Աստվածաշնչի հայտնի հատվածներ Tigidali Nai Gagalama Nigali Side 15-ից

Կիսվել

Tama Abramgo te po mu po naga dao homu eyu, tama te Yawego wali po aga homude dąų wai. Tama tibaso, Yawego aga doloba pai bidi nogi poai dao.

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Tama Yawego Abram buluba odasa solama, tama agabolo po bomonama weyu, te po wai, “Nago te dagalude te hǫ dabe suao. Te nago tigidali nedebo usu yaibawe? Tialima, nago wąį dabego wai dabe augwali te hǫ tiwai umabo mu pedelaibao,” wali.

Tiali goli, Yawego Abrambolo te po wai, “Te nage isibosi, te sę ebo bidigo nage hasegelama, te nago doado bage tigidali me sogobeo. Te nago ogwa wai mu te nago doado bage tigidali te nosali sabo bidi pedelaibao,” te po wai.

Tama edubadi, Yawego agabolo tama po wali, “Mu tama koneao, te nago wąį dabego wai dabe te augwali gasa hani bidi dabego tǫde te bulu meni yai bidi dabe te bulu wau bilibo bidi dabe pedelaibao. Te augwaligo olo sę ebo bidi dabe pedaliyu, tama gasa hanigo dolobo sę ebo dologode augwali bididubadi, te bidi sese nogo si sągą si 400 kibu be tama usu naibao.

Tiali goli, Abramgo te po wai, “Yawe, ena hobede ya, eno Genuai Bidi, ena wai meni yai bidiyu, tama nosali isaibao. Te nago magi ilama, te ena genuai nogi elalubo bidi pedelaibawe? Te ena isibosi, te bidi me deligo te eno doado bage saibao, te Damaskus bulu bidi Elieser dao.

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Te nago wąį dabe augwali te e tǫba polo ma asogobeo. Te megi ede bidalubo Amor hani augwaligo te dwai kolesaga hauwa me isiąbadi. Te nosali mu te Amor hani augwaligo dwai sę ela silai digi, teda eno augwali dolobo sę elama, tama augwali ela gudulaibao. Tama te sogo, nosali mu, te nago wąį hani dabe augwaligo wąį hani dabe tama pedalubode, te sogo augwali ma begasa aselama, e tǫde bugagia bidaibao,” Yawego te po wai.