Աստվածաշնչի հայտնի հատվածներ Mataayo 5-ից

Կիսվել

Ikange, avaanu navipamba ɨnyaale nʉ kʉgubikila nɨ kɨtʉndʉ, apeene vikʉjɨvɨɨka pakyanya pa kɨdʉlɨkɨlo kya nyaale pakʉta ɨvamulikilage avaanu vooni ʉwʉ valɨ mu nyumba. Vʉvʉle vʉle nalʉ lʉmuli lwinyo lʉnogye lumulikage kʉ vaanu pakʉta vave vikʉtsivona imbombo tsiinyo inonu, vanʼginiage ʉDadajiinyo ʉvɨ alɨ kʉkyanya.

“Ʉnyie mulɨ lʉmuli lwa kɨlʉnga. Ʉvʉtsenge ʉvʉtsengilwe pakyanya pa kɨdugala, navuweesa ʉkʉsihama.

Vagatalʉsu ʉwʉ valɨ nɨ numbula mbalasu, manya valambona ʉNgʉlʉve.

Vagatalʉsu ʉwʉ valɨ nɨ nzala nɨ kyʉmɨlwa kya kʉvomba itsa vʉgolosu, manya ʉNgʉlʉve alaviigusa.

Lɨno ʉne ndikʉvavʉʉla ʉkʉta muvaganage avalʉgʉ viinyo. Ikange, muvadoovelage kwa Ngʉlʉve vooni ʉwʉ vikʉvapelela ʉvʉkʉvɨlwa.

“Vagatalʉsu ʉwʉ vɨmanyile ʉkʉta vagatsu mu numbula, manya ʉLʉdeeva lwa Kʉkyanya lwa veene.

Vagatalʉsu ʉwʉ visajania avaanu, manya ʉNgʉlʉve alavavɨɨka vave vaana va mwene.

Vagatalʉsu ʉwʉ valɨ nʉ lʉsʉsʉvalo, manya ʉNgʉlʉve alavatseesa.

Vagatalʉsu ʉwʉ vikʉvɨlwa kʉ nongwa jya kʉvomba itsa vʉgolosu, manya ʉLʉdeeva lwa Kʉkyanya lwa veene.

Vagatalʉsu ʉwʉ vikʉvakolela ɨkɨsa avange, manya ʉNgʉlʉve alavakolela ɨkɨsa naveene.

“Mulɨ vagatalʉsu ʉnyie ɨngave avaanu vikʉvadʉka, vikʉvapelela ʉvʉkʉvɨlwa nʉ kʉvanwangʼila ʉvʉviivi ʉvʉlɨ pongosu kʉ nongwa jyane. Hekelagi nʉ kʉhovoka, manya ʉNgʉlʉve avavɨɨkye ʉlʉhombo ʉlʉlʉti kʉkyanya, ʉlwakʉva vʉle vʉle wʉ vaavavombye avanyamalago ʉwʉ vaalongwe pavʉlongolo paanyie.

Vagatalʉsu ʉwʉ vadeke, manya ʉNgʉlʉve alavapa ɨkɨlʉnga kyoni.

“Ʉnyie mulɨ mwinyo gwa kɨlʉnga. Lɨno gʉngave gʉnangiike, ndeeti, kʉlɨ kɨɨnu ɨkiweesa ʉkʉkilivula ikange ʉlʉnogo lwa gwene? Apo jisiita ʉkʉva nʉ lʉnogo ikange. Ʉmwinyo ʉgwa gwiva gwa kʉtaagwa kʉnzi, gʉkadwagwe na vaanu.

Pwʉ muveetsage vagolosu ndʉwʉ ʉDadajiinyo ʉvɨ alɨ kʉkyanya inʼgolosu.

Mungave mukwɨdɨka ɨkɨɨnu muteetsage eena, evo mungave mubeela ɨkɨɨnu muteetsage baako, manya gooni ʉgwʉ gilʉtɨɨlɨla paago, gihʉma kʉ ntavangwa ʉlya.

“Mupʉliike ʉlʉlagɨlo ʉlwita, ‘Ɨliiho kʉ liiho nɨ liino kʉ liino.’ Lɨno ʉne ndikʉvavʉʉla ʉkʉta mulekage ʉkwɨmɨlanila na vaanu avikʉvavombela imbiivi. Apeene ɨngave ʉmuunu akʉtovile ʉlʉtseetse lwa kʉndyo, inʼgalamulile nʉ lwa kʉngʼɨgɨ.

Lɨno ɨngave ɨliiho lyako lya kʉndyo likʉkʉpelela ʉvombe imbiivi, lyomokole nʉ kʉlɨtaaga, manya lʉnonu ʉkʉjatsa kɨpamato mu sipagɨka sya mmana gwako, ʉkʉlʉtɨɨlɨla nʉ kʉtsitaagwa kʉ mwoto gwa sikutsooni ʉmmana gwako gwoni. Ikange, ɨngave ɨkɨvoko kyako kya kʉndyo kikʉkʉpelela ʉvombe imbiivi, dumula nʉ kʉtaaga, manya lʉnonu ʉkʉjatsa kɨpamato mu sipagɨka sya mmana gwako, ʉkʉlʉtɨɨlɨla nʉ kʉtsitaagwa kʉ mwoto gwa sikutsooni ʉmmana gwako gwoni.