Աստվածաշնչի հայտնի հատվածներ Matius 16-ից

Կիսվել

Musuana‑mi ti Yesu mao i pasikolaNa teꞌ, “Tau ung mio: mangulaꞌ‑Kaꞌ, parallu mampalii: kalinoangna, pang mangkoha: oròngangna, pang tùrung mangulaꞌ‑Kaꞌ.

Pang Ku pusua: ho matung teꞌ, Dio, Ku konai: Petrus, hatu papang. Pang iaho hatu te‑mo* ti Ku mampatèdeꞌa jamaaKu, pang kuasa naraka hang helai: mantalo.

U Ku hengiing konting babana kadatuang suruga. Aka ti ung nu tiliꞌ i lino, nitiliꞌa‑da ho i suruga. Pang aka ti ung nu àna: malleo: i lino, niàna: malleoa‑da ho i suruga.”

Sàbaꞌ isai-sai ti ung mangkeboꞌi‑Kaꞌ mangking mampasalamaꞌ kalaena i lino tee, kahùlìngànga katuhoangna. Hampoꞌ isai-sai ti tau ung marìngang kahùlìngang katuhoangna sàbaꞌ Koi:, tau to mangkoraia katuhoang.

Aka ti maupaꞌna mao i tau, ìna nasang i lino tee na ampui, hampoꞌ kahùlìngang katuhoangna? Mading naꞌ ti kasukiꞌang nipantukaꞌ‑ing katuhoang?

Mingkutikìna‑mi ho pole ti Yesu teꞌ, “Hampoꞌ dio se deꞌ? U Mi konai: se isai?” Na sùmuinNa‑mi Simon Petrus teꞌ, “Kinta: dea‑mo Datu: Pipasalamaꞌ, Anakàna Puang ung tuho:.”

Musuana‑mi ti Yesu mao i dea teꞌ, “Simon anakàna Yona,* u maupaꞌ tungka, sàbaꞌ handei:‑da tulino ti ung mampaìsàngi‑ko, sangadinna AmangKu i suruga.