Աստվածաշնչի հայտնի հատվածներ ယဟ 3-ից

Կիսվել

ဇဝ်ဖြာ ရွက့် ကာဆဝ် ဂေ ဒူအီ ဒဲင် ကာဒါယ်။ ခုဝ်၊ အန် ဒွါ ဂွန် အန် အီ မုး ခဲ့ အူ ဝီ တီ၊ တဲး အန် ချွတ် ဒူအီ။ အာဆေ ညှိုမ် ဂွန် ဇဝ်ဖြာ တီ၊ အာဆာက် အန် တူ စှိုမ်။ အန် ဒီ ဘော ပွိုန် ဒီ ကွယ် ရိုမ် ဒူပ် ဇဝ်ဖြာ ဆေဆေ။

ဇဝ်ဖြာ ဟဲ့ တဲး ဂွန် အန် လူင် ဒဲင် ကာဒါယ် ဘဲန် ဒူအီ၊ တဲး အန် ချွတ် ဒူအီ၊ ကွဲ့ တဲး အန် ဒမ် မှာပ် ဒီ ဂေ။

ဇဝ် ယေဆူ ဝီ တဝ်း ဒီ အန်၊ “အုဝ် တဝ်း အာခါခ်ု ဒီ မဲ၊ ဆေ ဒူအီ တူ ဘဲန် ဒူအီ ကာမာယ်၊ အာဝ် ပွိုန် လိုပ် ခဲင် မိူင် ပီ အိုပ် ဇဝ်ဖြာ။ န့ ပီ၊ ဒူအီ လုဝ် ဝီ ဂွိုတ် ပေါ အူ ဇေန့်၊ တဲး အန် ဘဲန် ဒူအီ ကာမာယ်။”

အာဆေ ညှိုမ် ဂွန် ဇဝ်ဖြာ တီ၊ အန် တူ လုဝ် ခမ် မှာပ် အန်။ အာဆေ ယီ တူ ညှိုမ်၊ န့ ပီ ဇဝ်ဖြာ ဟဲ့ ဟွတ့် ဒမ် မှာပ် ဒီ အန်၊ တဲး အန် ခမ် တူတ့် ကူပ် တူ ညှိုမ် အန် ဂွန် ဇဝ်ဖြာ၊ အီ မုး ခဲ့ အူ ဝီ တီ။

လွင် ဒမ် ဇဝ်ဖြာ မှာပ် အီ၊ န့ ပါယ် နီ။ ဇဝ်ဖြာ ဟဲ့ တဲး ဘ့လာင် အန် တး လူင် ဒဲင် ကာဒါယ်။ ဂေ ဒူအီ အီ ကွယ် ဒဲင် ကာဒါယ် ယီ တူ အိုင် ဘ့လာင် တီ။ ဂေ အိုင် ဒီ ကွယ် ခဲင် အပ် ဝွင့် ကူပ် ဟဲ့ ဟာယ် ပဲ့ ဟဲ့ ဘူင် ဂေ။ ခုဝ်၊ အန် လုဝ် ဒမ် မှာပ် ဂေ။

ခုဝ်၊ အန် လုဝ် ဘဲန် ဒါ ဆာရာ တာင် တဲး ဂေ ဒူအီ အီ ဒူပ် အန် ကြဲ ဒီ ကိူန် ကာဆဝ်။ ဂေ ဒူအီ အီ ဒူပ် အုဝ် ယီ လုဝ် ကြဲ ဒီ ပြေတ့်။

အာဆေ ဘူင် နာ တူ မွှိုမ်၊ အန် တူ အိုင် ဘ့လာင်။ အန် တူ ယ တး ဇမ် ခဲင် ဘ့လာင်။ အန် ယုဝ် ဘ့လာင် တီ၊ တဲး န့ လိုဝ်း ခဲ့ တူ မွှိုမ် ပဲ့ ဟဲ့ ဘူင် အန်။

အာဆေ ညှိုမ် ဂွန် ဇဝ်ဖြာ တီ၊ အန် ပွိုန် ဒီ ကွယ် ရိုမ် ဒူပ် ဇဝ်ဖြာ ဆေဆေ။ အာဆေ ယီ တူ တဲး ဂွန် ဇဝ်ဖြာ တီ အိုပ် နဝ်း အန်၊ အန် တူ ပွိုန် ဒီ ကွယ် ရိုမ် ဒူပ် ဇဝ်ဖြာ။ ဇဝ်ဖြာ ဒီ ရူ ဒီ ဒူအီ ဇိုဝ် တီ ဆေဆေ။”

ဒူအီ အီ ဟဲ့ ဘဲန် ဂွန် ဒူအီ၊ အန် ပီ ဟန့် တွိုန်။ ဒေါ ကွယ် ဂေ ဒူအီ အီဆာရေလ ခဲင် ပြဲ ကာဟဝ်း၊ အာမုဝ်ဆဲ ဟဲ့ တာ ဘွင့်၊ ဘူင် အာရိုပ် ဟန့်၊ ဘ့လေး နာ ဒဲင် ရွင့်၊ တဲး န့ ချွတ် ဒူအီ အီ ငွိုပ် အန်။ ပါယ် တီ ဘော ဒူအီ အီ ဟဲ့ ဘဲန် ဂွန် ဒူအီ၊ အန် လုဝ် ဒိုက် ဒီ ရွင့်၊

ဇဝ်ဖြာ ရွက့် ဂွန် အန်။ ခုဝ်၊ အန် တဲး ဂွန် တီ အိုပ် တူတ့် ဒွန် မျုဝ်။