Աստվածաշնչի հայտնի հատվածներ လက် 19-ից

Կիսվել

န့ ဟဲ့ မုး၊ ဟဲ့ မှာန်၊ ဒူအီ အီ ဟဲ့ ဘဲန် ဂွန် ဒူအီ၊ အန် ဟဲ့ တး လူင် ဒဲင် ကာဒါယ် နီ၊ တဲး အန် ဟြေတ့် ဂေ ဒူအီ အီ ဟဲ့ ဘျုဝ်း၊ ဟဲ့ ဟြာယ်၊ တဲး အန် ချွတ် ဂေ ဒူအီ မိုဝ်း မှာပ်။”

“အေ အိူပ် မျုက် ခုန်ဒီခမ် ပဲ့ ဟဲ့ တိုယ် တး ဇဝ်ဖြာ။ တဲး ဂေ ဒူအီ ကွယ် ခဲင် မိူင် ဂါင်ဟြာဝ် မိုဝ်း နဝ်း ဂျီတ်။ အာဖုင် ဒင်ခုဝ် ဇဝ်ဖြာ ဟဲ့ တာင် ကာဆဝ်။ အန် ကွယ် ခဲင် ဂါင်ဟြာဝ်၊ အီ မုး ဒူင် တာင် လွှိုမ် တူတ့်။” ဂေ ဒူအီ ကိူန် တဝ်း ပါယ် တီ။

အန် ဟဲ့ ဟွတ့် တဝ်း ပါယ် တီ၊ ဇဝ် ယေဆူ ဝီ တဝ်း ဒီ အန်၊ “ဒေါ တီ နီ ဘော မဲ ဘော ဒူအီ ဒွန် အီ အီ ကွယ် ခဲင် ကာင် မဲ၊ ဘေ ဟဲ့ လေး ခဲင် မှာပ် ပီ ဘူင် ဘေ။ ဒေါ တီ နီ ဘော ဒူအီ ဂေ နီ ဒွန် အီ ဟဲ့ ညှိုမ် ပီ ဒါ အာဘြာဟမ်။

ဒေါ တး ဇမ် ဇဝ် ယေဆူ ဒူင် ကွယ် အာဆာကဲ၊ အန် ဆာကိုဝ်း ယွတ် အာဆာကဲ တွိုန်။ အန် တဝ်း၊ “အိုယ် အာဆာကဲ၊ တဲး မဲ လေး လူင် ဟဲ ဟဲ ဒဲင် ဟေ တီ။ အာတိုဝ် နီ အုဝ် ဆီ ဟာဝ် လိုပ် ခဲင် ကာင် မဲ။” အန် ဟဲ့ ဟွတ့် ကာလာင် ပါယ် တီ၊ အာဆာကဲ ပီခြန် အန်၊ လေး လူင် အူ ဇေန့်၊ ရွုး ဇဝ် ယေဆူ လိုပ် ခဲင် ကာင် အန်။ နဝ်း အန် ဘော ဒါခိုယ် ကာဆဝ်။

ဝါယ် အန် တီ အာဆာကဲ ဘော တဝ်း ဒီ ဇဝ် ယေဆူ၊ “အိုယ် မဲ ဇဝ်၊ ကြုဝ်ကြာမ် ခဲ့ မိုဝ်း အုဝ် ဒွန် မျုဝ်၊ အူ ကာတဲ အုဝ် ဒီ ကာဆာင် ဒွါ ဒီ ဒူအီ ဂိန်။ ခဲ့ ပီ ပုဝ်း အုဝ် ဒီ ဒူအီ ဟဝ်၊ အုဝ် ဒီ ဒွါ ဝိဝ် ဒီ ဂေ ဖွုန် ဘုန်။”

ဒေါ အန် တီ ဂေ ဖိုင် ဖာရီဆဲ ဘော ဂေ ဒူအီ အီ ကွယ် ဒူင် တွိုန်၊ ဂေ တဝ်း ဒီ ဇဝ် ယေဆူ၊ “ဒါ ဆာရာ၊ တဲး မဲ စ်ု ဂေ ဒီဘဲ မဲ၊ ကွဲ့ တဲး ဂေ ဆီနန် ဆီနိူင် ပါယ် တီ။” ဇဝ် ယေဆူ ယီ တဝ်း၊ “အုဝ် တဝ်း ဒီ ဘေ၊ ဆေ ဂေ ဒူအီ နီ တူ တဝ်း မာဆေ၊ န့ ဒီ မိုဝ်း မာဝ် ဂေ နီ၊ ဂေ ဒီ ဒတ် တာင်၊ အိူပ် ဇဝ်ဖြာ။”