Աստվածաշնչի հայտնի հատվածներ San Lucas 5-ից

Կիսվել

Kua̱ꞌ támiꞌya tamachtij, Jesús kijlij Simón: —Xikui̱ga moá̱ka̱l ka̱n ma̱jya wejkatan iwá̱n ompa xitama̱tawi̱ka̱n.

Simón kijtoj: —Tamachtia̱ni, senyówal nitama̱tawijkej iwá̱n nisé̱ aniki̱tzkijkej. Ya que tej nemi tine̱tekimaka, nia sej nitama̱tawi̱ti. Kua̱ꞌ inó̱n kichijkej, kiki̱tzkijkej komati michin, iwá̱n este tzajtzaya̱niꞌ irre̱dejmej.

Eꞌ Jesús kikajte̱wa̱ya la gente iga ise̱lti ya̱ya tajto̱ti iwá̱n Dios ka̱n ayagaj onoꞌ.

Nej ayá̱ꞌ niwa̱laj nikno̱tzako yej kijtowaj iga ye̱ꞌnemij. Ma̱jwaꞌ niwa̱laj nikno̱tzako yej kichi̱waj yej aye̱kti iga mamoyo̱lpataka̱n.

Kua̱ꞌ iní̱n kitaꞌ Simón Pedro, motankua̱ketzaꞌ ite̱noj Jesús iwá̱n kijlij: —NoTe̱ko, amo xine̱techo iga nej ayá̱ꞌ niye̱ꞌnemi.

Jesús kijtoj: —Yej ye̱ktitokej ayá̱ꞌ kinekij yej maki‑achitialti̱ka̱n, sino que yej we̱titokej.

Iwá̱n kua̱ꞌ kiki̱xtíjkeja iya̱ka̱lmej ipan a̱tate̱n, ómpaya kikajtejkej inewi iwá̱n kitokákeja Jesús.

Se̱ día onoya Jesús ipan se̱ a̱ltepe̱ꞌ, wa̱laj se̱ ta̱gaꞌ yej nemi pala̱ni ikajlo̱ꞌ iga kipiaya lepra. Iwá̱n kua̱ꞌ kitaꞌ Jesús, motankua̱ketzaꞌ iwá̱n motzonto̱gaꞌ este ipan ta̱jli iwá̱n ijkí̱n kicho̱kistajtanilij: —Note̱ko, siga tej tikneki, wel xine̱pajti. Jesús kichijchin iga ima̱ꞌ iwá̱n kijlij: —Kena, nikneki xipajti. Iwá̱n íkua̱ꞌsan pajtiꞌ ka̱n pala̱ntia̱ya.

No̱ya̱n momatitia̱ya iga taachitialtia̱ya Jesús, iwá̱n komati gente monechkowa̱yaj iga makikakika̱n yej kijtowa iwá̱n iga makachitialti̱ka̱n.