Աստվածաշնչի հայտնի հատվածներ Genesis 17-ից

Կիսվել

Idi siyampoo ya siyam nan tew-en Abram dat menpaila kasin nan APO ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Nan ngadanmo id wani et baken Abram nodi Abraham tay awnitak menbalinen sik-a ay aman di adoado ay klasin di ipogaw.

Adiyak kalkalingkingan ay eng-enggana nan sapatak ken sik-a ya isnan ap-om is kasin tay sak-en nan Diosmo ya Dios nan kaap-oap-om.

“Isapatak ken sik-a en agtak sik-a is adoado ay ap-om.

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Idyak ken sik-a ya nan ap-om nan naay ili ay menteteanyo. Am-in nan ili ay Canaan et kowan nan ap-om ay eng-enggana et sak-en nan Diosda.”

Ninlokbob si Abraham ay mendayaw ngem dat men-ammeng issan nangnemnemana en, “Ay omanak di lalaki no sin-gasot nan tew-ena? Ay omanak si Sara dapay siyampoo nan tew-ena?”

Intoloy Apo Dios ay mangwani, “Si Sarai ay asawam et adim kankanan en Sarai tay nan menngadana id wani et Sara.

Nan ikkanyo ay mang-ipaila ay tet-ewa ay tongtongpalenyo sak-en ay eng-enggana et masapol ay masegyatan nan lalalaki.

Ngem tongpalek nan insapatak isnan anakmo ay si Isaac ay iyanak Sara isnan kaneg tona ay timpo is tew-en.” Issan deey met laeng ay agew et nasegyatan da Abraham, Ismael ya san lalalaki ay baada ay kaneg san inbagan Apo Dios.

Menlogi id wani enggana is kasin et masapol ay masegyatan nan engnga ay lalaki isnan maikawao ay agewna. Maitapi gedan nan anak di baa ay maiyanak isnan bab-aeyyo. Masapol gedan ay masegyatan nan baa ay malakowan isnan teken ay ipogaw. Masapol ay masegyatan am-in ay lalalaki tay siya na nan sinyal di awak ay mangipaila ay nan insapatak ken dakayo et adi kakak-aan ay eng-enggana.