Աստվածաշնչի հայտնի հատվածներ यूहन्‍ना 21-ից

Կիսվել

खाणै थऊँ बाद यीशुऐ शमौन पतरस सितै बल्लू, “हे शमौन, यूहन्‍ना रै पुत्र, कै तू सच मन्ज ईयां थऊँ बदिकरी मिन्जो सितै प्‍यार रखदा?” तिनी बल्लू, “हाँ, प्रभु; तू ता जाणदा हा कि अऊँ तिजो सोगी प्‍यार रखदा।” ता तिनी बल्लू, “मेरी भैड़ा जो चरा।” तिनी फिरी दूई बरी बल्लू, “हे शमौन, यूहन्‍ना रै पुत्र, कै तू मिन्जो सोगी सच मन्ज प्‍यार रखदा?” तिनी तैस सोगी बल्लू, “हाँ, प्रभु; तू जाणदा हा कि अऊँ तिजो सोगी प्‍यार रखदा।” तिनी तैस सोगी बल्लू, “मेरी भैड़ा री रखबाळी कर।” तिनी त्रीं बरी तैस सोगी बल्लू, “हे शमौन, यूहन्‍ना रै पुत्र, कै तू मिन्जो सोगी प्‍यार रखदा?” पतरस उदास भूच्ची गो कि तिनी त्रीं बरी ऐसा बल्लू हा, “कै तू मिन्जो सोगी प्‍यार रखदा हा?” तिनी बल्लू, “हे प्रभु, तू ता सब कुछ जाणदा हा; तू ऐह जाणदा हा कि अऊँ तिजो सोगी प्‍यार रखदा।” यीशुऐ तैस सोगी बल्लू, “मेरी भैड़ा जो चरा।

अऊँ तिजो सोगी सच बलदा हा, जैहणै तू जवान थू ता अपणी कमरा बनी करी जैड़ी चाहन्दा थू तैड़ी फिरदा थू; पर जैहणै तुद बुढै भूणा ता अपणै हत्थ फैलाणै हिन, अतै दूये तेरी कमरा बनी करी जैड़ी तुद ना चाहणा तैड़ी तैस लेई गाणा।”

तिनी तियां सोगी बल्लू, “किस्ती रै सजै कनारी जाल पा ता मुळणी हिन।” ता तियैं जाल पाऊ, अतै मती मछली री वजह थऊँ जाला जो खिन्जी ना सकै।

शमौन पतरसै तियां सोगी बल्लू, “अऊँ मछली पकडणा चलू हा।” तियैं तैस सोगी बल्लू, “अहै भी तिजो सोगी चलदै।” ता सो सब किस्ती पुर चड़ी गै, पर तैहा राती तियां जो कुछ ना मुळु।