Աստվածաշնչի հայտնի հատվածներ Evangelium e Matejestar 7-ից

Կիսվել

Ruđin tumen, thaj ka del pe tumenge; roden, thaj ka arakhen; maren, thaj ka phravelpe tumenge.

Kaj sakoj savo rodel, lela; thaj savo rodel arakhel; thaj savo marel, lese ka phravelpe.

Sakoj, akana, savo šunela akala lafija mle thaj čerela len, paraleliv le e manušesa gođaveresa savo kerda o ćher plo ko bar

Sa, akana, so mangen te keren tumenge e manuša, ađahar keren vi tumen lenge: kaj odova si Kriso thaj Profetija.

Kaj si o tanguno udar thaj o tanguno drom so ingaren ano đivdipe, thaj hari đene isi save ole arakhen.

Đerdinen ko tanguno udar; kaj si o bulo udar thaj bulo drom so ingaren ano peripe, thaj but đene isi save lesa đan.

Kana, akana, tumen, e đungale avutne, đanen davimata lačhe te den e ćhavorenge tumarenge, kozom ka majbut o Dad tumaro e badalesko del lačhimata odolenge save lestar roden?

Ma krisinen, tumenge te na krisinelpe; Kaj save krisosa krisinen, gasavesa tumenge ka krisinelpe; thaj save merasa merin, gasavasa tumenge ka meril pe.

A sakoj savo šunela akala lafija mle thaj ni kerel len, ka ovel sar o dilino manuš savo kerda o kher plo ki pošik

A sose dikhe o buroro ani jakh tire phralese, a balvano ane jakh tiri ni haćare? Ja, sar ka phene tire phralese: ač te ikalav tuke o buroro andar e jakh tiri; a eke balvano ani jakh tiri?

Arakhen tumen e xoxamne profetonendar, save tumenge avena ano šeja e bakrengere, a andral si ruva astarutne. Pe lengoro bijanipe ka penđaren len. Da li čidel pe e karendar drakha, ja e luluđatar sumučinalin?

Ađaar sakoj lačho kaš bijanimata lačhe bijanel, a o đungalo kaš, bijanimata đungale bijanel.

Našti o kaš lačho e bijanimata đungale te bijanel, ni o kaš đungalo, bijanimata lačhe te bijanel.

Sakoj kaš savo ni bijanel lačhe bijanimata čhinel pe thaj ani jag čhudel.