Աստվածաշնչի հայտնի հատվածներ Hoani 1-ից

Կիսվել

Tēnā ko te hunga i manako ki a ia i tukua e ia ki a rātou ngā tikanga e meinga ai rātou hei tamariki mā te Atua, arā ki te hunga e whakapono ana ki tōna ingoa.

I te tīmatanga te Kupu, i te Atua te Kupu, ko te Atua anō te Kupu.

I roto i te pōuri te mārama e whiti ana; heoi, kīhai i mau i te pōuri.

I whakakikokikotia te Kupu, ā, noho ana i a mātou, i kite anō mātou i tōna korōria he korōria e rite ana ki tō te Tama kotahi a te Matua, kī tonu i te aroha noa, i te pono.

Nāna ngā mea katoa i hanga; kāhore hoki tētahi mea i kore te hanga e ia o ngā mea i hangā. I a ia te ora; ko te ora te mārama mō ngā tāngata.

I te aonga ake, ka kite ia i a Īhu e haere ana mai ki a ia, ka mea, “Nā te Reme a te Atua, hei waha atu i te hara o te ao!

I te ao ia, i hangā anō e ia te ao, ā, kīhai te ao i mōhio ki a ia. I haere mai ia ki ōna, ā, kīhai ōna i manako ki a ia.

Ko te mārama pono tērā, arā, ko te mārama e mārama ai ngā tāngata katoa e haere mai ana ki te ao.

Nā Mohi hoki i hōmai te ture; ko te aroha noa me te pono i ahu mai i a Īhu Karaiti.