Աստվածաշնչի հայտնի հատվածներ Matiye 6-ից

Կիսվել

Í tí ɛ́ ŋgboro káwa Mbây a Pû a Gáŋvbôn rá̧ káwa a ndáráké a mɛ̌, dalé hɛ̧ nɔ́rí̧ too, ké e hí̧ wǎyri kɔ̧ tûlké.

Nǎŋnɔ́, i ɛ́ law a wǎyri ɓay a sêe pélé yá, ɓayhí̧lé nâm a pélé e kɛrɛ mûn nɛ́ ka mûn nɛ́. Nâm a sí̧ lé too, ma tɔ́ʼɔsêe a mɛ̌.»

Ɓaykénɔ́, pé mi sa hí̧ wǎyri ɓá: Law a wǎyri, ké tí ná ɛ́ ɓay sé tûl káwa a wǎyri ɓá, a̧hí̧, i e lâʼaké, malé sé tûl mûn a wǎyri, ɓá gári hí̧, i e rínaké lé? Dáy ndísɛ̌ʼɛ a wǎyri, zi ndé lâʼa yá malé mûn a wǎyri zi ndé gári yá lé?

Dáy a mɔ̌, gelka mɔ̌, mí kaw gɔ́ŋ Gáŋvbôn lé, mɔ́ ri ɓil vûn nâm a mɔ̌, a tu nzáʼaŋgboro ka̧n tûló, a gɔ́ŋ Gáŋvbôn, Bâa a mɔ̌ ka e a gel a múnáké. Rá̧ Gáŋvbôn, Bâa a mɔ̌, mɛ̌ ka kó hɛ̧ a múnáké, ké e hí̧ mɔ́ kpáʼandɔ̂ʼɔ pénáké.

Dáy, i kó báŋké, ka i e gɔ́ŋ Gáŋvbôn: «Bâa a ɓurú ka e a nûnalê, njuku too, kú tu ɓá mɔ́ kaw ɓá táŋáké, a káwa Mbây a mɔ̌ ké gí, a njuku too ka tísiri, kú niŋ hɛ̧ ka mɔ ziy, ɓá báŋké ka niŋ a nûnalê

Mɔ́ hí̧ rú a sénɛ́, lâʼa ka ma sɔ̧́na ɓurú

Mɔ́ vbá̧buma ɓékéhɛ̧ a ɓurú, ɓá báŋké ka ɓurú kɔ́, rú e vbá̧buma a ɓékéhɛ̧ a njukuri ka niŋ ɓéké ziŋ rú.

Mɔ́ zi ná pɔŋ rú lé ɓil ɓékéhɛ̧, dáy mɔ́ ten rú a ɓil ndɔ̂ʼɔ a Sata̧n. [Ɓayhí̧lé, káwa Mbây, kpɔ́ŋa, rá̧ hɔ̧́na too, ɓá a mɔ̌, mbii ka mbii. Amɛn!]»

«Katína, wǎyri mí vbá̧buma ɓékéhɛ̧ ka njukuri niŋ ziŋ wǎyri, Gáŋvbôn, Bâa a wǎyri ka e a nûnalê, e vbá̧buma hí̧ wǎyri kɔ́.

Í kó, ndoyri ka zɔ a nûnalêy: Kú zi rú hɛ̧ malé kú lú hɛ̧pay yá, kú zi mára̧ hɛ̧pay kɔ̧ pûl yá, dáy Gáŋvbôn, Bâa a wǎyri ka e a nûnalê, kaw hí̧ kuriri lâʼa dát. Í zi ndé kuriri ka nɛ́rɛ̧ nyá lé?

«Í zi ná mára̧ hɛ̧zíŋa a wǎyri kɔ̧ tísiri nɛ́ ka ndére e ndé rúy, goy e kurúy, ka ríwari e ɗú nzáʼaŋgboro ɓay a ríwáké. Nǎŋnɔ́, belɓá, í mára̧ hɛ̧zíŋa a wǎyri kɔ̧ nûnalê, gelka ndére tí ndé rú yá, goy tí kurú yá, ríwari tí ɗú nzáʼaŋgboro ɓay a ríwáké nyáy. Ɓayhí̧lé, gel ka hɛ̧zíŋa a mɔ̌ erúy, a goló nɔ́, pé lawɔ́ erú kɔ́y.»

«Njuku hɛʼɛ, ma niŋ péna hí̧ bákáwari sére yá. Ɓayhí̧lé, ké e fɔny njuku mbêw, a zi njuku mbêw. Ké e mbáŋ njuku mbêw, a yáw njuku mbêw. Í zi ma tɔ́ŋ Gáŋvbôn rá̧ lari kɔ́ yá.»

Gáŋvbôn, mí ɓá gári ri hoyri ka lɔŋ kɔ̧ ɓil kpâa a sénɛ́, típélé lé, kú e fa̧ kuriri kɔ̧ hɔrɛy, pé ma a wǎyri, pé Gáŋvbôn tí ɓá gári ri wǎyri yáy lé! Ɓayhí̧rá̧, mbílaw a wǎyri zi kpú yáy lé!

Dáy, mɔ̌, mí kaw hí̧ hɛ̧hí̧na hí̧ njuku fóyári lé, ndɔ̂ʼɔ a kpóro, ké zi ná tu hɛ̧ ka ndɔ̂ʼɔ a lâʼa kaw hí̧naké. Rá̧lǒo hɛ̧hí̧na a mɔ̌, ké ná ɓá múnáké rá̧ Gáŋvbôn Bâa a mɔ̌, mɛ̌, ka kó hɛ̧ a múnákéy, ké hí̧ mɔ́ kpáʼandɔ̂ʼɔ pénáké.»

«Í ŋgbá tûl a wǎyri ɓá béláké, a í zi ná niŋ péna a Gáŋvbôn, ɓay a njukuri kú kó wǎyri. Tí yá lé, í tí ziŋ kpáʼandɔ̂ʼɔ péna a gel a Bâa wǎyri ka e a nûnalê yá.

«Wǎyri, mí kaw sáŋhɛ̧ lé, í zi ná ɓá mûn a wǎyri tɔ́ʼɔsêe, ɓá báŋa njuku foori. Kú fere nûn a kuriri, ɓay tɔ́ʼɔ hí̧ njukuri ɓá kú kaw sáŋhɛ̧. Katína, mi sa hí̧ wǎyri gbátɓay, kú ziŋ kpáʼandɔ̂ʼɔ péna a kuriri dá. Dáy mɔ̌, gelka mɔ kaw sáŋhɛ̧ lé, mɔ́ turu nûn nɔ́ ɓá béláké a fere yámbó nɔ́ tûló, rá̧ njukuri kú zi ná tu ɓá, mɔ́ kaw sáŋhɛ̧. Ɓá Gáŋvbôn, Bâa a mɔ̌ ka e a gel a múnáké mbêw yáŋ, pé e túnáké, nǎŋnɔ́, Bâa a mɔ̌ ka kó hɛ̧ a múnáké ka mɔ́ niŋ, e hí̧ mɔ́, kpáʼandɔ̂ʼɔ pénáké.»