Աստվածաշնչի հայտնի հատվածներ Matius 24-ից

Կիսվել

Pang kakadetuang dumallaꞌa iaka-aka, mambùruꞌ‑ing pìniꞌna tau mabàlia miluhali hang malemu‑i hura:. Hampoꞌ tau ung mantokaꞌ pàraꞌ kapatongangangna deaꞌ i katampàkangna, nipasalamaꞌa.

Pang Kareba Belo: mampatu: kadatuang suruga tùrùnga nipakareba deaꞌ i lìliꞌna lino, mangking nasang suku massàding. Ladu to, bùruꞌa‑mo ti katampàkangna lino tee.”

U massàdìnga se moni kaputudaang pang kareba kaputudaang, hampoꞌ hau tipadàlaꞌ se pang mariaꞌ. Sàbaꞌ nasang to parallu nipaara, hampoꞌ handei:‑da palleona teꞌ tempona‑mo ti Àlona Puang.

Sàbaꞌ suku besa situdaa suku sintàna:, pang mène: ho ti kadatuang besa mao i kadatuang sintàna:. Pang araa kaburoràngang pang pidodaꞌ iaka-aka. Hampoꞌ nasang to, pararanna‑da maang kamaparriꞌang, mène: pipanaꞌna bahine ung marrara na kekiꞌi.

Moi langiꞌ pang lino hùlìnga, hampoꞌ suaKu tontònga deaꞌ tùrungna.”

Sàbaꞌ boso: tau ung bùruꞌa mampake konaKu moa teꞌ, ‘Koi:‑mo ti Datu: Pipasalamaꞌ,’ pang mampahùlìnga boso: tau.

Tempo to, u nipeheaa se mangking nisolàngi, pang u nipateia. Pang tau i lìliꞌna lino mampukàràngo: se sàbaꞌ konaKu. Pang boso: tau mampaliia kapatongangangna‑i se pang sipehea-heaa mao i poni:-ponina‑i se pang sipukàrang. Boso: nabi-nabi ung dang tongang mingaroa pang mampahùling boso: tau.

Na sùmui Yesu teꞌ, “Toka:-tokana‑ko se, pakala‑rang ara tau ung mampahùling‑ko se mampatu: aka ti ung bùruꞌa.

Deanna‑mo to, dio se ho parallu toka:-tokana, sàbaꞌ Anaka Tulino bùruꞌa i tempo ung dang nu sàdaꞌ-sàdaꞌ se.”

Deanna‑mo to, lupu‑ko se toka:-tokana, sàbaꞌ ha u ìsang‑ko se i sangkanna ti Puangmu bùruꞌa.

“Hampoꞌ moi mène: to, hari:‑da ung mangìsang i sangkannaa ti àlona pang jaangna, moi malaikaꞌ-malaikaꞌ i suruga pang Anaka.* Ama:‑da teng i suruga ti ung mangìsang.

Sàbaꞌ araa ti tau ung si mangkonai: kalaena Datu: Pipasalamaꞌ dea‑raka nabi, pang mampukauꞌi: se tanda kalle-kalleang ung lammuꞌ, mangking mampahùling tau, mintama ho ti taunna Puang ìna hela na pahùling.

Sàbaꞌ tempona kabùruꞌangna Anaka Tulino, mènea to tempo Nuh lùlung. Sàbaꞌ, tempona lino hang na kabùruꞌi‑mi uhai sabaꞌ, tulino lupu teng manne:, menung, silopaka pang mupasilopaka, deaꞌ àlona Nuh mintama i laling lemmang ung mène: kapalaꞌ tasiki. To na lampiꞌ‑mo tempona uhai sabaꞌ te lino e, màli: na pasàdaꞌ‑i se aka ti ung bùruꞌ mao i dei: se, na ola:‑ing mate pàhuꞌ‑i se nasang. Mènea‑da ho to ti tempona kabùruꞌangna Anaka Tulino.