Աստվածաշնչի հայտնի հատվածներ isizwur 17-ից

Կիսվել

lliġ ilkm abram ṭẓa n‑id‑mraw d‑ṭẓa (99) n‑usggʷas, iban‑as‑d sidi rbbi yini‑as: «nkki giġ rbbi da‑iẓḍarn i‑kulši. mun bdda didi, tgt wad ikmmln

ur‑sul‑ra‑ig ism‑nk abram [tga lmɛna‑ns ‹baba imqqurn›]. walaynni ra‑ig ism‑nk ibrahim [tga lmɛna‑ns ‹babas n‑mddn ggutnin›], ašku ra‑k‑gġ d‑babatsn n‑iqbiln ggutnin.

rad‑zzgaġ lɛhd ġ‑griyi dik ula kullu tasutin n‑tarwa‑nk tigira‑nk. lɛhd idumn a‑rad‑skrġ baš ad‑gġ rbbi‑nk, gġ rbbi n‑wamud‑nk tigira‑nk.

«ġmkad a‑iga lɛhd lli‑rad‑dik‑skrġ. ra‑tgt babas n‑iqbiln ggutnin.

irar‑as‑d rbbi: «uhu, tamġart‑nk sarah a‑rad‑ak‑yaru yan‑warraw, tgt‑as ism isḥaq [tga lmɛna‑ns ‹ar‑iḍṣṣa›]. rad‑zzgaġ lɛhd ġ‑griyi dids ula amud‑ns tigira‑ns. ra‑ig lɛhd idumn.

akal‑ad ġ‑a‑ttlulliyt, rad‑ak‑t‑fkġ kiyi ula amud‑nk tigira‑nk. akal‑ad n‑kanɛan kullut, ra‑t‑ṭṭafn kullu mayd iftan, gġ nkki rbbi‑nsn.»

iknu ibrahim ar akal, imikk ar‑iḍṣṣa yini d‑ih̬f‑ns: «is‑ra‑sul‑yaru yan ikkan miyya n‑usggʷas? is‑ra‑sul‑taru sarah d‑nttat tzri ṭẓa n‑id‑mraw (90) n‑usggʷas?»

yini daġ rbbi i‑ibrahim: «tamġart‑nk saray, ur‑sul‑rad‑as‑ttinit s‑ism saray [tga lmɛna‑ns ‹h̬talli immaġn›]. ra‑ig ism‑ns sarah [tga lmɛna‑ns ‹illis n‑ugllid›].

ra‑tskarm taẓallit n‑ddat i‑kraygatt awtm ġ‑gratun, tbbim ilmš i‑kraygatt azzan ġ‑wis‑tam‑uwssan‑ns.

walaynni lɛhd‑inu ra‑t‑zzgaġ d‑isḥaq lli‑rad‑ak‑taru sarah ġasggʷas‑ad‑d‑yuškan ġ‑uzmz‑ad.»

ra‑tskarm taẓallit n‑ddat i‑kraygatt awtm ġ‑gratun, tbbim ilmš i‑kraygatt azzan ġ‑wis‑tam‑uwssan‑ns. kullu mayd iftan ra‑ttẓallam i‑iwtman kullutn, gn‑iyt ġwilli iluln ġ‑ih̬iyyamn‑nun ula willi‑di‑tsġam zġ‑dar mddn iġribn lli‑ur‑igin zġ‑wamud‑nk. ġmkad a‑ra‑tzzgam lɛhd ġ‑griyi didun, tissanm izd lɛhd idumn a‑iga.