Աստվածաշնչի հայտնի հատվածներ Zaa 3-ից

Կիսվել

‑Maa sɛɛ 'bhlɩbhëa 'wuë ‑glɛɛ Lagɔ dlɩ 'wʋ tenyii a za, nza ɔ 'wlʋä 'ɔ yuu ‑bhʋlʋ ‑kpɔ 'mö, nzɩɩ nɩkpɛ a ‑mɔɔ ‑kɔɔ dlɩ 'tɛɛnɩɩ, ɔ tɩa 'yli bhɩɛ, ‑maa 'pɩwʋ mää 'naa 'kää 'ylɩ bhɩɛɛ, ɔ 'kä ‑mä ghlɩ.

Lagɔ tiee ɔ yowli mä'ä dʋdʋ 'wʋʋ, ɔ 'kä 'bhlɩbhëa 'wa 'nyinylolii a 'pɛna 'nyɛ a za, nza ɔ 'nɔɔ tie, ‑maa ɔ yowli 'kʋä puë a za, nza ɔ tioo.

Ɔ gbää sa'aa, Zezwii lɛ naa: «‑Tiamö n nyɩamöä dɛ'ɛ 'dɩ nɩɩ, nɩkpɛ 'nɩ 'wʋ 'sɔ gwëlionɩɩ, 'pɩwʋ mää Lagɔ 'kämanɩɛ, ɔ 'naa 'kä ‑mä 'bhle ghlɩ.»

Lagɔ 'a yuu, nɩkpɛ a ‑mɔɔ ‑kɔɔ dlɩ 'tɛɛnɩ, Lagɔ 'naa 'kɔ 'ɔ 'nyinylolii a 'pɛna 'nyɛ. ‑Maa ‑ɔ 'nɔ dlɩ 'tɛɛnɩ, 'ɔ sɛ ɔ 'nɔɔ da'a dlɩ 'tɛɛnɩ a za, ɔ yɛ ɔnyɩ gbʋ köbha 'wë, 'ɔ ‑zijlea ‑tu ɔbhlɩ 'kɩ.

‑Zijle 'la ma‑a nɩɩ, ‑ɔ ngla nɩkpa 'wʋ, mɔɔ yiɛ mä'ä dʋdʋ 'wʋ. ‑Maa mä'ä dʋdʋ 'wʋ a nɩkpaa, sɛɛ 'wa nʋnʋlii glɩnɩɛ 'zoku a 'yize a za, wa yɩbhä guylukwëa ma‑a nɩ 'kämanuë ‑gömö zaa, wa'aa 'yɩbhä ɔ 'kʋä 'wʋ ngäla.

Sɛ'ɛ n gbää nɩɩ, Zezwii 'a nglɩɩ, mɩɩ nɩ mö, na ‑nɩɩ 'kä dʋdʋ 'wʋ yi.

Ɛ'ɛ ‑bhö nyɩasɛ, ‑maa nɩkpɛ a ‑mɔɔ nʋä ‑lizokuu, ɔ'ɔɔ 'yɩbhä 'ɔ ‑lizokuu nɩ bhli zɩkpa, ‑sɩbhä a za, ɔ'ɔɔ ‑ɔ ngla nɩkpa 'wʋ ‑wa.

'Ɔ yu 'la, nɩkpɛ a ‑mɔɔ 'tɛɛnɔɔ dlɩɩ, 'pɩwʋ mää 'naa 'kää 'yli bhɩɛɛ, ‑mä Lagɔ yɔwʋ, ɔ yɛ ‑mä ghlɩ 'wë. ‑Maa ‑ɔɔɔ 'yɩbhä ɔ 'kɔ dlɩ 'tɛɛnɩɩ, ɔ 'naa 'kä ‑mä ghlɩ. Lagɔ a 'yila 'klʋ a dɔ'wʋ, gbʋʋ ‑wʋ ‑wɔɔɔ ‑gömöö, wʋ 'naa 'kä bhɩɛ.»

Sɛɛ Moyizɩ bizaa a‑a leyitɩmɛ ‑lɛ ‑peyi 'yli ‑mä 'muse 'klʋʋ, sɛ ‑bhlʋ ‑kpɔ 'la, Nɩkpɛ a 'Yu, ‑sɩbhä wa kää wa 'kɔ biza.

Lagɔ, sɛɛ 'ɔ yuu ‑glɛɛ 'ɔ dlɩ 'wʋ a za, nza ɔ 'zooo ‑lii 'wuë a ‑gömökämanɩnyɔ 'wʋ.