Աստվածաշնչի հայտնի հատվածներ JOHANA 17-ից

Կիսվել

Anni chu thutakin tithianghlim rawh, i thu chu thutak a ni.

Hei hi chatuana nunna a ni, nang Pathian tak chauh leh i tirh Isua Krista hriat hi.

Hênghote tân chauh hian ngensak ka ni lo, an thu avânga kei mi la ring tûrte tân pawh ngensak ka ni bawk e; an zaa pumkhat an nihna tûrin; ka Pa, nang keimaha i awm leh, kei nangmaha ka awm ang bawk hian, anni pawh keimahnia an awmna tûrin; nangin kei mi tîr tih khawvêlin an âwih theihna tûrin.

Nangin anni chu khawvêl ata i lâk chhuah tûra ngên ka ni lo va, mi sual lakah chuan i hum tûr ka ti zâwk a ni.

Tin, nangin ropuina mi pêk kha keiin anmahni ka pe ta; anni chu pumkhat an nihna tûrin, keini pumkhat kan ni ang bawk hian; kei anmahniah, nang keimahah, anni pumkhata an awma, an famkim theihna tûrin; nangin kei mi tîr tih leh, mi hmangaih angin anni hi i hmangaih tih, khawvêlin an hriat theihna tûrin.