1
Madiu 7:7
Buki Tabu Waluwaluna
“Wakawanoi Yaubada koina kani iyeyawa, kwaloyai kani kwalobai, wakipisi kani gamwa isoke kolimiu.
Համեմատել
Ուսումնասիրեք Madiu 7:7
2
Madiu 7:8
Kaiwena yaiya ikawanoi kani ikalai, yaiya iloyai kani ilobai, yaiya ikipikipisi gamwa isoke koina.
Ուսումնասիրեք Madiu 7:8
3
Madiu 7:24
“Tem yaiya yagu walone ibenalan yo ipaisowai besiele, iya tomonane ana nuwatu idudulai kaiwena iya besiele tosonosonoga yabo ana wauwau namwanamwana igitesipwai veku yo vekune pwatana mena ana nume ikabi.
Ուսումնասիրեք Madiu 7:24
4
Madiu 7:12
Besiele tem tawae nuwanuwamiu tomo siginauli kolimiu, baguna waginauli besiele kolili. Walone bwaite Mosese ana loina yo palopitao ali yakayakatai ibwagili-gogon.”
Ուսումնասիրեք Madiu 7:12
5
Madiu 7:14
Na yawasi kana gamwa ikipa yo kana lau ipolowe yo siya nige sibabaibaiwa silobai.”
Ուսումնասիրեք Madiu 7:14
6
Madiu 7:13
“Gamwa kipakipana koina kwalusae. Tabu Seitani ana gamwa koina kwalulusae, kaiwena iwoyaila kaba silae koina. Walo yawasosi, kaba lusaenane imagaga yo kana lau imalamalae kabo tomo sibaibaiwa silaulau koina.
Ուսումնասիրեք Madiu 7:13
7
Madiu 7:11
Tamala bulibuli mena ana olena inamwanamwasosi yo ilalakisosi tem siya sikawanoi koina kabo muli mena komiu tonaenaeli ami olena natumiyao kolili.
Ուսումնասիրեք Madiu 7:11
8
Madiu 7:1-2
Tabu kamikavao wakakawa-naenae-yagili kisi Yaubada ikawa-naenae-yagimiu. Yaubada ana kawanaenae kolimiu kani besiele ami kawanaenae kamikavao kolili. Tawae kwaolena kamikavao kolili iya kani iyeyawa kolimiu besiele.
Ուսումնասիրեք Madiu 7:1-2
9
Madiu 7:26
Na tem yaiya yagu walone ibenalan mowoi yo nige ipapaisowai besiele, iya tomonane ana nuwatu nige idududulai kaiwena iya besiele toyauyaule yabo ana wauwau naenaena igitesipwai dekawa yo dekawane koina ana nume ikabi.
Ուսումնասիրեք Madiu 7:26
10
Madiu 7:3-4
Tawae kaiwena mayau tasilina kumankulakulai kamkava manna koina na nige kunuwanuwatu mayau tuutuna lalakina manim mena? Tem mayau tuutuna lalakina imiyamiya manim mena na gubesi mwa kuwalone kamkava koina, ‘Mayau tasilina ukwelegabaen manim mena’?
Ուսումնասիրեք Madiu 7:3-4
11
Madiu 7:15-16
“Wagite-kalatagimiu tabu toyakayakatai mwakomwakotali kainali kwabebenalan. Silalaoma kolimiu kali koleya besiele sipi manamanasamli, na yaluyaluwali mena mumugali besiele bwauwa sokasokali. Tem ali paisowa uwena wagitai kabo wakataili. Oine kanna nige sowasowana takalai samasamali koina. Bosibosi kanna nige sowasowana takalai kedaba koina.
Ուսումնասիրեք Madiu 7:15-16
12
Madiu 7:17
Besiele tabe mayau namwanamwana kanna kamnana inamwanamwa, na mayau naenaena kanna kamnana inae.
Ուսումնասիրեք Madiu 7:17
13
Madiu 7:18
Nige sowasowana mayau namwanamwana iuwe kanna naenaena, yo nige sowasowana mayau naenaena iuwe kanna namwanamwana.
Ուսումնասիրեք Madiu 7:18
14
Madiu 7:19
Mayau meuloina siya kanliyao naenaeli sitomli yo sigabaegili mayau mena siwedoli.
Ուսումնասիրեք Madiu 7:19
Գլխավոր
Աստվածաշունչ
Ծրագրեր
Տեսանյութեր