Աստվածաշնչի հայտնի հատվածներ Maatiyoos 5-ից

Կիսվել

Kɛɛ iɗit sinɔ idaawu ɗaawan nɛ turkuuke kebetik, ma riiɓe soodi dɛnɛɛɗɛ pɛɗɛrka nɛɛk, kɛnɔ pɛɗɛɛɗ joopa sigaaga atu godeey takik baŋɛ. Oko sinik in ɗaawu pɛɗɛrka noŋk joope taamɛkɛ, kɛnɔ dɛnɛr joop ijaag noŋk sinɔ mentanŋɔŋk, kɛnɔ eemɛyar Ɓaaɓa noŋk dariyoŋk.

Iinak pɛɗɛrka joopa ɗookoŋk. Katamɛ sinɔ ar kurkum raŋk ki oolɛ a dugiɗiiŋ.

Iinak joop sigɛ mentaana ɓayɛtunɛɛkɛ gɛŋkik, iinak geetitaanak, agut sinɔkoy dɛnɛrɗɔ Waakoyoŋɔŋk.

Iinak joop sigɛ ɗɛyɛr any sinɔ mentan taamɛkɛ Waakoyotoŋk jɛtik, iinak geetitaanak, agut sinɔ ege ɓooɗorɔn any sinɔ yaaŋɔŋk noŋk.

Yakana saak tona kɔnaaŋ, in porɛ gumaakeer goŋk, in ɗanɗamaakɛ joopa sigaaga kɔnu epaayark.

"Iinak joop sigɛ sankaanak wɛɛŋakɛɛk, iinak geetitaanak, agut sinɔ ege burɛ dariyoŋk noŋk.

Iinak joop sigɛ ijaagir taakiyɛk, iinak geetitaanak, agut sinɔ ege Waakoyot Ɓaaɓa noŋk.

Iinak joop sigɛ ɓakɛydiik, iinak geetitaanak, agut sinɔ ege gaananit Waakoyotoŋk noŋk.

Iinak joop sigɛ epapayɛɛk agut any sinɔ mentan taamɛkɛ Waakoyotoŋkuk, iinak geetitaanak, agut sinɔ ege burɛ dariyoŋk noŋk.

Iinak joop sigɛ maariyɗik, iinak geetitaanak, agut sinɔ ege maariyeet Waakoyotoŋk noŋk.

Iinak geetitaanak saa kɔnu sɔɔkɛrɗik joop a saa kɔnu epapayarɗik ɛ saa kɔne tonurɗu any sinɔ ŋɛɛwɛnŋɔŋk a nyɔɔna sigɔ ɓɛɛlɛr kundiyaakɛk baŋɛ agut eetik. In kɔna yaa jɛt agut sinɔ obi gati sinɛkoy laŋiir darikiŋ. Epapayɛɛɓa joop pɛrkaakoŋk sigɛɓa ɓɛɛlɛr iinakɛ ɔɗɔɔkɛk oko sinik.

Iinak joop sigɛ rikiter ɛɛk nɛŋkik, iinak geetitaanak, agut sinɔ ege ɗook baŋɛ noŋk.

"Iinak mooyi ɗookoŋk. Mayakana ɔkɔn ki mooyi luuluwukaaŋ, nɛkɔɔ oolɛ a luuluwe kɛkar ɛk? Kɛɛ any sinɔ kɔnykuk, ɔkɔn mokokɔɔ oriirɛ walasa nɔ torookar joop.

In iinak joop sigɔ ijaagiir any sinɔ likik oko sinɛ ijaagiiɗ Ɓaaɓa noŋk dariyoŋk any sinɔ likik.

Nɛ waasiyɛ goŋk ɔkɔn kɛ 'Ii' nɛ in 'Ii', ma ɔkɔn kɛ 'Moko' nɛ in 'Moko', ma pɛɛni sinɔ ŋayɗiiki sineenek setanik.

"Tiyɛɛrɓa sinɛɓa tonɛɛ kɛ 'Iɗit sinɔ kataki taama etoŋkuk nɛ katakɛ taama nɛɛk. Iɗit sinɔ orku ŋedan etoŋkuk nɛ orkɛ ŋedan nɛɛk.' Yakana saak tona kɔnaaŋ, kat jumurɛ eta sinɔɔna ijaag any sinɔ ŋɛɛwɛnŋɔŋkuk. Iɗit sinɔ paaŋi pariiwan nookuk gɔɔ sinɛ ɗiɗikik weergeeɗ gɔɔ om.

Ɔkɔnnu ooɗɛ taama nookɛ gɔɔ sinɛ ɗiɗikkiŋ ɔɔtɛ tikiyɛɛkoŋkuŋ, kɔɔkɔyak nɔ orun. Ɔɔtɛ sinɔɔnɛ gun oriiɗɛ ɛɛk nook baŋɛ siioolak nɛna dɔɔs a sanin ɛɛk nook nyon om. Ɔkɔnnu ooɗɛ ari nookɛ gɔɔ sinɛ ɗiɗikkiŋ ɔɔtɛ tikiyɛɛkoŋkuŋ, yawak nɔ orun. Ɔɔtɛ sinɔɔnɛ gun oriiɗɛ ɛɛk nook baŋɛ siioolak nɛna dɔɔs a sanin ɛɛk nook nyon om.