Աստվածաշնչի հայտնի հատվածներ मत्तायोस 5-ից

Կիսվել

अन्नेम आलर बिल्‍लिन लघा ब'अनर ती ढक्‍की ती मल कुल्‍लनर महले ढक्‍की किइय्‍या मल उइय्‍नर। लिकिन बिल्‍लिन पक्‍खा नू उइय्‍नर। होले ओर्मर गे बिल्‍ली ईथ्र'ई। एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

नीम ख़ॆख़ेल नू आलर गे बिल्‍ली लेक्‍खा र'अदर। परता मइय्याँ नू ओक्रका नगरे नूख़्र'आ पुल्‍ली।

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

नॆ धर्मेसिन पत्त'आ गे दिम बेद्दनर, आरिन धर्मेस आसीस ननोस, आर ही मनेन धर्मेस पूरा ननोस।

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

नॆ मेस्रत'ऊ आलर र'अनर, आरिन धर्मेस आसीस ननोस, आर धर्मेसी ख़द्दर बार'ओर।

नॆ दुक्‍खे सारनर, आरिन धर्मेस आसीस ननोस, आर सान्‍ति ख़क्‍खोर।

नॆ दौ नन्ना चड्डे दुक्‍खे सह'ऊ र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

नॆ सोग्‍गे ऎरनर, आरिन धर्मेस आसीस ननोस, आर मइय्‍याँ हूँ सोग्‍गे ऎरतार'ओ।

एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस। औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

नॆ लुदऊ आलर र'अनर, आरिन धर्मेस आसीस ननोस, आर ख़ॆख़ेल ही उरुब मनोर।

नीम ख़ॆख़ेल नू बॆक लेक्‍खा र'अदर। लिकिन बॆक ही तीनना मेटर'ओ कालो होले, आद अउरिम अदही तीनना मल कमर'ओ। आद इन्द्रिइम नलख गे मल र'ई, अदिन बहरी हेबड़तार'ई अरा आलर ती तिर्ख़र'ई नाब्र'ई।

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

निम्‍है कत्‍था इवन्‍दम र'ओ, हाँ होले हाँ अरा मला होले मला। एकदा इदिन ती बग्‍गे मनी, आद मलदौ ती मंजकी र'ई।’

नीम एन्ने नॆगन हूँ मेंजकादर का, ‘निम्‍है नठाब'उर ती ख़न्न ही ऊजी ख़न्न, अरा पल्‍ल ही ऊजी पल्‍ल किर्त'आ बिड़द'आ।’ लिकिन ऎन निमन ब'अदन, ‘मलदौ आलर ही बिड़दो नू अमके इज'आ। निक‍ईम निंगन हींड़'आ गे निंग्‍है ओन्‍टा गल्‍लेन थपड़दस होले, आस गे नन्‍ना गल्‍लेन हूँ ऎदके।

निंग्‍है तीना ख़न्‍न निंगन पाप नन्‍त'ई होले, अदिन सम्ड़ह'आ। पाप नन्ना ती सम्ड़ह'आ गे आ ख़न्नन टोटरना ओथ्रना मनो होले हूँ अदिन टोटर'आ ओथ्र'आ। पाप नन्ना चड्डे ऎंड़ ख़न्‍न र'अनुम नरक नू हेबड्रना ती बिगर पाप नंजका कना मनरकी धर्मेस गने जनमजुग ही उज्‍जना नू कोरना निंगा दौ र'ई। अरा निंग्‍है तीना ख़ेक्खा निंगन पाप नन्‍त'ई होले, अदिन सम्ड़ह'आ। पाप नन्ना ती सम्ड़ह'आ गे आ ख़ेक्खन खंडना मनो होले हूँ अदिन खं‍डा चि'आ। पाप नन्ना चड्डे ऎंड़ ख़ेक्खा ही र'अनुम नरक नू हेबड्रना ती, बिगर पाप नंजका ठुठा मनरकी धर्मेस गने जनमजुग ही उज्‍जना नू कोरना निंगा दौ र'ई।