Աստվածաշնչի հայտնի հատվածներ YOHANES 16-ից

Կիսվել

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

Nyiring ohkot tuh ihkam jaha nyawot ino-inon ngosan arak-Ku. Nyawot iou, mahka ihkam ahkan monorima, tului kojorih'kam jari soporuna.’’

Tahpi Ahku nuhtui ijo morong ahkan'kam: Labih pios bagi ihkam, amat Ahku hihkas; tului amat Ahku eam hihkas, Pondohop orih eam ahkan lombut bagi ihkam. Tahpi amat Ahku hihkas, Ahku nyuhu Io ahkan ihkam. Amat Io lombut, Io ahkan ngorinah ahkan kolunon riman ijo komorongoh tahkan dusa, tahkan inon ijo morong, tutang tahkan torat Pohotala.

Kodorih ka'a umba ihkam: Huntuh ihkam susah ahtoi, tahpi Ahku ahkan hosombang hino umba ihkam, mahka ahtoi'kam ahkan paham kojorihoh; tutang eam ihcobehti ka duon ngomin kojorih rih tahkan ahtoi'kam. Aang ondou orih, ihkam eam ahkan ngisok ino-inon hino umba Ahku. Porocayalah: Inon iou ijo ihko nyawot umba Amai ngosan arak-Ku, orih ahkan tononga Amai ahkan'mu.

Porocayalah, ihkam ahkan nangih tutang nahtum, tahpi kolunon ahkan jorih. Ihkam ahkan susah ahtoi, tahpi kosusahan ahtoi'kam rih ahkan hubah monjadi kojorih.