Աստվածաշնչի հայտնի հատվածներ ATÜTSAR 17-ից

Կիսվել

Abram mahvi guhrake nü tügu khruoküm vü VüWA ma vü ru nü, “Hi tü Saküüwuowa Kükhratsawa, eh tüvü tse peh huo luo thi kümtsemtha rholuo.

Thi noh nyo tü Abram (saküümsie apawa) ta küjilewa nyuthuoh, tü noh nyo tü Abraham (Ashieji apawa) ta jina thuoh; küpakenühnyunü hi nüh noh tü akuoküjira apawa küüsa kümthuoh kenüh.

“Hisü azhievü thi noh sevü nga mari wuhlewuhle küju noh küshuküra aveh vü küsuokürho eh kütsathuozhüwa sanaveh, noh vü nga thi noh sevü noh küshukürari vü nga hi tü Saküüwuowa sanaveh.

“Halie, eh kütsathuozhüwa tü noh sietse vehthuoh, tinü noh tü akuohküji apawa sanaveh.

Thitü Saküüwuowa nüh, “Nyu, noh vüvüh Sara nüh nyimpari küsü wuo noh tsü naveh, thi noh nüh ma nyo Isaac (Küükhriwa) ta jinaveh. Ma sevü kütse ma tsatori kenüh ma sie küsükürho kütsathuozhü sasanaveh.

Noh nüh azhih khinyi peh küveh thi Kanan azhih aveh noh vü thi noh sevü kütse noh tsatori vü küsuokürho tsü naveh, thi hi tü mari Saküüwuowa sanaveh,” ti küza.

Thinü Abraham tü ma nyieh azhih vü lowe wa nü kükhri taji, “Mahvi müzake khruokümri küsü vü atsa wuotsü naveh ülo? Sara, mahvi guhrake khruo kümri küsü nüh atsa sara naveh ülo?” ti ma mpa ma jüle.

Jüsevü nga Saküüwuowa nüh Abraham vü, “Sarai tü Sarai ta küjiwa nyu nü ma nyo tü Sara ta ji nathuoh.

Nohri satsa vü thsopohuwa tsi naveh, thi hama nüh hisü azhievü kütsathuozhüwa sanaveh.

Thitü wiehthuo vü Sara nüh hama zale vü wuo na saküveh Isaac vü thuoüji hi nüh eh kütsathuozhüwa sasa naveh,” ti küza.

Nohri azhievü atsa nyimpari wuo nü rülo tüze thuoüji ahu tsi naveh; nyimpari noh wuhle küju aveh, ma mpa nüh noh zheh vünüh wuoluo, thi noh me nüh anyilieri küsü saluo, Noh zhehlovü nüh küwuo saluo thi noh me nüh küsü saluo masükhürü nga ahu tsi wie nathuoh. Jüta sanü eh kütsathuozhüwa tü noh sa vü küsuokürho kütsathuozhüwa sanaveh.