Աստվածաշնչի հայտնի հատվածներ APAN AQAO: 22-ից

Կիսվել

Amung: Abraham wa ai: jo, qo re ASANG bao" thaug' byid' ra"- ga: mhang" ra". Byu jham wa ana" ba joe" sho' lhao" re:- ASANG: bam dao mae yao: byid' ra" ga: ta" ako".

Ailao" Mao"So wa nao gyai jhid'de; ra" ni" zote: zo: Isag re jhui: yang: Moria mug: khyo ye" lo" wa, ngo nao re qhu" byid: nae" ra" bam dao mae yao: re ngaui" xeim: khyo" ngore ngaui" byid: la,- ga: ta" ra".

Ailao" mug: lagyo: wa ai: yauggai nau" re dae date' wa,-yao: re pe" re: dakad' wa,- ga: ta" ra". Nao wa Mao"So re nga: yhe' byid: yaug we' Mao"So: dao: re phug' cao" yaug ngad: rure ana" ngo ba va". Pe"mung:ga"re ni" zote: zo: re ngore qhaug' byid: nae" rure nao mabyag: to: ngad: ra"- ga: ta" ra".

Abraham wa Mao"So yao: yao: nyhang" byid' li" naeva" ga: phaug' tau" ra". Amung: yao: shid' pha: wa daga" za: su" ye" lo" ako".

Ngo wa nao re mug:gaung mae" kyi jham nho" mangad: lao" panglai: qid yae mae" ma coe nho" myo: sho' myid:zo: qe ngo byid: nae" ein: dao:so: to" ra". Ni" nho: myid:zo: qe wa yao: bam: gyevo jham re aung: pye' li" genae". Nga" amyin" dao: re nao phug' cao" ruyang ngo wa ni" myid:zo: qere shaman" byid: va" ru we' dakhyo:- yao: bam re shaman" byid: nae" qhid' mae" byumyu" alhab' ngore mho' li" genae"- ga: ta" ra".

Dayo, kyo thao re Mao"So wa Abraham re jham" qu" mung:- yao: wa Abraham we"- ga: khai: ra". Abraham wa ngad va" ngo cemae na: ga: phaug' tau" ra".

Ngadqere: ASANG: mug: lagyo: dayaug wa mug:gaung mae" yao: re Abraham- Abraham- ga: khai: ke' ra". Abraham wa ngad va"- ngo cemae na: ga: tau" ke' ra".

ASANG: mug: lagyo: wa mug:gaung mae" Abraham re shid' lhang ein: lhang dam: khai mung:- Ngo wa nao re myo: sho' shaman" byid: nae" ein: rure ngo wa ngo yao" mang mae lao: yang: jham tang: dao:so: to" ra" ga: ASANG ta" ra". Pe"mung:ga"re nao wa ce:khyo re kad' mung: ni" zote: zo: re ngore qhaug' byid: nae" rure nao matang" to: ngad: ra".

Mao"So: yang ta" shid' to" ra" jo, qo khyo yao: shid' pha: joe" ye: gelao"- Abraham wa phan dalam: re kad' mung: ai: dao mae thao: re nyhang" to" ra". Yao: wa yao" yauggai zo: re taui" jab yang: phan dao mae" thao bam dao mae yao: re kai" ke' ra".