Աստվածաշնչի հայտնի հատվածներ ATÜNNAK 17-ից

Կիսվել

Abram a khawkum 99 a law sang ung BAWIPA cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

Na ming cu Abram ah kä kya ba ci, Abraham ah kyak ci, a i ah kyasei ci ung nang cu chang pakhui akda ah pa ah ka ning pyang pyi ci nei.

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

“Kei naw thukhän ka ning pek ci, nang cu pakhui akda ah pa ah na kyak khai ciah phi shai ka tak ci.

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

Abraham naw a hmai naw m’dek tawn khai ah kawp neta, amlung kyong ah gaih ne, a khawkum phia law pyi ciah chang cu hta ba hning khai aw? Khawkum 90 law pyi ciah Sarah cu hta hning khai aw?” cine amlung kyong ah ngaih-tüh neta

Khanpughi naw Abraham am, “Na chu cu Sarai ah kä na khü ba vai, tuhbäi ung tün ne aming cu Sarah ah kyak ci.

Vun-ah nak nami bi cu kei la nangmi ah ng’lak ung m’hnütbäi nak ah thukhän ah kyak ci.

Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

Nami htangshon ung pami ah nami hta phung cu hnüüp cheit a lüng ung vun-ah nak nami bi vai. Nami changshäm naw nami kyong ah a hta nak la nami chang hleih phi vun-ah nak nami bi pek vai. Changshäm ah hta la chang hleih phi vun-ah nak nami bi pek vai. Cun cu ka thukhän nangmi ung angtäi ah a om ah mawng pumsa awn m’hnüt nak ah kyak ci.