Աստվածաշնչի հայտնի հատվածներ YOHANES 14-ից

Կիսվել

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

‘‘Ara ahtoi'kam bimbang,’’ hion Yesus umba iro. ‘‘Porocayarih umba Pohotala, tutang porocayarih umba Ahku ka'a.

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

Ulun ijo norima poretah-poretah-Ku, tutang nguaioh iorih ijo ngasihoh Ahku. Amai-Ku ahkan ngasih ulun ijo ngasihoh Ahku. Ahku ka ahkan ngasihoh ulun orih tutang ngorinahoh arop-Ku ahkaioh.’’

Ahku ahkan nyawot ahkan Amai, tutang Io ahkan nonga ahkan'kam Pondohop bohkon, ijo ahkan mohcon dahang ihkam nyiring turus-jahamoh. Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak. Inon iou ijo ihkam monyawot ngosan arak-Ku ahkan Ahku nguai.’’

‘‘Amat ihkam ngasihoh Ahku, ihkam ahkan molalusoh poretah-poretah-Ku.

Ang lohpou Amai-Ku anai aro unuk mohcon. Ahku tulak nokuh anan ahkan monyodia unuk bagi'kam. Ahku eam ahkan nuhtui kodorih ahkan'kam, jahkaioh orih eam kolourih.

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

Turus Tomas nuhtui umba Yesus, ‘‘Tuhan, ihkai eam ta'an nokuh umoh Tuhan tulak, koloukuwoh ihkai ta'an jalanoh?’’