Աստվածաշնչի հայտնի հատվածներ Lûke 17-ից

Կիսվել

Pânə̈ Jezü tô rə̂ sə̈ tchë päkëdə̂: «Alafô, kə̈ gû atə̂ndə̂ zə̈; kə̂ za su zə̈ sə̈ mê tchâ mö nə̂.»

Âdə tche âmbo ngbongbo rə tə̂ zə̈ sûsunə̈ mïndûu manə̈ bïchuû lə̂ lo balë, ânyë kə̂ kângbâ yê pu mö sûsunə̈ mïndûu manə̈ bïchuû lakə̂ to rə̂ päkëdə̂: ‹Më gbôtə̂ köbo nə̈ nə̂›, äwäpä mo ko pö lə̂ küma yê.»

Ngânə̈ balë lə̂ gûtə̂ andjê ndə̂ tche wûn rə̂ pä tə̂ anyê dâka nə̂, tche dôtə̂ yê lakə̂ voga Ndjapä lakə̂ ta wârə̂ ngbôô. Tche tê tchâtchâ Jezü, kə̈ chî küma yê tə̂ cho lakə̂ za ayîabâ sə̈ tchë. Köchë lâme wätə̂ akrə gö ndə̂ Samarï.

Äwäpä la nyê gbo-ê! «Âdə ngâ zə̈ âmbo ngbongbo rə tə̂ zə̈, amö nyisə̂ ngbongbo rə ndə̂ yê nə̈ sə̈ tchë lə̂ küwû nə̈. Âdə tche âgbotə̂ bəndɨ kə̂ mbo rə ndə̂ yê nə̈, äwäpä mo ko pö lə̂ küma yê.

Käko Jezü tô rə̂ päkëdə̂: «Âdə̂âbo andjê lə̂ könô gbɛ̂ kä ndə̂ më tchâ andjê? Adɨ̂ nə̈ mïndûu manə̈ vöanə̈ sə̈ bhâ tchêbâ?

Gbölö Gbïɛ̈ nə̈ tô rə̂ ndə̂nə̈ sə̈ andjê päkëdə̂: «Âdə kə̂ za su nyê sə̈ Ndjapä âge batə̂ ndjî mütârede, nyë âto rə̂ sə̈ da yö âtə päkëdə̂: ‹Amö alafô la chëchë zə̈ gbɛ̂, kə̂ e kə̂ chitə̂ zə̈ bhâlə̂ gbölö ngû ngbro›, da yö lâme âdjeadje nyê.»

Akrə ndə̂ tche pû köbo ndə̂kə̂ bata tchîsûwu ndə̂ yê, tchê yuadje köbo nə̈. Praâbalë akrə ndə̂ tche yû köbo tchîsûwu ndə̂ yê, tchê batadje rə̂.

Jezü tô rə̂ sə̈ adjisîpili ndə̂ yê päkëdə̂: «Arə ndə̂ âmbo rə̂ pä azü te lə̂ ngbongbo rə kä tâ logbɛ̂. Praâbalë nyonyo kä tə̂ akrə ndə̂ tche mbô rə̂ pä angâ yê te lə̂ ngbongbo rə. Äfü pä a i ngâ gbölö täme tə̂ gɨ̈ yê, kə̂ yi tchë la rə̂ bhâlə̂ gbölö ngû ngbro, ärö rə̂ ndə̂kə̂ pa tche mbo rə̂ ânyë ngânə̈ balë lə̂ gbâtə̂ abechë âtə te lə̂ ngbongbo rə.

Rə ndə̂ âmbô alême losə̂ Nowë, ârə̂ âmbo ndjë me käko losə̂ kə̂ ka ndə̂ Modô ndə̂ Akrə. Azü zɨ̈ rə alême lakə̂ ndjo rə, aköchë la aɛ̈chë tôtə̂ andjê zoo âwûtu ëtə̂ lo nə̈ ndə̂ Nowë lî lə̂ âreche. Käko gbölö nyïvrö nyî, kə̈ vô katchôgbɛ̂, ânyë kə̈ wôn andjê gbɛ̂.