Աստվածաշնչի հայտնի հատվածներ यूहन्‍ना 14-ից

Կիսվել

अऊँ तुसिओ शान्ती दि चलूरा, अपणी शान्ती तुसिओ दिन्दा हा; जियां संसार दिन्दा, अऊँ तुसिओ ना दिन्दा तून्दा मन परेशान ना भोआ अतै ना ही डरा।”

यीशुऐ बल्लू, “रस्ता अतै सच्चाई अतै जिन्दगी अऊँ ही हा; बिना मेरै कोई पितै बलै ना गिच्ची सकदा।

“तून्दा मन परेशान ना भोआ; प्रमात्मां पुर भरोसा रखा अतै मिन्जो पुर भी विस्वास रखा।

पर साथी मतलब पवित्र आत्मा जैसियो पितै मेरै अधिकारा सितै भैजणा, तैस तुसिओ सब गल्ला सखाणी, अतै जैडा कुछ मैंई तूसु सोगी बल्लू हा, सो सब तुसिओ तैस याद दुआणी हा।

जैड़ा मेरी आज्ञा जो जाणदा हा अतै सो तियां जो मन्दा हा, सो ही मिन्जो सोगी प्‍यार रखदा; अतै जैडा मिन्जो सोगी प्‍यार रखदा, तैस सोगी मेरै पितै प्‍यार रखणा, अतै मुँ तैस सोगी प्‍यार रखणा अतै अपणै आपा जो तैस पुर जाहिर करना।”

मुँ पिता सोगी बिनती करनी हा, अतै तुसिओ अक्क होर साथी दिणा कि सदा सो तूसु सोगी रेय्आ। मतलब सच्चाई री आत्मा, जैसियो संसार ग्रहण ना करी सकदा, क्ओकि संसार ना तैसिओ हेरदा अतै ना तैसिओ जाणदा हा; तुहै तैसिओ जाणदै हिन, क्ओकि सो तूसु सोगी रैहन्दा हा, अतै सो तूसु मन्ज भूणा।”

जैडा कुछ तुहै मेरै नां सितै मंगलै, सो ही मुँ करना कि पुत्रा री वजह थऊँ पिता री महिमा भोआ। अगर तुहै मिन्जो थऊँ मेरै नां सितै कुछ मंगलै, ता मुँ सो करना।”

“अगर तुहै मिन्जो सितै प्‍यार रखदै हिन, ता मेरै हूक्म मनणै हिन।

मेरै पितै रै घरा मन्ज मती भारी रैहणी री जगह हा, अगर ना भूंदी ता अऊँ तूसु सोगी बली दिन्दा क्ओकि अऊँ तूसु तांयें जगह तैयार करना चलूरा हा।

अतै अगर अऊँ गिच्ची करी तूसु तांयें जगह तैयार करदा, ता फिरी ईच्ची करी तुसिओ अपणै बलै लेई गाणा कि जैड़ी अऊँ ररेऊँ तैड़ी तुहै भी रैहन।

थोमा तैस थऊँ पुच्छणा लगु, “हे प्रभु, अहै ना जाणदै कि तू करा चलूरा; ता रस्ता किया पता भोला?”