Աստվածաշնչի հայտնի հատվածներ ဒေါ ဂုဝ် 13-ից

Կիսվել

ကာဒါယ် ပီ ယိုဝ် မဲ ဒွန် နာ ဒွန် ပ့လုဝ့်၊ အုဝ် ဒီ ဒွါ တူတ့် ဒီ မဲ၊ တဲး န့ ဘဲန် မာန် မိူင် မဲ။ ဘော ဂေ လှုက်လှာန် မဲ၊ ဂေ ဒီ ပွိုန် ကာဒါယ် တီ၊ တဲး ကော ဇမ် ဒွန် စုဝ် ဒွန် ဘာန်။

ဝါယ် ဟဲ့ ဟွတ့် အာလူတ် ကာယဝ်း ဒီ အာဘြာမ် တွိုန်၊ ဇဝ်ဖြာ ဝီ တး ကာလာင် ဂြုဝ်း ဒီ အန် တဝ်း၊ “တဲး မဲ ယွတ် ဆီချာ၊ ယွတ် ဒူင် ကွယ် မဲ၊ တဲး မဲ ဘော ယွတ် နာ ကွာ နာ တေတ့်၊ ယွတ် ဘော နာ လေး ဆီငဲ၊ နာ ဂေတ့် ဆီငဲ။

လှုက်လှာန် မဲ၊ ဂေ ဒီ ဘြဲ ကိူန်၊ တဲး န့ ကိူန် ပီ ကာပုး ဒဲင် ကာဒါယ်။ အာဆေ ပဲ ဒီ တိး ကာပုး အီ ကွယ် ဒဲင် ကာဒါယ်၊ အန် ဒီ ဘော ပဲ ဒီ တိး ခဲ့ ကိူန် လှုက်လှာန် မဲ တီ။

ပန် တီ အာဘြာမ် တွိုန် ဝီ ကာလာင် ဂြုဝ်း ဒီ အာလူတ်။ အန် တဝ်း၊ “အာယ် အာ ဝီ ဟဲ့ မုး အူ ဝေါဝဲ၊ ကွဲ့ တဲး အာယ် လာယ် ကာလုတ့်။ ဘော ဂေ ဒါ အီ ဟျီင် ဒုဝ် ဆတ် မဲ ဘော ဂေ ဒါ အီ ဟျီင် ဒုဝ် ဆတ် အုဝ်၊ ကွဲ့ တဲး ဂေ လာယ် ကာလုတ့်။

ဇဝ်ဖြာ ဟဲ့ ဟွတ့် ကာလာင် ပါယ် တီ အာဘြာမ် ဝီ ယိတ့်၊ ဒိုဝ်း ဘော ထိုပ် ဘိက် အန်၊ ဟာဝ် ချ ဘဲန် ပ့လုဝ့် ဘဲန် ပ့လုဝ့်။ ဟဲ့ ဟွတ့်၊ အန် ဝီ ဟာဝ် ကွယ် ခြိုမ် ဟေ ထေရေပ် အီ ကွယ် ဒီ ဂ့လင် အီ စိူဝ် မမ်ရေ။

အာဘြာမ် ဟဲ့ ဟွတ့် ကာလာင်၊ အာလူတ် တွိုန် ဝီ ယွတ် မိူင် ဘော မိူင်။ အန် မိူဝ် ယိုဝ် ဂ့လင် အီ ကွယ် ခူပ် ဘ့လဲင် ယောဒါန် ကော ဇမ် မိူင် ဇုဝ်အာန်။ ကာဒါယ် တီ ဟဲ့ ဘွတ်။ န့ မိုဝ်း အိုမ် ကိူန် ဒီ တီ။ ဒူင် တီ န့ ပါယ် နီ။ အာတ့် ဝဲန် ဇဝ်ဖြာ မိူင် ဆုဝ်ဒူမ် ဂါယ် မိူင် ဂုဝ်မုဝ်၊ ကာဒါယ် ခဲင် မိူင် တီ ဟဲ့ ပီ ကာပိုမ် ပီ ဘူင် ဇဝ်ဖြာ။ န့ ဘော ပီ မိူင် အဲဂိုပ်။