Աստվածաշնչի հայտնի հատվածներ TEALIAN 6-ից

Կիսվել

Yana koidan manasekene molapamo tealikene yanila tukon abese doi dunia. Yana buno doiya kona manasalan

Ko TEMENENO kitayo todudulo kona kulokisan komian-mian doi dunia; sasaibino konapoo pikilan sidutu kulokis.

Bai Nuh sanaanggene ko TEMENENO noano.

Naiyamo Nuh salitano. Yana daano tolu konapau malaneno, doiyamo: Sem, Yafet tukon Ham. Nuh aki namokubai salah, tukon tongo yana komo monondok doi naloonudoo. Yana tubo pokolanikon tukon Mian Bisa.

tobikon bantile, “Naikon kulopuwo kobangkapi molapamo pinasitakadoo, tukon koidan sasaibino kotomisi tukon iyayon bailon, sabab Yaku manasal molapamo pasitakayo yanila.”

Salataa kobangkapi tosuungimo badaang tukon sasabulo doi sasaibino kolipu, tukon pau-pau boine sinuungo, malaekat-malaekat kitayo baikon doboiboinedoo potambongani. Maka yanila kilayo koboiboine yanila moiyase. Maka ko TEMENENO bantile, “Yaku aki kuiyase kobangkapi natubo sidutu posidutukon; yanila bangkapi moaki natubo, mosio namate. Tambuun diabudoo yanila naumur aki naikon nalobian 120 kotaun.” Doi loolukoo tukon koidan salataa lapa ano komian mobabasal tukon barani doi dunia. Yanila boi-boine doi Kain nakatulunan mopokila tukon malaekat. Mian-mian mobabasal baranidoo doiyamo talenga-talenga mobabasal tukon mian motololongol doi lounu loolukoo.

Nuh lakukanggene sasaibino kolobo Mian Bisa napinarentahkon doi yana.

Maka ko Mian Bisa bantile doi Nuh, “Yaku lapamo putusiyo tuuk oppusiyo sasaibino komahluk natuboan. Yaku naikon akabusemo yanila tukon dunia, sabab kodunia moonomo tukon napoo kokubai mokulokis.

Kubaiyomo komeeng kokapal tuuk doi koo luwedoi kayung momoonggol; kubaiyomo doi lalomo kona kombiang-kombiang, tukon lapise ter doi lalom tukon doi tonggulung.

Mian Bisa mbalenge doduniadoo tukon tongo kitayo kokulokisan tolong, sabab sasaibino kobangkapi kulokis kona tuboan.

Kanggiyomo doi kapaloo lalomo memeeng kotomisi kaliangano meeng kotanggoloko tukon meeng kolumisano tukon iyayon bailonggon, sulano naaki napoo silaka.