm="MRK.11.30"><span class="content">  </span></span><span class="verse v31" data-usfm="MRK.11.31"><span class="label">31</span><span class="content">Den man taki a tori nanga makandra. Den taki: &#8220;Efu un taki: &#8216;Na Gado,&#8217; dan A o aksi unu: &#8216;Fu sanede un no ben bribi en dan?&#8217; </span></span><span class="verse v32" data-usfm="MRK.11.32"><span class="label">32</span><span class="content">Ma na a tra sei un no kan taki tak' na libisma ben gi en a makti.&#8221; Fu taki leti, den man ben frede fu den sma, bika ala sma ben si Yohanes leki wan trutru profeiti. </span></span><span class="verse v33" data-usfm="MRK.11.33"><span class="label">33</span><span class="content">So den piki Yesus taki: &#8220;Un no sabi.&#8221;</span></span></div><div class="p"><span class="verse v33" data-usfm="MRK.11.33"><span class="content">Ne Yesus taigi den taki: &#8220;We, dan Mi srefi no o taigi unu pe Mi feni a leti fu du den sani disi.&#8221;</span></span></div>
        </div>
    </div>
</div>

Yesus nanga den man fu En ben kon krosbei fu Yerusalem. Di den doro na den dorpu Betfaga nanga Betania ini a birti fu a Oleifbergi, A seni tu fu den man fu En go na fesi. A taigi den taki: “Un go na a dorpu san de na un fesi. Leki fa un e go ini a dorpu, un o si wan yongu buriki san den sma tai drape. Noiti ete wan sma ben sidon na en tapu. Un lusu en, dan un tyari en kon dya. Efu wan sma sa aksi unu fu sanede un e lusu en, un mus piki taki: ‘Masra abi en fanowdu. Te A kba, A sa seni en wantron kon dya baka.’ ”
Na so den man gwe, den feni a yongu buriki tai na a doro fu wan oso na sei strati, dan den lusu a buriki. Wantu fu den sma di ben tnapu drape aksi den taki: “San un e du? Fu sanede un e lusu a buriki?”
Den man piki den sma leki fa Yesus taigi den, dan den sma libi den meki den gwe nanga a buriki. Den tyari a buriki go gi Yesus, dan den bradi den krosi na en tapu. Dan Yesus go sidon na tapu. Furu sma bradi den krosi tapu a pasi gi En. Trawan koti taki puru ini den gron, dan den poti den tapu a pasi. Den sma di ben e waka na En fesi nanga na En baka, ben e bari taki:
Hosana!
Blesi de tapu a Wan
di e kon ini a nen fu Masra!
Blesi fu a kownukondre
fu un afo David,
di de fu kon.
Hosana!
Prijse Gado di de na heimel!
Di Yesus doro na Yerusalem, A go ini a mamakerki dan A waka lontu e luku ala sani. Baka dati En nanga den twarfu man fu En go na Betania, bika a ben kon lati kba.


A tamara fu en, di den e drai kmopo fu Betania, angri bigin kiri Yesus. Fu fara Yesus si wan figabon di ben lai nanga grun wiwiri. Dan A go na a bon fu luku efu A ben sa feni froktu na en fu nyan. Ma di A doro na a bon, A si den grun wiwiri nomo, bika a no ben de figaten. Dan Yesus taigi a bon taki: “Noiti moro wan sma sa man nyan wan froktu fu yu.” Den man fu En yere di A taki a sani dati.


Di Yesus doro baka ini Yerusalem, A go ini a mamakerki. Dan A bigin yagi ala den sma gwe di ben e bai sani noso seri sani drape. A drai den tafra tapu fu den man di ben e broko moni. A du a srefi sani nanga den sturu fu den man di ben e seri doifi. A tapu ala sma di ben e teki a dyari fu a mamakerki leki boropasi fu syow sani psa. Dan Yesus taigi den sma taki: “A skrifi taki: ‘Mi oso mus de wan presi pe ala folku kan kon fu begi.’ Ma un meki a tron wan nesi fu fufuruman.”
Den prenspari domri nanga den sabiman fu Gado wèt yere san Yesus taki. So den bigin suku wan fasi fu kiri En. Den ben frede fu Yesus, bika ala den sma ben e arki a leri fu En nanga opo mofo.
Di a son bigin saka, Yesus nanga den man fu En kmopo ini a foto.


Fruku mamanten di den e waka psa a figabon, den si tak' a bon ben drei te na a rutu srefi. Petrus memre san Yesus ben taigi a figabon, dan a taigi Yesus taki: “Meister, luku. A figabon san Yu ben fluku, kon drei.”
Dan Yesus taigi den taki: “Un mus abi bribi na ini Gado. Fu tru Mi e taigi un taki: Efu yu no frede tak' san yu taki no o psa, ma yu e bribi tak' a o psa soleki fa yu taki, dan yu kan taigi a bergi disi: ‘Opo, go trowe yusrefi ini a se!’ èn a o psa. Dat'ede Mi e taigi un taki: Awinsi san un aksi na ini begi, bribi tak' yu kisi en, dan a sa de fu yu.”
Dan Yesus taigi den moro fara taki: “Efu yu abi wan sani nanga wan tra sma, yu mus gi en pardon te yu e begi. Dan so yu P'pa di de na heimel kan gi yu pardon fu yu sondu tu. Ma efu yu no e gi pardon, dan yu P'pa di de na heimel no sa gi yu pardon tu fu yu sondu.”


Na so den go baka na ini Yerusalem. Di Yesus e waka na ini a mamakerki, den prenspari domri, den sabiman fu Gado wèt nanga den fesiman fu a folku, kon na En. Den aksi En taki: “Pe Yu feni a leti fu du den sani san Yu e du? Suma gi Yu a makti fu du den sani disi?”
Yesus piki den taki: “Mi wani aksi unu wan sani fosi. Un mus piki Mi, dan Mi sa taigi unu suma gi Mi a makti fu du den sani san Mi e du.” Dan A aksi den taki: “Suma ben gi Yohanes a makti fu dopu sma? Gado noso libisma? Un piki Mi.”
Den man taki a tori nanga makandra. Den taki: “Efu un taki: ‘Na Gado,’ dan A o aksi unu: ‘Fu sanede un no ben bribi en dan?’ Ma na a tra sei un no kan taki tak' na libisma ben gi en a makti.” Fu taki leti, den man ben frede fu den sma, bika ala sma ben si Yohanes leki wan trutru profeiti. So den piki Yesus taki: “Un no sabi.”
Ne Yesus taigi den taki: “We, dan Mi srefi no o taigi unu pe Mi feni a leti fu du den sani disi.”

Լսել Markus 11