Աստվածաշնչի հայտնի հատվածներ Мәтта 7-ից

Կիսվել

Бьхԝазьн һуне бьстиньн, бьгәрʼьн һуне бьбиньн, дәри хьн ԝе бәр ԝә вәбә.

Чьмки кʼи кӧ дьхԝазә дьстинә, кʼи кӧ дьгәрʼә дьбинә у кʼи кӧ дәри дьхә бәр вәдьбә.

Аԝа кʼи кӧ ван готьнед Мьн дьбьһе у ԝан дьԛәдинә, әԝ мина мәрьвәки сәрԝахт ә, кӧ мала хԝә сәр кевьр чекьр.

Һәр чь кӧ һун дьхԝазьн мәрьв бона ԝә бькьн, һун жи ӧса ԝанарʼа бькьн. Әв ә мәʼна һинкьрьна Ԛануне у пʼехәмбәра.

Ле гәләки тәнг ә әԝ дәри у зәʼмәт ә әԝ рʼийа кӧ дьбә бәрбь жийине у һьндьк ьн әԝед кӧ ԝе рʼейе дьбиньн.

Дәре тәнгрʼа бькʼәвьнә һьндӧрʼ, чьмки фьрә йә әԝ дәри у бәр ә әԝ рʼийа кӧ дьбә бәрбь ӧндабуне у гәләк ьн әԝед кӧ ԝеда дьчьн.

Һун кӧ хьраб ьн, заньн тьштед ԛәнщ бьдьнә зарʼед хԝә, ле Баве ԝәйи Әʼзмана ԝе чьԛас тьштед ԛәнщ бьдә әԝед кӧ жь Ԝи дьхԝазьн.

Лома нәкьн, кӧ ломә ль ԝә нәбьн. Һун чь лома бькьн, әԝ ломә жи ԝе ль ԝә бьбьн у һун бь чь чапе бьпивьн, бь ԝе чапе жи ԝәрʼа ԝе бе пиване.

Ле кʼи кӧ ван готьнед Мьн дьбьһе у наԛәдинә, әԝ мина мәрьвәки бефәʼм ә, кӧ мала хԝә сәр ԛуме чекьр.

Тӧ чьма ԛьршьке чʼәʼве бьре хԝәда дьбини, ле кʼеране чʼәʼве хԝәда набини? Йан жи чаԝа тӧ дькари бежи бьре хԝә: ‹Бьһелә кӧ әз ԛьршьк жь чʼәʼве тә дәрхьм›, ле ва йә кʼеран чʼәʼве тәда һәйә?

Һʼәвза хԝә жь пʼехәмбәред дәрәԝ бькьн. Әԝе бь пʼосте пез бенә щәм ԝә, ле һьндӧрʼва гӧред пʼәрʼани нә. Һуне ԝана жь бәред ԝан нас бькьн. Гәло кәсәк жь стьрийа тьрийа дьчьнә, йан жи жь дьрʼийа һежира?

Дара ԛәнщ бәре ԛәнщ дьдә, ле дара хьраб бәре хьраб дьдә.

Дара ԛәнщ нькарә бәре хьраб бьдә, нә жи дара хьраб дькарә бәре ԛәнщ бьдә.

Һәр дара кӧ бәре ԛәнщ надә те бьрʼин у авитьне нава агьр.