Աստվածաշնչի հայտնի հատվածներ Mathayo 5-ից

Կիսվել

Watu hawawashi taa na kuificha kwenye chungu. Bali huiweka kwenye kinara cha taa ili nuru iangaze kwa kila mtu. Kwa namna hiyo hiyo mnapaswa kuwa nuru kwa ajili ya watu wengine. Hivyo ishini katika namna ambayo watakapoyaona matendo yenu mema, watamtukuza Baba yenu wa mbinguni.

Ninyi ni nuru inayong'aa ili ulimwengu uweze kuiona. Ni kama mji uliojengwa juu ya kilima unavyoonekana wazi.

Heri kwa wenye moyo safi, Kwa kuwa watamwona Mungu.

Heri kwa wenye kiu na njaa ya kutenda haki. Kwa kuwa Mungu ataikidhi kiu na njaa yao.

Lakini ninawaambia wapendeni adui zenu na waombeeni wale wanaowatendea vibaya.

“Heri kwa walio maskini na wenye kujua kwamba wanamhitaji Mungu. Kwa kuwa ufalme wa Mungu ni wao.

Heri kwa wanaotafuta amani. Kwa kuwa wataitwa watoto wa Mungu.

Heri kwa wenye huzuni sasa. Kwa kuwa watafarijiwa na Mungu.

Heri kwa wanaoteswa kwa sababu ya kutenda haki. Kwa kuwa ufalme wa Mungu ni wao.

Heri kwa wanaowahurumia wengine. Kwa kuwa watahurumiwa pia.

Heri kwenu ninyi pale watu watakapowatukana na kuwatesa. Watakapodanganya na akasema kila neno baya juu yenu kwa kuwa mnanifuata mimi. Furahini na kushangilia kwa sababu thawabu kuu inawasubiri mbinguni. Furahini kwa kuwa ninyi ni kama manabii walioishi zamani. Watu waliwatendea wao mambo mabaya kama haya pia.

Heri kwa walio wapole. Kwa kuwa watairithi nchi.

Mnahitajika kama chumvi inavyohitajiwa na wale waliopo duniani. Lakini chumvi ikipoteza ladha yake, haiwezi kufanywa chumvi tena. Haina manufaa yoyote isipokuwa hutupwa nje na kukanyagwa na watu.

Ninalosema ni kuwa, mkue hata kufikia upendo kamili alionao baba yenu wa Mbinguni kwa watu wote.

Sema ‘ndiyo’ tu kama una maana ya ndiyo na ‘hapana’ tu kama una maana ya hapana. Ukisema zaidi ya hivyo, utakuwa unatoa kwa Yule Mwovu.

Mmesikia ilisemwa, ‘Jicho kwa jicho na jino kwa jino.’ Lakini ninawaambia msishindane na yeyote anayetaka kuwadhuru. Mtu akikupiga shavu la kulia mgeuzie na la kushoto pia.

Jicho la kuume likikufanya utende dhambi, liondoe na ulitupe. Ni bora kupoteza sehemu moja ya mwili wako kuliko mwili wako wote ukatupwa Jehanamu. Na mkono wako wa kuume ukikufanya utende dhambi, uukate na kuutupa. Ni bora kupoteza sehemu moja ya mwili wako kuliko mwili wako wote kutupwa Jehanamu.