Աստվածաշնչի հայտնի հատվածներ Matiu 5-ից

Կիսվել

Noꞌonoꞌ woꞌo tiꞌara ara hadua tauna to motótó palita haneꞌi nahumbáki hai kori to mahile. Huluꞌ bateꞌna nawoli i kamapángkáꞌána bona peisá mowangkaꞌi upu-upu tauna i lalu támbi. Noꞌonoꞌ woꞌo pewangkaꞌ to ara i lalumi hangaa-ngaa mewangkaꞌ, bona bábehiámi to maroꞌa iti ina raita upu-upu tauna, álána motóiáheꞌ Umámi to ara i surugáꞌ.”

Kómu to meuláꞌ i Kódóꞌ, nodokou pewangkaꞌ to mowangkaꞌi upu-upu tauna i duniáꞌ. Nodokou karaitána kótá to raꞌaró i wongko buluꞌ, bábehiámi tiꞌara peisá rawuniángi.

Morasiꞌ miꞌi tauna to mopaioru peundeꞌána Pueꞌ Ala hangko i laluraꞌ ntepuꞌu, láwiꞌ hira ina moitaheꞌ Pueꞌ Ala.

Morasiꞌ miꞌi tauna to moundeꞌ ntepuꞌu mewaliꞌ tauna to manótó i peitána Pueꞌ Ala, láwiꞌ Pueꞌ Ala ina motulungiheꞌ mewaliꞌ tauna to manótó i peitáNa.

Agáiáná deꞌe-deꞌe Kuhángáꞌákou: hangaa-ngaa nipokaꞌahiꞌ ewálimi, hai nipekakaeáheꞌ tauna to mampopeahiahiꞌkou.

“Morasiꞌ miꞌi tauna to moisá hangaa-ngaa mopaisarengaheꞌ katueꞌraꞌ i Pueꞌ Ala, láwiꞌ hira miꞌi to mewaliꞌ taunána Pueꞌ Ala i lalu popárentáNa.

Morasiꞌ miꞌi tauna to moánti podame i hángká rángáraꞌ, láwiꞌ hira miꞌi to ina rauliꞌ ánáꞌna Pueꞌ Ala.

Morasiꞌ miꞌi tauna to wiora ntepuꞌuheꞌ, láwiꞌ Pueꞌ Ala ina mopalindóheꞌ.

Morasiꞌ miꞌi tauna to rapopeahiahiꞌ ánti pouláꞌraꞌ peundeꞌána Pueꞌ Ala, láwiꞌ hira miꞌi to mewaliꞌ taunána Pueꞌ Ala i lalu popárentáNa.

Morasiꞌ miꞌi tauna to mampokaꞌahiꞌ hángká rángáraꞌ, láwiꞌ Pueꞌ Ala ina mampokaꞌahiꞌheꞌ woꞌo.

Morasiꞌmokou ane rasasalaꞌikou, rapopeahiahiꞌkou, hai hangaꞌmi rapakadake ánti peuláꞌmi i Kódóꞌ. Hangaa-ngaa góeꞌ ntepuꞌukou láwiꞌ mahile háwángina to ina nilámbiꞌ i lalu surugáꞌ, láwiꞌ nabiꞌ-nabiꞌ hangkoia rapopeahiahiꞌheꞌ woꞌo hibali hai kómu.”

Morasiꞌ miꞌi tauna to mengkaiwóiꞌ, láwiꞌ Pueꞌ Ala ina mobukeki dándiNa i hira.

Iesu mopaliliu laluitaNa, Nauliꞌ, “Kómu to meuláꞌ i Kódóꞌ, nodokou bure to mopamaroꞌa katueꞌraꞌ tauna i duniáꞌ. Agáiáná ane tiꞌarakou mampeuláꞌi paturoꞌKuꞌ, tiꞌarapokou mobunduꞌ, nodo pekou bure to matáweá to tiꞌara piꞌi peisá rapamabure huleꞌ. Rángina miꞌi ratibe peá i rárá hai rakada-kada tauna.

Mewaliꞌ kómu, {rárá katueꞌmi hangaa-ngaa montaniꞌ hangko i rárá katueꞌraꞌ tauna ntániꞌna}. Hangaa-ngaa nibábehi oaꞌ peundeꞌána Pueꞌ Ala hangko i lalumi ntepuꞌu, láwiꞌ Umámi to ara i surugáꞌ mopatongawaꞌ oaꞌ kamaꞌahiꞌNa i upu-upu tauna, hai tiꞌara ara kamakuraꞌNa.”

Ane tunggáiámi manguliꞌ ió, gáná miꞌi niuliꞌ peá ‘Ió.’ Ane tunggáiámi manguliꞌ tiꞌara, gáná miꞌi niuliꞌ peá ‘Tiꞌara.’ Laluita to melumbuꞌ hangko ionoꞌ mentóáꞌ hangko i Datu Tokadake.”

“Niꞌisá miꞌi párentá to rapahaweꞌámoheꞌ toioruntaꞌ hangkoia to manguliꞌ node: ‘Ane ara to mohakaꞌ hai mabutuꞌ mátána rángána ba marebuꞌ ngihina, hangaa-ngaa ia woꞌo rabutuꞌ mátána, ba rarebuꞌ ngihina.’ Agáiáná deꞌe-deꞌe Kuhángáꞌáꞌákou: ineeꞌ nuháwángi bábehiána tauna to mobábehi to kadake i hio. Ane rápáꞌna ara to motampedaꞌ pelimu hambali, ineeꞌ nuháwángi. Rángina nuweꞌi wopiꞌi pelimu to hambali natampedaꞌ.

Mewaliꞌ, maingáꞌ-ingáꞌkou bona ineeꞌkou madósá moliu apa to niꞌita ba apa to nibábehi. Ane rápáꞌna mátámi hambali to moántikou i lalu dósá, rángina miꞌi nidungkiki hai nitibe bona tiꞌarakou madósá. Maroꞌa mani hambali peá mátámi hai tiꞌarakou mobábehi dósá, haneꞌi rombali mátámi, agáiáná ratibekou i lalu naraka. Ane rápáꞌna taemi hambali to moántikou i lalu dósá, rángina miꞌi nibóhóki hai nitibe bona tiꞌarakou madósá. Maroꞌa mani hambali peá taemi hai tiꞌarakou mobábehi dósá, haneꞌi rombali taemi agáiáná ratibekou i lalu naraka.”