Աստվածաշնչի հայտնի հատվածներ Mǒhtûlû̌hǎhtûsa 8-ից

Կիսվել

Cǒmara tûjûpwa̤ nṳbǎ ta̤lṳhtò̌ ata̤nṳmû̌nṳshu akhǔhtǒo dě mo̤sû̌mo̤sò̌ mè̤mè̤̌ nû̌ûsò̌phlǒ, dě a bè̌lò̤ asò̌phlǒ dě a hî̌, “Htû̌nǒkò mî̌ he sî̌ya ta kòyòhǎkhû̌phû̌ toǒ gènè̤ ta̤phû̌mò̤shî̌hto toǒ dě aphijaû̌khape bǎbǎ, asî ta̤sǔ akhû̌akhî, he ǐshope hǎkhû̌ tò̤ hǒ. Pwǐ he ma̤hto khònò̤htǒo, htû̌nǒkò mî̌ he ma̤sima̤hǎmǎpe ta̤bǒlò̤ lǒ̤꤮ bò htě ata̤htûpwa̤ ǒ htǒotoǒ tò̤ hǒ. Hǎkhû̌htǒo dè ǒsadape hî̌mî̌, ta̤ǐsho akhîakha ta ta̤kǎwǒpo̤wǒ akhîakha, gagûjû ta gagû, gagûkha ta gawo̤kha, lṳmṳkhǐ ta lṳmṳsha ǒhè sayè̤ tû̌pě nî̌꤮.”

Htodě Nǒa tèhtò̌ ta̤lṳhtò̌wa̤ ta lo̤htě a glè sabahtò̌ Cǒmara tûjûpwa̤ aya ta̤wa̤, htodě aphî̌ ta̤phû̌ta̤li̤ ta htû̌tî̤pî̤ htě amṳ̂plî toǒ, dě a bè̌htò̌ nû̌û ta̤lṳhtò̌wa̤khû̌ dě a shû̌gè lṳhtò̌ǐ nû̌ûta Cǒmara.

Pwǎ̤tadě, Nǒa ta bò꤮ ta̤phû̌ta̤li̤ htě a ǒkû̌bò ta a sǒkhlidû̌kûnu toǒ, a plò̤ bǎbǎ, a bî̌ bǎbǎ, Cǒmaradû̌ shope̤nǎkènǒ asî tò̤. Dě a plûsǎhè gili̤ hǎkhû̌, dě shi sǔyû̌lò̤te̤ to̤.

Bǎ lṳmṳlòte̤ akhanu, htû̌li̤cò̌nu tabǎ pè̌geǐ Oliverlǎ sǐso tabǎ dě a wi̤gesǒ Nǒa ǒ. Dě Nǒa sî̌ya ta shisǔlò̤to̤ hǎkhû̌ hǒ.