Աստվածաշնչի հայտնի հատվածներ Матфей 24-ից

Կիսվել

Јарамас кӧптӧп, оноҥ улам кӧп улустыҥ сӱӱжи соор. Учына јетире чыдашканы дезе, аргадалар.

Ончо калыктарга кере болзын деп, Каандык керегинде Сӱӱнчилӱ Јар јер-ӱстине јарлалар. Ол тушта чак тӱгенер.

Анайда ок јуу-согуш болуп јатканын ла јуу-чак керегинде табыш угарыгар. Калак, чочыбагар, мыныҥ ончозы болор учурлу, је бу учы эмес.

Калык калыкка, каандык каандыкка удура туруп чыгар, ачана-торо болор, кезектей јер силкинер, је бу ончозы ӱй кижиниҥ бала табарда оорузыныҥ јӱк башталганы.

Теҥери ле јер јастыгар, је Мениҥ сӧстӧрим јастыкпас.

Кӧп улус Мениҥ адымды аданып келер, «Мен Христос» деер, кӧп улусты астыктырар.

Ол тушта слерди кыйынга берип, ӧлтӱрип турар, слерди Мениҥ адым учун ончо калыктар јаман кӧрӧр. Ол тушта кӧп улус бӱтпей барып, јана тӱжер, бой-бойын садыжып, јаман кӧрӱжер. Кӧп тӧгӱн јарлыкчылар чыгар, кӧп улусты астыктырар.

Иисус айтты: – Калак, слерди кижи астырбазын.

Оныҥ учун слер де белен болыгар: Кижи Уулы слер сакыбаган ӧйдӧ келер.

Анайдарда, ойгу болыгар, нениҥ учун дезе Кайраканыгар кандый кӱнде келерин билбезигер.

Ол кӱнди, саатты кем де билбес, теҥеридеги ангелдер де билбес, јаҥыс Ада билер.

Тӧгӱн христостор, тӧгӱн јарлыкчылар табылар, улу билдилер ле кайкалдар кӧргӱзер. Мыныла олор, аргалу болзо, талдалгандарды да астыктырарга эдер.

Нойдыҥ кӱндеринде кандый болгон, Кижи Уулыныҥ келери андый ок болор. Чайык чыгар кӱндердиҥ алдында, Ной ковчегке кирердиҥ киргенче, улус ичип-јип јаткан, кижи алары алып, кижиге барары барып турган. Чайык чыгып, ончозын кырганча, олор нени де сананбай јӱргендер. Кижи Уулыныҥ келери андый ла болор.