Աստվածաշնչի հայտնի հատվածներ JOHANA 10-ից

Կիսվել

Rûkru chu ru tûr leh tihlum tûr leh tichhe tûr lo chuan a lo kal lo; kei zawng nun an neih nân, tam taka an neih nân lo kal ka ni.

Kei berâm vêngtu ṭha ka ni; berâm vêngtu ṭhain berâmte tân a nun a pe.

Ka berâmten ka aw an hria a, kei pawhin anni chu ka hria a, mi zui ṭhîn

an hnênah chatuan nun ka pe a, kumkhuain an thi lo vang; tu man ka kut ata mi chhuhsak hek lo vang.

Kei kawngka chu ka ni; tu pawh keimaha lût chu a him ang a, a lûtin a chhuak ang a, tlatna ṭha a hmu bawk ang.

Kei zawng berâm vêngtu ṭha ka ni; ka ta chu ka hria a, ka ta pawhin mi hria

Anni mi petu ka Pa chu engkim aia ropui zâwk a ni; ka Pa kuta awm chu tu man an chhuhsak thei hek lo. Kei leh Pa chu pumkhat kan ni,” a ti a.

Pain mi hriat leh keiin Pa ka hriat ang hian; berâmte tân chuan ka nun ka pe bawk.

Tu man mi lâksak lo vang, keima duh thuin ka pe dâwn a ni zâwk. Pe thei ka ni a, la leh thei pawh ka ni; chu thupêk chu ka Pa hnên aṭangin ka hmu a ni,” a ti a.

Chutichuan, Isuan an hnênah thu a sawi leh a, “Thu dik tak ka hrilh a che u, kei hi berâmte tân kawngka ka ni.

Inhlawhfa, berâmpu tak ni lova, berâm neitu ni hek lo chuan chinghne lo kal a hmuhin berâmte a tlânsan ṭhîn a, chinghnia chuan berâmte chu a seh a, a tidarh ṭhîn.

“Thu dik tak ka hrilh a che u, tu pawh berâm huang kawngkaa lût lova, hmun danga lâwn lût chu rûkhmang leh suamhmang an ni.