Աստվածաշնչի հայտնի հատվածներ यूहन्ना 14-ից

Կիսվել

इंज आपेके शांती जेबा मेना। खुद गा शांती इंज आपेके जिऊवा मेना। जैसा दुनिया जिऊवा होय, डेनोगो इंज आपेके बान जिऊ। आपेगा मन परेशानु बाकी एठा हिगरा बाकी।

यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु।

“आपे परेशानु बाकी, आपे परमेश्वर लिंजेन विश्वास डोएबा होय, इंजा लिंजेन भी विश्वास डोए।

पेनो मदत मिठाच मतलब पवित्र आत्मा डीचके बाटे नी इंजा हाक गा सेंग्गोन कुलेच्बा, पवित्र आत्मा आपेके सेबाई बातो इथूकोम्बा एठा जो चोचकाभी इंज्नी आपेटे मंडीके होय, पवित्र आत्मा सेबाईका आपेके यादो जेबा।”

जो इंजा हुकूम हाडाई होय एठा डेगा पालन दडावा होय, डीचका इंजाटे प्यार दोडोवा होय एठा जो इंजा प्यार दोडोवा होय, दियाटे इंजा बाटे प्यार डोएबा, एठा इंज दियाटे प्यार डोएबा एठा इंज खुदके दिया लिंजेन ओडेवा।”

बाटे टे बिनती डाएवा, एठा देटेन आपेके म्या एठा मदत मिठाच जेच्बा, कि देटेन हमेशा आपेगा सेंग्गोन थंदळकु। मतलब देटेन डी पवित्र आत्मा होय, जो परमेश्वर गा बारेन सत्य के ओडेवा होय, डीचके दुनिया गा कुरकू मनेन नेज बाने, चोयाकी देटेन न डीचके दोडोवा होय एठा न डीचके हाडाई होय: आपे डीचके हाडाई होय चोयाकी देटेन आपेगा सेंग्गोन थंदळवा होय एठा देटेन आपे तलान थंदळवा होय।”

जो चोचकाभी आपे इंजा जीमू टे आसेवा, डीका इंज डाएवा, ताकी कोण गा द्वारा बाटे गा महिमा डायु। अगर आपे इंजा जीमू टे चोचकाभी आसेवा, मेटे इंज डीके डाएवा।

“अगर आपे इंजाटे प्यार डोएबा होय, मेटे इंजा हुकूम गा पालन डाएवा।

इंजा बाटे गा उरान घोनेचका थंदळ जगा होय, अगर बान धारे मेटे इंज आपेटे मंडे डा। इंज आपे घल्जी जगा तैयारी दडा चेल्के मेना।

इंजा सेने एठा आपे घल्जी जगा तैयारी दडा गा बादोन, इंज हेजेवा आपेके इंजा सेंग्गोन थंदळ साकोम्बा ताकी तोटेन इंज थंदळवा देटेन भी आपे थंदळे।

थोमा दियाटे मंडीके, “हे प्रभु, आले बान हाडाई कि आम तुंगान सेनेवा होय, मेटे कोरा चोफर टे चिनाए?”