Աստվածաշնչի հայտնի հատվածներ Chenesis 18-ից

Կիսվել

Nana kia Chihowah ya̱ i̱ kʋllo kʋt im atampa hinla cho? Nitak ʋlhpisa yʋt ont ai ʋlhpiesa ka̱ aiokcha̱ya he nitak ʋt takanlikmak o̱ falamʋt chim a̱ya li pulla hi oke, mikma Salah ʋt ʋlla nakni yo̱ esha hi oke, im achi tok.

Yʋmohmi hatuk osh Salah ʋt ilap inlit yukpʋt, Sa sipokni hay ʋt ʋm achukma hinla? a̱ shahli hʋt sipokni akinli ka̱, achi tok.

Eblaham ʋt oklushi chito, micha kʋllo hosh toba pullakma, oklushi puta moma yakni paknaka aiasha kʋt yʋmmak o̱ a yukpa hi oka.

Mihmʋt Eblaham ʋt bili̱ka ona cha, Aiʋlhpiesa ak kia hatak haksi aieninchit ishit ish kancha chi̱ cho? Tʋmaha holihta anu̱kaka ya̱ aiʋlhpiesa ʋt pokoli tahlapi hosh a̱sha yoba hokmʋno; aiʋlhpiesa pokoli tahlapi kʋt yʋmma a̱sha pulla kak o̱, tʋmaha holihta ya̱ chik apoancho hosh ishit ish kanchi hak inla hinla cho?

Mihma Chihowah yʋt Sotom a̱ tʋmacha holihta anu̱kaka ya̱ hatak aiʋlhpiesa pokoli tahlapi ho̱ ai ahayuchi likmʋt, yʋmmak atuk pulla mak o̱ tʋmaha holihta ya̱ mominchit apoanchi la chi̱ hoke, achi tok.