Աստվածաշնչի հայտնի հատվածներ THAUREYMEI 12-ից

Կիսվել

Ai rui nang kikta tikingc nkiuclou puni the, kaniw tei zaatc daihmei sw puni the. Nang hei suaihiam sw diu khang ai rui nang ta suaihiamlou puni the khatni nang zanc tidaiclou puni the. Nang ta suaihiamloumei nunc ta tei ai rui ni suaihiamlou puni, nang ta siangloumei nunc ta tei ai rui ni sianglou puni, khatni nang paan rui kandihmei zaat, kaikhunh kaguayna ta ai rui suaihiamlou puni.”

RINGHPOUC rui Abram khou sa the, “Nang kandic, nang riang nang luaic khatni nang pu kai ta ganclouna ai rui nang khou lyanlou pw nimei kandic thangc tat tho.

Abram katingkwm 75 tanghmei kwm, Ravguangc rui saloumei theilayna kamei Haran khou rui tatpat the; kumna Lot ni kathei lay tat khwan e.

RINGHPOUC kamei Abram khou guangna sa the, “Ai rui nangkik nangta khang tii punimei kandic kiu mi hei the.” Khoutei kakhou guangna lyanloumei RINGHPOUC ta kalum khang hei bamv khou tei Abram rui ravchabamv kasiamh the.