Աստվածաշնչի հայտնի հատվածներ Itanta-nakari 3-ից

Կիսվել

Oñaatziiro kooya iroka chochoki kamiitha okantaka, oniwitana-karo onthotiro, onintzi ontzimi oyotani. Aakiro chochoki, othotakiro. Aanakiniri oimi, ithotakiro aajatzi irirori.

Pairani yotani ikantawita maranki, yanairi maaroni antami-wiri ikaratzi iwitsika-kiri Pawa. Ikanta apaata maranki ari isampitakiro kooya, ikantziro: “¿Omaapiroma ikantzimi Pawa: ‘Airo pithotziro okaratzi pankitachari pankirin-tsimasiki?’ ”

Nonkan-takai-yaaro onkisaniin-taimi kooya. Ari inkantajyaari osarintajyaari, Inkisaniin-tairi pasi awiroka. Iriitaki tsitokai-miniri piitoki, Ipatzi-kontaki patsi-kamatsi-tairi awiroka.”

Ikantana-kiro kooya: “Antaro pinkimaatsi-taiyaa aririka piwaiyantai. Oshiki ayimataimi pinintzi yapititaiyaami piimi, Iro kantacha, oshiki impira-waitajyaami irirori.”

Ari pasi piwiro pamasawi-wintairo onkarati piwajyaari, Irojatzi pinkipatsi-pani-tantaiyaari, Tima kipatsi yaitaki iwitsikan-taitaka-miri, Ontzimatyii pinkipatsi-panitai aajatzi.”

Ikantana-kiri atziri: “Tima paawako-takiro piina, Pithotan-takarori nopinka-kaawitamiri. Awiroka kantakaan-taki-rori nomisha-tantyaarori iroka kipatsi. Oshiki pinkimaatsi-taiyaaro pantawaiti, Piñaantajyaarori piyaari kitaitiriki-payi.

Ari isampitana-kiri, ikantziri: “¿Paitama kantakimiri pisaika-mirikitatzii? ¿Pithotaki-roma chochoki nopinka-kaimiri?”

Aritaki imisitowai-takiri atziri pankirin-tsimasiki Posiñaarini, iwanaki Pawa aparoni maninkari tsika isitowa-piintzi ooryaatsiri. Ari osaikitakari wisa-mintotsi iroowaitaki opaamatzi paamari. Irootaki shiwatachari anta airo yariitan-taitaaro chochoki añaakaan-tatsiri.

Aritaki ipaitakiro iina yoka Adán “Añaantsi”, tima irootaki irinirotyaari inkarati añaayi-tatsiniri. Ikantai-tziro iñaaniki irirori-payi “Eva”.