Աստվածաշնչի հայտնի հատվածներ GÉNESIS 8-ից

Կիսվել

Chaitaca Mandaj Diosca, juyailla ashnajujpimi chasquirca. Chaimandami, Mandaj Diosca, cashnata yarirca: “Cai pachataca, runapaj jahuaca cutinga na llaquichishachu. Runaca, chairalla viñaimandapachami, na alitalla ruranata shungupi yarishpa causan. Causaita tucui charijcunatapash, cutinga na chashna llaquichishpa tucuchishachu. Cai pacha tiyashcacamanga, tarpuipash, cozechaipash, chiripash, rupaipash, rupai quillacunapash, tamia quillacunapash, punllapash, tutapash na tucuringachu” yajurcami.

Chai jipami Noeca, Mandaj Diosman shuj altarta rurashpa, mapa illaj animalcunamandapash, mapa illaj alasyu animalcunamandapash shujta agllashpa, Diosman cushpa tucuillata rupachijurca.

Taita Diosca, Noé runatapash, huambuna jatun huasipi tiyaj tucui animalcunatapash llaquishpami, Taita Diosca, cai pachaman huairata cachamurca. Chai huairahuanmi yacucunaca, asha asha chaquishpa catirca.

Chai palomaca ña chishajpimi, shuj olivo fangata shimipi apashpa, Noé runapajman tigrarca. Chaita ricushpami Noé runaca, cai pachamanda yacucunaca ña chaquishca cajta ali yacharca.