Աստվածաշնչի հայտնի հատվածներ मत्‍ति 6-ից

Կիսվել

कालाउ बुङ झाराङ खान्‍तेङ लाम्‍फा वाको सारभि रो वाको हुकुमगेलाइ साअ्‌सु, कालाउ वा नेलाइको भाअ्‌सिङ इदोइ गोताङ थपिप्‍यावा।

इदोइभाअ्‌सिङ जुम्‍निको पिर मापासु, हाइपानु जुम्‍निको पिर जुम्‍निहेङ दोङ लाअ्‌पिसु। नानिको पिर नानिकोङ भाअ्‌सिङ थेम्‍का हि।”

“इदोङभाअ्‌सिङ का नेलाइहेङ दोअ्‌खा, ‘हाइ चाङका, हाइ आमाङका’ रो हाइ लागायाङका दोअ्‌तेङ ताइको ज्‍यानको भाअ्‌सिङ पिर मापासु। हाइ ज्‍यान चाकाआनेमानेखान्‍तेङ रो जिउ धाबाखेन्‍ताराखान्‍तेङ मोलहिका माको कुनु?

कालाउ बुङ ना जेलाउ पुकार पाखेना, ताइको लिअ्‌ताको कोठाता दुल रो फिनु गिअ्‌तेङ नाङको आबाहेङ सिपापा पुकार पा, कालाउ सिपापा पाका तिङका परमेस्‍वर आबा नासेहेङ इनाम प्‍यावा।

कालाउ बुङ नेलाइचाहिँ एसापा पुकार पासु: हे सादेलता हिका केलाइको आबा, नाङको मिङ पुनित ज्‍याको। नाङको सारभि ल्‍वाको, नाङको लाल्‍सा सादेलता जिसिका हि, इन्‍सिकाङ इदोइ सुमिङता पोङघाको।

दिनाङ गोइका चाकाआनेमाने केलाइहेङ नानि बुङ पि।

केलाइको पाका कुकरमगेलाइ माफ पापि, जेसापा केलाइ बुङ केलाइको खिलापता कुकरम पाकालाइहेङ माफ पाका हिन्‍हाहि।

केलाइहेङ जाचता फासेपाका काथागेलाइसो दुरे ताअ्, कालाउ बुङ दुरजनसो बान्‍चेपा। [हाइदोनु सारभि, सरबङ रो प्रताप दिनाङको भाअ्‌सिङ नाङकोङ हि, आमेन।]

“हाइपानु नेलाइ द्‍याङगेलाइको कुकरम माफ पापिनु, नेलाइको सादेलता हिका परमेस्‍वर आबा बुङ नेलाइहेङ माफ पावा।

आतेलता उराइका जिह्‍याँ जुइलेङहेङ खाङसु। एम्‍बालाइ ना चालाइ बिअ्‌खे, ना आनाज चेखे, ना भाकारता सान्‍तेखे। कालाउ बुङ सादेलता हिका नेलाइको परमेस्‍वर आबा एम्‍बालाइहेङ चापाखे। हाइ नेलाइ एम्‍बालाइखान्‍तेङ हेन्‍जा मोलको माहिसुन्‍हा कुनु?

“ताइको भाअ्‌सिङ सुमिङता ताका काउरि माजोम्‍पासु। जेता पेअ्‌सा लाग्‍यावा, खिह्‍याँ चावा रो खुकालाइ खुतेङ चुमप्‍वावा। कालाउ बुङ ताइको भाअ्‌सिङ सादेलता टाका काउरि जोम्‍पासु, जेता पेअ्‌सा मालाग्‍यावा, खिय्‍हा माचावा रो खुकालाइ बुङ माचुमप्‍वावा। हाइपानु जेता नाङको ताका ह्‍यावा, इन्‍ताङ नाङको मन बुङ ह्‍यावा।

“हासुङ न्‍हेलोङ गिर्‍हिको सेवा पालि माद्‍वावा। हाइदोनु इङको एमिहेङ दिगमिग रो भेनेङहेङ माया पावा। माकुनु इङको एमिको दोअ्‌का मनसोङ साअ्‌तावा रो भेनेङहेङ खाङलि माकिअ्‌तावा। एन्‍साङ पातेङ नेलाइ बुङ परमेस्‍वर रो ताका न्‍हेमिकोङ सेवा पालि मादोस्‍वाना।

नानि भारका कालाउ जुम्‍नि दोङ चुअ्‌तेङ मेता थालन्‍हाका घासि रो ल्‍हेअ्‌हेङ परमेस्‍वर एसापा सोबाइपाखे पानु हाइ वा नेलाइहेङ झन मासोबाइपावा कुनु? खोइ कुनु नेलाइको खान्‍धुर?

कालाउ बुङ जेलाउ ना दान पिलाउ, नाङको दाम्‍पाहा खुर हाइ पाखे इङको केपाहा खुर माग्‍याको। ना दान पिलाउ सिकापा पि कालाउ सिकापा पिलाउ तिङका परमेस्‍वर आबा नासेहेङ इनाम प्‍यावा।

इसु आरोङ दोअ्‍तेङ हानेहि, “होसपातेङ हिसु, नेलाइ द्‍याङगेलाइहेङ तिङपालि धरमकाम मापासु। माकोनु सादेलता हिका नेलाइको आबासो नेलाइ हाइ दोङ इनाम मानिङस्‍वाना।

“जेलाउ नेलाइ म्‍हितुपाङ हिसुखेना, कालाउ चिम्‍काटागेलाइ भाइपा झामाका र्‍हाइ मातिङपासु। हाइपानु द्‍याङगेलाइहेङ म्‍हितुपाङ हिका तिम्‍पालि एम्‍बालाइ ताइको र्‍हाइ झामा पातेङ हिखे। जातिङको, का नेलाइहेङ दोअ्‌खा, एम्‍बालाइ ताइको इनाम निङलि दोहोइ। कालाउ बुङ नाचाहिँ म्‍हितुपाङ हिलाउ ताइको पुरिङता चुइति लागाइ रो ताउको र्‍हाइ झा। नाङको म्‍हितुपाङहिका द्‍याङगेलाइ माको, कालाउ बुङ मातिङपा हिका परमेस्‍वर आबा तिनाको रो सिपापा पाका तिङका परमेस्‍वर आबा नासेहेङ इनाम प्‍यावा।