Աստվածաշնչի հայտնի հատվածներ ᤗᤢᤁᤠ 7-ից

Կիսվել

ᤁᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤋᤠᤱᤒᤠᤸᤗᤧ ᤕᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤛᤢ᤹ ᤁᤧᤗ᤹ᤒᤠ ᤀᤥᤛᤣ᤺ᤴᤀᤠᤎᤠᤰᤗᤥ॥ ᤂᤧᤴ ᤆᤢ᤺ᤳᤇᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤁᤧᤄᤥᤒᤠᤸᤗᤧ ᤛᤢ᤺ᤸᤗᤡᤰᤗᤰ ᤗᤢᤱᤔᤠ᤹ ᤋᤢᤰᤋᤢᤛᤡ᤹ ᤑᤠ᤹ᤀᤠᤱ ᤔᤧᤳᤏᤧ᤹ᤖᤥ॥” ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤗᤠᤕᤥᤗᤠᤶ ᤗᤧᤵᤔᤡ ᤁᤧᤄᤥᤛᤢᤀᤠᤱ ᤁᤧᤘᤠ᤹ᤖᤥ॥”

ᤁᤖ ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤏᤛᤠ᤺ᤴᤏᤡᤸᤗᤧ ᤋᤠᤱᤃᤧᤛᤧ᤺ᤵᤋᤧᤀᤠᤱ ᤁᤧᤘᤠ᤹ᤖᤥ॥ ᤛᤏᤠᤖᤢᤱᤏᤢ ᤐᤣᤃᤧ᤹ᤀᤥ॥”

ᤕᤧᤛᤢᤖᤧ ᤁᤢᤀᤣᤃᤠᤱ ᤗᤧᤵᤔᤠᤱ ᤋᤩᤧᤀᤠᤱ ᤜᤠᤒᤧᤖ ᤕᤧᤛᤢᤖᤧ ᤁᤢᤗᤠᤱᤅᤥ ᤁᤢᤔᤡᤰᤘᤠ᤺ᤸᤗᤧ ᤘᤠᤖᤰᤂᤢᤖᤥ॥ ᤜᤧᤰᤁᤩᤠᤱ ᤁᤢᤎᤧᤃᤣ᤺ᤰᤀᤡ᤺ᤸᤗᤧ ᤋᤢᤃᤢᤀᤠᤱ ᤜᤣᤛᤢᤖ ᤁᤢᤗᤠᤱᤅᤡᤴ ᤆᤢᤵ ᤔᤧᤳᤋᤢᤀᤠᤱ ᤂᤧᤴ ᤑᤢᤱᤏᤠᤶᤔᤡᤴ ᤜᤢ᤺ᤳᤋᤢᤖᤥ॥

ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤂᤧᤏᤧ᤹ᤀᤥ ᤋᤠᤔᤠ ᤔᤧᤗᤠ᤹ᤀᤠᤴᤗᤥ॥ ᤂᤧᤏᤧ᤹ ᤐᤠᤴ ᤛᤢᤳᤗᤠᤎᤡᤰᤗᤰ ᤁᤧᤒᤠ᤺ᤳᤋᤢᤛᤠᤱ ᤀᤠᤕᤥ᤺ᤰᤐᤧᤴ ᤘᤣ᤺ᤳᤗᤥ॥ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤀᤠᤱ ᤀᤠᤎᤢᤱᤎᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤘᤠ᤹ᤒᤠ ᤔᤏᤠᤀᤠᤖᤥ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤕᤢᤰᤁᤥ ᤌᤰᤛᤢᤒᤠᤜᤠ᤹ ᤔᤧᤘᤠ᤹ᤖᤥ॥ ᤀᤡᤱᤃᤠ᤹ ᤌᤰᤛᤢᤒᤠᤎᤡᤰᤁᤡᤴ ‘ᤐᤣᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤐᤣᤰ. ᤜᤧᤰᤁᤩᤠᤱ ᤘᤣ᤹ ᤌᤰᤛᤢᤒᤠᤴ ‘ᤑᤧᤖᤧ᤹’ ᤔᤧᤳᤋᤢᤱᤅᤡᤸᤗᤧ ᤑᤧᤴ॥ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤕᤥ᤺ᤰᤐᤧᤴ ‘ᤁᤴ ᤆᤥᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤆᤥᤃᤢ᤹ᤖᤥ॥” ᤕᤧᤛᤢᤖᤧ ᤁᤴ ᤂᤧᤵᤛᤢᤀᤠᤱ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤔᤕᤧᤀᤠᤱ ᤂᤡᤖᤡ ᤜᤡᤛᤡᤱᤅᤠᤱ ᤂᤢᤏᤧ᤹ ᤁᤧᤍᤡᤶᤒᤠᤜᤠ᤹ ᤔᤧᤳᤋᤢᤛᤡ. “ᤀᤰᤋᤱᤒᤠ ᤕᤶᤒᤠ ᤏᤛᤠᤴ ᤁᤧᤃᤵᤐᤠ ᤔᤏᤠ᤺ᤱᤃ ᤀᤡᤛᤪᤠᤀᤡᤗᤀᤥᤀᤠᤱ ᤀᤡᤱᤃᤠ᤹ ᤔᤧᤱᤄᤥᤀᤣ ᤘᤠ᤹ᤀᤠᤖᤥ᥄

ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤕᤧᤶᤔᤥ ᤕᤧᤛᤢᤖᤧ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤏᤢ ᤑᤧᤴᤛᤠᤶᤔᤡᤸᤗᤧ ᤋᤖᤢᤛᤡᤒᤠᤜᤠ᤹ ᤏᤢᤛᤢᤛᤡ ᤜᤧᤰᤁᤩᤠᤱ ᤕᤖᤡᤰ ᤔᤡᤰᤑ᤺ᤶᤒᤠᤜᤠ᤹ᤀᤠᤱ ᤂᤠᤏᤡᤔᤠ ᤁᤧᤛᤢᤰᤐᤠ ᤆᤥᤃᤢᤛᤡᤖᤥ॥ ᤜᤧᤰᤁᤩᤠᤱ ᤕᤧᤛᤢᤖᤧ ᤕᤢᤜᤢᤴᤏᤠᤗᤠᤶ ᤁᤧᤍᤠᤒᤠᤜᤠ᤹ ᤔᤧᤳᤋᤢᤛᤡ. “ᤐᤣᤛᤧᤳᤇᤧ᤹ᤀᤠᤱ ᤁᤴ ᤁᤧᤏᤡᤛᤧᤳᤇᤢ. ᤁᤧᤄᤧᤵᤛᤧᤳᤇᤢᤒᤠ ᤐᤠ᤺ᤴᤏᤡᤴ ᤕᤢᤜᤢᤴᤏᤠᤴ ᤔᤧᤳᤋᤧᤇᤧ᤹—ᤀᤰᤂᤣᤗ᤹ᤖᤡᤰ ᤔᤡᤰᤑ᤺ᤶᤒᤠᤜᤠ᤹ᤖᤧ ᤏᤡᤔᤠ ᤔᤧᤛᤢᤰᤋᤢ᤹. ᤜᤧᤰᤁᤩᤠᤱ ᤗᤠᤱᤛᤰᤐᤠᤜᤠ᤹ ᤗᤠᤱᤔᤧᤄᤣᤰ. ᤗᤥᤃᤣ᤹ᤖᤧ ᤋᤖᤢᤛᤡᤒᤠᤜᤠ᤹ ᤔᤧᤘᤣ᤺ᤳ. ᤜᤧᤰᤁᤩᤠᤱ ᤏᤠᤎᤧᤰᤁᤪᤧᤱᤜᤠ᤹ᤖᤧ ᤔᤧᤄᤧᤵᤛᤢ. ᤁᤧᤛᤡᤒᤠᤜᤠ᤹ ᤕᤠᤶᤔᤥ ᤔᤧᤜᤡᤱ. ᤜᤧᤰᤁᤩᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤛᤢᤏᤠᤀᤡᤱᤅᤡᤴ ᤔᤧᤄᤧᤵᤛᤢ᤹ᤖᤥ॥