Աստվածաշնչի հայտնի հատվածներ Matiye 5-ից

Կիսվել

Dəw ila puru lambe tə̂ a, a kaw dəbbə kə jo ang. Nâ kunda dɔ marə nɛ̂n tə̂ taar karə njê kə̂ mə kəy tə̂ le tɔyn ooje nɛ̂n lo. Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

«Ə-toje to lo-karɛ kə̂ duninya tə̂ nəənn. Bbe kə̂ n̂-dda dɔ ddingiri tə̂ a kasə kiya rɔɛ̂ ang.

Maji arəse, see dəwje kə̂ məse nda kayn, mba â kooje Lubba.

Maji arəse, see dəwje kə̂ bbo nɛ̂n-dda kə̂ gatə gatə ddase nya, mba Lubba a karəse nɛ̂n kə̂ məse ndiki.

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Maji arəse, see dəwje kə̂ aw ddaje arə mə-wul-lɔm to horo dəwje tə̂, mba Lubba a bbarse to ngannɛ̂.

Maji arəse, see dəwje kə̂ aw nɔnje, mba Lubba a wul məse.

Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Maji arəse, see dəwje kə̂ aw ooje kəm-to-ndoo lə njê-marəseje, mba Lubba a koo kəm-to-ndoo ləse tɔ.

Maji arəse, sese kə̂ dəwje aw tajise, daw dulaje kəmse ndoo tə̂, daw paje tarje kə̂ maji ang dang dang, kə̂ to tar ngəmje baa dɔse tə̂ mbam. Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Maji arəse, see dəwje kə̂ ə-wulje pee, mba Lubba a karəse nangə nəənn to ləse.

«Sese â ə-toje to katə kə̂ dɔ nangə̂ tə̂ nəənn. A bbo dɔɔn lə katə le goto a, ddi bba dəw a dda karə katə le təl dɔɔn bbay wa? Marə nɛ̂n dang kə̂ ta dda nɛ̂n goto. To nɛ̂n kungu kɔrɔ̂ karə dəwje mbɔynje kə gɔlde.

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

A maji karə ə-paje nan: ‹Ye njaa, ye njaa› wase ‹Ye ang, ye ang›. A bbo ilaje marə tar dɔɛ̂ tə̂ a, to tar kə̂ in rɔ Nje-Mə-Majang tə̂.»

«Ooje tar kə̂ n̂-pa ləw nan: ‹Bbo dəw tɔ kəm nje-marɛ̂ a, maji karə n̂-tɔ kəmɛ̂ tɔ. Bbo dəw guru ngangə nje-marɛ̂ a, maji karə n̂-guru ngangɛ̂ tɔ.› «A əman, m-pa marəse: Bbo dəw dda səi majang a, ila barɛ̂ ang. Bbo dəw unda ka-mbɔri a, ə-turu dəbbe kə̂ kâra arə nunda tɔ.

Bbo kəmi kə̂ kɔl a ta dda karə ə-dda majang a, ɔru ila kɔrɔ̂ ddəw əw. Mba bbo dəbbə rɔi kâra â goto a, maji uta karə da-rɔi tɔyn njaa aw kəm puru tə̂ kə̂ aw ɔn kə ndɔ kə ndɔ. A bbo jii kə̂ kɔl a ta dda karə ə-dda majang a, ə-gangə ila kɔrɔ̂ ddəw əw. Mba bbo dəbbə rɔi kâra â goto a, maji uta karə da-rɔi tɔyn njaa aw kəm puru tə̂ kə̂ aw ɔn kə ndɔ kə ndɔ.»