Աստվածաշնչի հայտնի հատվածներ Yohanes 3-ից

Կիսվել

Ratu nkamis resi tomwatar na saryamprene ye. Iane nwayat ma nal Anaky lolmesan, nema tomwatar monuk ma ralele Anaky a ne to rmat dedesar nempa ronri momorip dedesar.

Fali Ratu to nsiduk Anaky ma nma saryamprene ye ma nukun tomwatar, nempa nma ma nfair sir nof nir salar.

Ne Yesus nfalak, “Mdwengar fen ngamone safe ma kfwalak ye. Ni botuan e farlan to ramtoranbabe rbali kmi e keta Ratu to neluk Rai ma nfarete kmi a na mir momorip.”

Mpa ise ma nalele Yakw Ratu Anaky, keta Ratu to nukun i. Nempa ise ma to nalele Yakw, keta Ratu nukun i fali to nalele Ratu Anaky lolmesan.

Ratu nukun saryamprene fali farye: I nsiduk Anaky ma nma saryamprene ye ma neluk ngaodir ber tomwatar, nempa tomwatar rmpeang lan ma rmorip a na makrokap dalam nlengan nof ma rmorip a na ngaodir dalam, fali rose lan kabain yatkar.

Yesus ye ma ka tomwatar rafdas I, nempa yakw e ka rafufu yakw.

Tomwatar ma rose lan kabain yatkar e sir to rmpeang ngaodir. Sir to rmpeang ma rmorip a na ngaodir dalam nema tomwatar kete rsalan nir adat yatkar ma rose ne.

Mpa ise ma nalele Ratu Anaky, iane feti nonri momorip dedesar lo. Nempa ise ma to nose nlarat safe ma I nfalak, keta to nonri momorip dedesar, ma Ratu nukun i dedesar.”

Luryain e Musa nose kasi nof tembaga ma ntikloi na katutnwar sa ma nafdiri na ain letkape. Feleles a nbal farlan Yakw Tomwate Anaky, ma tomwatar rtikloi Yakw na katutun sangwalu.

Amninrar Ratu nkamis desar Anaky, ma nal kuase ber I ma nkuase safe-safe monuk.