Աստվածաշնչի հայտնի հատվածներ San Lucas 14-ից

Կիսվել

—Siga agaj wi̱ꞌ iga ne̱toka, iwá̱n ayá̱ꞌ ne̱neki má̱j que itaj má̱j, que iye̱ꞌ má̱j que isiwa̱ꞌ, má̱j que ipilowa̱n, iwá̱n má̱j que iyikni̱mej, iwá̱n mane̱toka, malej iga este makimikti̱ka̱n iga nej, inó̱n awel mochi̱wa nodiscí̱poloj.

Yej kinekis mane̱toka, eꞌ ayá̱ꞌ kikechpanowa icru̱z, awel mochi̱was nodiscí̱poloj.

Porque yej igá̱najsan moweyimati, inó̱n yawij kali̱mpamatitij, iwá̱n yej moali̱mpamati, yawij kiweyimatitij.

Ijkó̱n nokta, a̱ꞌsan ne̱siꞌ de amejwa̱n yej ayá̱ꞌ makikajte̱wa inewi yej kipiá, awel mochi̱wa nodiscí̱poloj.

Siga se̱ de amejwa̱n kichi̱wasneki se̱ torre, ¿ix ayá̱ꞌ achto kitas ke̱ꞌ tomi̱n kiwi̱gas iga makita ken kiye̱kawi̱lti̱j? Siga san makipe̱walti iwá̱n awel makiye̱kawi̱lti, nochi yej kitas yawi kipi̱najti̱ti. Iwá̱n kijto̱skej: “Iní̱n ta̱gaꞌ san kipe̱waltij iwá̱n awel kiye̱kawi̱ltij.”

Kua̱ꞌ titatamakasneki, xikno̱tza iga mawi̱kika̱n yej ayá̱ꞌ motapialiáj, ma̱tepomej, ko̱xomej iwá̱n pachamej. Iwá̱n tipoxpa̱ktos iga yejamej awel mitzma̱kuepaskej; eꞌ tej yawij mitzma̱kuepatij kua̱ꞌ yej ye̱ꞌnemij ojpa‑isaskej ka̱n miktokej.

Jesús no̱ kijtoj: —Istaꞌ pox ye̱kti; eꞌ siga ayꞌya istawe̱liꞌ, ¿kénoꞌ tawe̱lialti̱j? Ayoꞌ ye̱kti iga nité̱, motajkáliya. Yej kipiá inakasmej, makikakika̱n.