Աստվածաշնչի հայտնի հատվածներ Matye 5-ից

Կիսվել

Mpilë mweekë yivaandi, mooti batatikë mwiindë, yaaku mu kuwubatë kusi cipaanë ko, va mu kuwunanjikë fë yilu cicyetukulu ci mwiindë, bwiinji wuvaanë cyeseesë ke bakë booso bëke mu n'zo. Mati bwaawu bufwenikini cyeseesë ciinu cin'lesikë fë meeso më bakë booso, bwiinji bakë booso bëmonë bisalu biinu i bëdumisi Tatiinu wuke ku mëyilu. »

« Mati beeno cyeseesë ci buloongo, mooti livulë litungulu fë yilu moongo, lyaawu mëswamunu mpa.

Nyeenzi ke banë bëke yi n'timë wulyoomë, cibilë bëm'monë Nzaambi.

Nyeenzi ke bifwa-nzalë i bëke mu mpwilë n'sulumunu, cibilë bën'kukutu.

Miinu, yilukaambë : zolaanu simbeenyi siinu, sambililaanu mu bo bëlukwamisi.

« Nyeenzi ke biyeembi mu ciluunzi, cibilë Lwaangu lu mëyilu lwaawu.

Nyeenzi ke banë bën'tuulë n'sikë, cibilë Nzaambi wubëteelë baanë baandi.

Nyeenzi ke banë bën'lilë, cibilë bëbëboondu.

Nyeenzi ke banë bën'kwamusu mu cibilë ci n'sulumunu, cibilë Lwaangu lu mëyilu lwaawu.

Nyeenzi ke banë bëke yi bwalëkisi, cibilë bën'tambulë bwalëkisi bu Nzaambi.

Nyeenzi ntaangu bëlufingilë, bëlukwamisi, bëlutumbilë simbi simpilë ku mpilë, cibilë lwata maanë mu miinu. Lwe saangilaanu, baanu mu nyeenzi, cibilë n'seendu wunenë wulë mu kuluviingë ku mëyilu. Mati bwaawu, licyelikë, bënyokililë mibici banë bëziingë ntetë yi beeno. »

Nyeenzi ke bibonzulu, cibilë bëm'byaalilë n'toto.

« Mati beeno saalu yi n'toto. Kasi ningë lutwiingu lwavufukë, buni bum'podi kube vutulilë lutwiingu lwaandi? Saalu oyo yisyeeli n'ciinzë ko. Bëyibumë ku ngaandë i baatu bëyilyatilë. »

Lwe baanu lusulëmë, bo buke Tatiinu wuke ku mëyilu wuke wusulëmë. »

Tubaanu tokë “ngete” mooti ngete, “moniko” mooti moniko. Mooti lin'ka litetëmë ofo ke Civadë-mbi lyafuminë. »

« Beeno luyuwu bëtubilë abu : “Lyeesu munë lyeesu, lyeeno munë lyeeno.” Miinu yilukaambë : keelë wulëwutulë fuutë ke wunë wukuvaangë simbi. Ningë wun'viipë wubëkuyukë mbatë fë litoolo li mëbakëlë, m'biici wukuyukë yivaandi fë litoolo li mëcyeetu.

Ningë lyeesu lyaaku li mëbakëlë likukosi mu lisumu, tumunë lyaawu i wulilakë cinaanu yi njeeyi: mëyoolë, kukaambu cinamë cimweekë, yi nyitwaaku yooso kulaku ku buluunji bu mbaasu. Ningë likaandë lyaaku li kooko ku mëbakëlë likuvangisi kubwa mu lisumu, cyelë lyaawu i lilaci cinaanu yi njeeyi: mëyoolë njeeyi kukaambu cinamë cimweekë ci nyitwaaku yi kweendë wun'viipë ku buluunji bu mbaasu. »