Աստվածաշնչի հայտնի հատվածներ Yohani 14-ից

Կիսվել

<<O sakarihaday namo Kako. Saka, parihadayen Ako kamo. Caay ka lcad ato no hkalan ko piparihaday Ako. Aka ka rawraw ko faloco' namo. Aka ka talaw kamo.

Pasowal sa ci Yis i cingraan, <<O lalan Kako, o so'lin Kako, o 'orip Kako. Ano caay pakayni i Takowanan ko cimacima i, awaay ko tatahira i ci Wamaan.

Sowal sa ci Yis i cangraan, <<Aka ka rawraw ko faloco' namo. Ti'eren ko Kawas, ti'eren Kako.

Nikawrira, o papakafana' i tamowanan to polong no dmak koya a ocoren no Wama pakayni i ngangan Ako a Padamaay hananay a Fangcalay 'Adingo. Papiharatengen Ningra kamo to nano sowal Ako i tamowanan a ma^min.

<<O mica'dongay to limo'ot Ako ato mido^doay to limo'ot Ako a tamdaw i, o maolahay i Takowanan. O maolahay i Takowanan i, o kakaolahen no Wama Ako, o kakaolahen Ako koya tamdaw. O papahapinangen Ako Cingra to tireng Ako,>> han Ningra.

Ngitangiten Ako ko Wama, ta paflien Ningra kamo to ccay a roma a Padamaay a papida'oc a mikapot i tamowanan. Onini a so'linay a 'Adingo Cingra. Caay pilayap ko tamdamdaw i Cingraan, caay paka'araw cangra, caay ka fana' ko tamdamdaw i Cingraan. Nikawrira, mararid a ira i 'orip namo Cingra.

O ningitangitan namo pakayni i ngangan Ako i, o lalahcien Ako a ma^min. Ta malatadamaanay ko Wama pakayni i Takowanan o Wawa. Orasaka, ano pakaynien namo i ngangan Ako ko pingitangit to maan i, o lalahcien Ako.

<<Ano o maolahay kamo i Takowanan i, o mamido^do kamo to limo'ot Ako.

Adihay ko rawang i loma' no Wama Ako. O tatayra Kako a mipatala to malokamaro'an namo. Ano caay ka hatini i, kona caay pasowal Kako i tamowanan tonini.

Ano mahrek Kako a mipatala to malokamaro'an namo i, o mamiliyaw Kako a tayni a miala i tamowanan a panokay i Takowanan. Ta malaccay ko aro' ita itira.

Pasowal sa ci Tomas ci Yisan, <<Tapangaw, caay ka fana' kami to katayraan Iso. Saka, samaanen niyam ko nika fana' toya lalan saw?>> han ningra.